ما هو افضل زيت للقير لومينا 2008

ممكن الطقة الي تقصدها شي ثاني .. ياريت تصوور فيديو عشان نفهم عليك

لكن حبيت اقولك اخوي موترك قير ابو 4 نمر .. اقصد اذا عشقت فيه طقة تصير وهذي طبيعية جدا .. تعور القلب ههههه

اذا كنت ناوي تغير زيت القير ..
زيت القير اسمه ايسي ديلكو vi اشتري 5 علب كامل سعرهم ب100 ريال .. لا تشتري ايسي ديلكو iii تراه قديم وما ينفع لقير سيارتك..
واشتري فلتر القير ويجي معه وجه كرتير سعره 90 ريال
وروح لأي بنشري قريب منك ويغير لك الزيت بسعر 70 ريال ممكن اكثر او اقل على حسب البنشري.. واهم شي لا ينسى تنظيف المغناطيس ..

ونسيت اخبرك انا الوكالة سالتهم عن كم علبة ياخذ القير ...قالوا لي 7 علب لكن لما غيرت الزيت القير اخذ 4 علب ونص ..

الاسعار هذي من 3 اشهر .. ممكن تكون الاسعار اغلى او ارخص والله اعلم ..

الله يعينك اكثر اهل اللومينات خصوصا ٧ و ٨ يشتكون من كثرة خراب القير. لكن من ٢٠٠٩ وفوق تم تعديل القير بحيث اصبح يستوعب قوة المكينه 
فنصيحتي كي تحافظ عليه حاول تكون سواقتك هاديه لاتضغط على المكينه والا بيروح القير توضيب 

غير الزيت مع الفتلر ايسديلكو وجرب 

حبيبي 
خذ العلم ولاحد يفتي لك من راسه 
ترى كل سياره لها زيت معين 

وانا احذرك والله تندم 

اسحب عيار زيت القير تلقى منحوت عليه
نوعية الزيت المخصص للقير وخذ مثله من الوكاله 
وحاول انك تشفط الزيت عشان تتخلص من اللي بالقير
والطنجرة كامل 
وتفك الليات حقت مبرد الزيت 
وتنفخ فيها حتى يخرج الزيت القديم من المبرد
وتصب ١٢ علبة زيت تقريبا 
وهي للقير مع الطنجرة 

كذا انت غيرت الزيت كامل 

العيار لزيت القير منحوت عليه iii لكن بالكاتلوج ينصح باستخدام vi

الزيت القديم iii
الزيت الجديد vi

وهو الي ينصح فيه الكاتلوج

اذا صار فيه شك 
ادخل موقع الشركة الام وبتلقى غايتك 

ناظر زين 
هل الزيت مخصص لل٨ سلندر او ٦ سلندر 

ترى فيه اختلاف 

مشكورين جميعا للردود الطيبه والله لا يحرمني منكم 
موتور سيارتي 6 سلندر .. واللي استنتجته من ردودكم الطيبه اني اغير الزيت واحط
:)ايس ديلكو vi مع الفلتر وتنظيف الليات .. وللي جرب هل تروح الطقه ( بلاش تختض 
عشان لا يزعل ابو مطرقه ) ولا طبيعي تبقى موجوده ؟ وأكيد اعلمكم بعد تغير الزيت ان شالله

السلام عليكم
الخضه او النتعه دائماً تكون يـ
زيت القير ناقص / او الزيت فاشل وغير المُوصى عليه من الشركه الصانعه / او حساسات
آخر إحتمال يكون في تراكم اوساخ رايش في احدى مجاري مخ القير Body Valve

لكن هنالكَ ملاحظه
ترا فيه نتعه وهذي مشكلتها اللي تكلمت عنها فوق
وفيه رجفه واضحه اثناء التعشيق لـ R - D

لو اللي تقصد رجفه قويه وواضحه الاحتمالات تكون
1- الطنجرة او المشغل المسؤول عنها ويسمى Torque Converter Solenoid
2- الزيت مو اصلي او ناقص بشكل كبير
3- مبرد زيت القير فيه مشكله

لاحظ انا اعطيتك الاحتمالات لإني ماقدر أأكد لك العله وانا ماجربت السيارة لذلك انصحك
تروح لأحد فاهم في القيور يا يقولك بسوي لك كذا وكذا والشغل عليه ضمان
او بـ 100 ريال اعتقد فحص كمبيوتر للقير يحدد لك العطل ويعطيك كود الخطأ بالضبط
ولحد يتفلسف عليك

بالنسبة للزيت
مر الوكاله واطلب زيت GM الاصلي نفس العيار الموجود عندك في دفتر الوكاله
لا ترضى بزيوت ايسي ديلكو المغشوشة
واذا ما حصلت الشركات الاخرى كثير اهم شي يكون Dexron او مكتوب عليه متوافق مع 4 Dexron VI
في امان الله

مشكور على ذوقك ومرورك ابو كيان

بقير 4 نمر
طبيعية