أضف سؤال أو موضوع جديد          

سالفتي في الصناعية

up 9 down 4
b or not be 1422
قبل 8 سنه و 10 شهر



السلام عليكم ورحمه الله وبركاته :
مبارك عليكم الشهر واعانا الله على صيامه وقيامه وجعلنا فيه من المقبولين..آمين

بما اني مختفي في الموقع>>>تلك اشاره باتمان هههههه
 ولا عندي سوالف وتجارب كثير ..قررت اني اوافق اخذ سيارة اخوي للصناعيه واصلحها طبعا بفلوسه
 حتى الاكل والشرب عليه بحكم اني بدون سياره وراتب اخر الشهر وكل مصيبه انا السبب فيها>>>مظلوم
السياره هي كابريس 2001 وكانت فيه اصوات طقطقه قدام مع اي شيء يقابلني في الخط وكان فيه شيء خربان
وعارفه اللي هي جلد عمود السحب لانه كان يشتريها ويركبها بنفسه قدام البيت وتخرب وتروح الاصوات وترجع
اخس من الاولى..رحت لصناعيه خميس مشيط اللي على طريق وادي بن هشبل وقلت نشوف المحلات من البدايه
واروح ل نجوم الخليج لبوابتهم اللي رقمها 2 وقال: ايش المشكله قلت: اصوات ابغى تفحصها على رافعه وركب واحد
من اللي في الورشه وجربه قدامي والسياره عند الباب ما رفعها  وكانت الكفرات تنسحب لوراء اذا مسك فرامل
 وطالعني ويقول: هذه عندك جلد عمود السحب 
خربانه وانا اطالعه فيه لاني حسيت انه كذاب وطريقه فحصه تدل على الامبالاه وعدم الوضوح..وقتها تمنيت ان 
معي فصفص وكل ما قال كلمه ارمي القشار عليه واقول ايوه ايش بعد ههههههه..بعدها قلت: كم تكلف شغل يد؟
قال :150ريال وعشانك 100 ريال !!!!!!!!!!!! واشغل السياره وامشي وادخل للصناعيه وادور واسال وكل واحد
يجيب خراب زياده من عنده واذا سألت عن السعر, يعطوني اسعار فلكيه واذا قلت: ليه السعر غالي؟؟!!!!
يجيني الرد المقنع: هذا كابريس هههههههههههه واسحب عليهم كلهم الين لقيت واحد يماني رفعه وقال ما فيه الا ثلاث
اشياء خربانه :جلد عمود سحب وجلد مقصات وكراسي مساعدات قلت: الشغل بكم؟؟؟؟ قال :350 ريال
يصلحها ويوزنها ...حاولت انزل في السعر ووافقت في النهايه لاني حسيت انه فاهم وبيضبط السياره وهو صادق
في الاشياء الخربانه وما زاد شيء .. واروح اشتري اللي قالها:
1- جلد عمود سحب للجهتين ب 150 ريال سوريه            الاصلي  ب 950ريال عند بالبيد/ والتوكيلات ب 740ريال
2- جلد مقصات كامله للجهتين ب 350 ريال تحت الوكاله    الاصلي ب 440 ريال عند بالبيد/ والتوكيلات ب 500 ريال
3- كراسي مساعدات أمامي للجهتين 330 ريال تحت الوكاله  الاصلي ب 440 عند بالبيد/ والتوكيلات ب 450 ريال
واجيه ويرفع السيارة واللي اشتغلوا السيارة هنود او بنقاليه يعني طلع هو المدير ويكشف فقط..قلت: ما تفرق اذا الشغل كويس
وهم يشتغلون لاحظت جلد ذراع الدركسون متقطعه فدعيته وقلت: ابغى اغيرها لها حساب ثاني ولا مع الشغل؟؟
قال: لا خلاص بنغيرها مع الشغل>>>هو فاك القطع كلها فما فيه تعب لو غيرها
طبعا جلد عمود السحب فيها حديده طويله شوي لازم يقصونها وجلد المقصات يسون لها كبس عشان تطلع ويركبون الجديده
ونجي لكراسي المساعدات ويفكونها وجاه وقتها هندي او بنقالي من برا الورشه عشان اصدقائه وقالي :ترا الكراسي كويسه اللي خربان هو الرمان فقط
قلت لليمني: خلاص بأجيب رمانات وارجع الكراسي..هو وقتها عصب على اللي علمني وما أدري هو عشان الكراسي عشان يأخذها ويستفيد ولا يمزح معه ولا بينهم مشكله من أول
قلت: الحين نبغى نروح نشتري جلد ذراع الدركسون لأني نسيتها ونروح في سيارة واحد من الزبائن مخلي سيارته في الورشة وقالي  جب معك جلد توازن 
ويركبونها واعطيه حسابه واجربها وما شاء الله تبارك الله بس طلع فيه حذفيه شوي والسبب من الكفرات حتى بعد ما عكسناها

