أضف سؤال أو موضوع جديد          

ذبحني هالموتر كل يوم عله

up 1 down 1
راكان-505 7167
قبل 5 سنه و 8 شهر



السلام عليكم 



ندخل في صلب الموضوع على طول 

ياخوان انا موتري قبل فتره صرت اهتم في كثير من ناحية النظافة وحركات وكذا المهم

قبل اكثر من شهرين ونص صار يطفى علي 

دخلته ورشه على حسابي المهم نفضته وغيرت حاجات فيه كثير ب 3500 

المهم قبل اطلعه قالي انها طرمبة البانزين اذا احترت تطفى 

ويوم جيت استلمه قلت خلصته قال لا طلع الكمبيوتر يحتر ويطفى ؟؟

المهم ابوي اخذ الموتر وقال خله علي ووداه لصناعية الخليج ان كانكم تعرفونها طبعا الرياض

وصلح الموتر طلع سلك ظفيره ب 1500 وبعد غير حاجات كثيره المهم انه  كلف حسبتي مع حسبت االوالد 14 الف 

قيمة اكسنت ورده!

المهم وجلس شهرر او شهرين مافيه اي شيء زي السمن على العسل 

وبعد شهرين كتبت موضوع هنا عن المكيف انه حار الجهتين الي ع اليسار والجهتين الي ع اليمين بارده

وبعده بكم يوم قلب حار كله المكيف 

وداه ابوي للورشه وقالو مواصير مكيف وصلحوها وغيرو بلف المكيف والحين توني راجع عليه من مشوار وقلب 
حار الجهتين الي ع اليسار 

اقسم بآيات الرحمن ان هالموتر عذبني وابي ابيعه والوالد رافض هالشيء لكن الشكوى لله 

طبعا انا طفشت من هالموتر ومادري وش السواة ياليت الي فاهم ف االامور ذي ينصحني او يفهمني وش سالفة هالسياره هي عين ولا وش؟

ودمتم بود







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


البليزر حساس بشكل موطبيعي الله لايعيده من موتر هبل فيني


up 2 down 1
hmada1213 2025
قبل 5 سنه و 8 شهر



بوجه عام الأمريكي اذا فتح كبوته إنحش عنه وخصوصا لو المشكلة كهربائية وسلم لي على الياباني والكوري


up 5 down 2
الولد السعودي -28
قبل 5 سنه و 8 شهر



ايش نوعه كم موديله والله صرت خسران وتعبان عليه فخليه احسن لانك اذا بتبيعه وبتشتري موتر مستعمل ثاني اكيد بتبلش فيه وتضطر تصلح وتخسر عليه كمان او نزل موتر وكالة وريح راسك


up 1 down 0
00700 538
قبل 5 سنه و 8 شهر



فعلا البليزر غثيث غثيث بشكل ما ينتصور وانصحك ياخوي راكان تبيعه وتاخذ لك موتر احسن منه 

صحيح انك خسرت فيه ولا ودك تخسر زياده بس الواحد بهالدنيا يشتري راحته والراحه اهم 

الله يعينك ويصبرك على هالموتر وفعلا انا كنت راد على موضوعك بخصوص المكيف وكنت اتمنى تروح للمحل اللي وصيتك عليه 

بالتوفيق يا غالي


up 3 down 1
camry grandi 99 7276
قبل 5 سنه و 8 شهر



الله يعينك


up 1 down 0
بدر007 -91
قبل 5 سنه و 8 شهر




معقوله14 الف وويخرب من جديد
مامنه فايده ذا
بيعه وشوله هالخساير


up 2 down 0
moosa-f15 13
قبل 5 سنه و 8 شهر



والله يا كامري قراند قلت للوالد واحد موصيني اروحح لمكان قال لا هذا خويي واعرفه 

وهالبليزر جنني بالحيل مرررررررررره خلاصص 

اخوي 00700 موديله 2006 جايبه من امريكا كرررت وكالة مافيه مخش له الان 4 سنوات وهالسنة قام يستهبل


وبعد الضيقة االا فرج ان شاء الله وموتر وكالة مقدر اطلع ماني متوظف 


up 1 down 1
راكان-505 7167
قبل 5 سنه و 8 شهر



الله يعينك اخوي 


up 0 down 0
00700 538
قبل 5 سنه و 8 شهر



اللهم امـــــــــــــــين


up 0 down 0
راكان-505 7167
قبل 5 سنه و 8 شهر



البليزر دلوع بزياده زوج خالتي عنده بليزر كل صياناته في الوكاله ومحافظ علييه بشكل ما تتصوره 
وماشي معه ما شاءالله ما يشتكي منه 



up 1 down 0
fulloption 196
قبل 5 سنه و 8 شهر



شريت بليزر الله لا يخسر شريته با 10 الف ريال خسرت عليه 7 الف خلال شهر ونص وبعته 3500 ريال هذي الخسائر بخصوص المكيف يمين بارد ويسار بارد هذا الثلاجه صارت معي على كامري وصلحته با 1500 ريال وشكرا


up 2 down 0
مستر12 861
قبل 5 سنه و 8 شهر



موتري مركون بالورشه من اكثر من شهرين 

ترى يمكن ان قطعه ب 20 ريال تخسرك 15 الف مثل بلف الحراره و نتظيف بخاخات.......


up 1 down 0
فهد4950 2546
قبل 5 سنه و 8 شهر



دائماً الشفروليت مشاكلها كثير كثير نصيحة حاول تبيعه باللي تقدر عليه صدقني مادام فتح كبوته انسى انه يسكره


up 0 down 0
أبو ناصــر 1316
قبل 5 سنه و 8 شهر



ياخي مدري ليه هالموتر دايماً يشبهني باللومينا 2001 نفس الداخليه ونفس الخرابات اللومينا ماتجي قيمتها 5000 ريال وخراباتها تتصلح ب 10000 ريال الله يعينك ياصاحب الموتر


up 0 down 0
شكلين مابحكي 3155
قبل 5 سنه و 8 شهر



الشفروليت ما فيها الان الا التاهو والباقي ابعد عنه بما فيها الكابرس الموديلات الحديثة اما البليزر موتر توهق فيه ناس كثير قبل 8 سنوات اول ما دخل الشكل الجديد خصوصا مع دعايته التلفزيونية الماكرة ***فهو والكيا اذا اشتريتهم احسب 2000 ريال صيانة شهرية لهم


up 0 down 0
ابوعبدالمحسن123 533
قبل 5 سنه و 8 شهر



اخوي شف هالمقطع يتكلم عن مشكلتك مع الإصلاح

http://www.youtube.com/watch?v=_m8wcIcV3AM


up 0 down 0
راكد 226
قبل 5 سنه و 8 شهر



السلام عليكم جميعاً
نصيحة لوجه الله وبإذن الله ترتاح ،،، بيع الموتر،،، بيعه ،،، بيعه ،،،، بيعه ،،، بيعه

من اسوأ ماصنعت جنرال موتورز هي واختها الانفوي
وجميع الشفر عموماً

ولا يوجد من بينها اللا التاهو فقط ممتاز،، لأنه يصنع مع اليوكن والاسكاليد بمصنع واحد


وان بغيت راحتك بيعه لانه راح يجلس شهر فالورشه ويومين معك وهكذا ،،،


الله يرزقك ويعوضك عن خسارتك 


up 0 down 0
fayez2336 4
قبل 5 سنه و 8 شهر



اللهم امين يعطيك العافية جميع واعتذر عن الي مارديت عليهم 


up 0 down 0
راكان-505 7167
قبل 5 سنه و 8 شهر