جلد ذراع الدركسون للجهتين ب70 ريال 
جلد التوازن  للجهتين ب20 ريال
كراسي المساعدات للجهتين ب60 ريال

هذه سالفتي وما طولتها الا أدري إنكم فاضيين وتدورون أي شيء يشغلكم ههههههههههههه


 يوم جيت أصور الشغل خلصت البطاريه>>>ما هو وقتها
لكن فيه كم من صورة تجبر الخواطر ..وعلى قلتها الموقع ما حملها>>>فيس غاضب


خاطره /
اذا لم تصل لآهدافك كما تريد فأعلم أنك لم تصل لربك كما يريد..فقوي علاقتك بالله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي الصناعيات تصدع لي راسي الله يعينك 


up 2 down 0
مضيع حروف 34
قبل 8 سنه و 10 شهر



ياخوي المفروض اي قطعة تغيرها تاخذها معاك لا تخليها عند الورشة 


up 1 down 0
بدر الغامدي 88083 4055
قبل 8 سنه و 10 شهر



من تجربه جلد حمرا سوريه كويسه والله بس مالي الا شهر تقريبا مركبها , موتر تغير وتحسه متماسك بس فيه حذفيه !! يسار بعد ؟؟ مدري ليه :(


up 1 down 0
x500 777
قبل 8 سنه و 10 شهر



سوريا فيها مصانع ؟؟؟ 
والله غريبه 


up 2 down 3
b1970 88
قبل 8 سنه و 10 شهر



شف جلد السحب مهمه لانها هي ماسكه مثبته قطع السياره انا مثلك اخذت جلد سحب سعودي وخربت ثاني يوم لامسكت بريك احس الكفرات بينفكن وركبت جلد سحب امريكي وما اشتكيت منهن 


up 2 down 0
شعلان 54
قبل 8 سنه و 10 شهر



ملآحظه ممكن ؟؟


سيآره آلزبون آللي رحت فيهآ هل آلزبون سمحلك تروح بسيآرته و لآ آليمني عطآك و قآلك رح فيهآ !!


up 4 down 0
saeed 7 330
قبل 8 سنه و 10 شهر



مضيع حروف/
صدقت لن لازم منها ما فيه سياره تدوم بدون صيانه
بدر الغامدي 88083 /
كل القطع جلد يعني ما عاد فيه فائده منها لانها متقطعه
x500/
حتى انا عندي حذفيه مثلك لكن اهم شيء ان السياره متماسكه بعد التصليح
b1970/
العالم تطورت كل شيء تقدم للأحسن إلا حنا نرجع وراء وإذا قلنا شيء ودونا للسجن
شعلان /
اللي ركب الجلد  لك ما عرف يركبها ..لآن لازم يقص من الحديده اللي تجي في الجلد السورية لأنها طويله
saeed 7 /
رحت أنا واليمني الثاني.. لآنهم 2 في الورشه مدراء


up 1 down 0
b or not be 1422
قبل 8 سنه و 10 شهر



سوريا فيها مصانع ؟؟؟؟؟ اقولك يالحبيب سوريا تصنع حتى سيارات اكتب بقوقل سيارات شام ولعلمك تصنع ادوية وجلود و و و و و


up 2 down 1
maldkheel 521
قبل 8 سنه و 8 شهر



كيف يعطيك سياره الزبون ومن سمح له وليش ترضا انت تاخذها بدون اذن صاحب السياره
ترضا احد ياخذ سيارتك 
انا اعتبر ماعنده امانه هاذا العامل


up 1 down 0
ابو عبد العزيز 305 417
قبل 3 سنه و 10 شهر



لا سقت ولا بأرضى بالموضوع هذا

لو ركزت بتلاحظ اني قلت (ونروح في سيارة واحد من الزبائن.....)

لك لايك +1


up 0 down 0
b or not be 1422
قبل 3 سنه و 10 شهر