اعاده احياء كابريس87
6
4
إضغط هنا للإخفاء
السلام عليكم ورحمه الله وبركاته كيف حالكم ي اعضاء وزوار منتدى حراج ان شاء الله انكم بخير حبيت اشارككم موضوعي منها تستفيدون ونتبادل النقاش والآراء
الموضوع ...
كان عندي كابريس ٨٧ بروجهام جيمت علي مكينته وقعد له فتره طويله واقف معد اهتميت فيه وكان واقف في ارض برحه تراب والشمس تضرب فيه وهو واقف على الكفرات لاهو مرفوع ولا شيء
يعني السياره كانت مرميه المهم ...
جتني فكره وانا فاضي قلت ليش ما اصلحه ممكن ينفعني وياليت ما صلحته نبدأ بالمغامره.....
رحت ادور اول شيء مكينه وعلى بالي اني بغير مكينه واركب السياره وامشي
وعينت مكينه ٣٥٠ موضبه بالتشاليح ب ٣٢٠٠ معى التركيب وضمان شهر عليها
وقلت توكل على وركبها واركب المكينه واشتري بطاريه جديده واغير دينمو حق الكهرب ب ٦٠٠
واشغل السياره واشتغلت وقلتا الحمدلله طبعاً انا ماتهورت وقلت خلاص بروح واستعمله
واروح بعدها على ورشه افحصه بالكامل واغير له طقم مساعدات الواحد ب ٨٠
واغير له طقم يايات الواحد على ٨٥ وكانت ٨ لفات واغير كمبروسر مكيف ب ٥٥٠ واعبي فريون ب ٢٠٠ريال
واروح للكهربائي اللمبات كانت عندي مكسره ومحرفه واصلحها كلها ب ٩٠٠ ريال
ويالله من بعدها واروح للبنشري واشتري اربع كفرات ب ١٦٠٠
طبعاً خسرت على السياره الى الان مايقارب 9000 ريال
وباقي فيه شغلات ابي اغيرها مثل كلبليتر يبيله تغيير اخر مره غيرته قبل ١٠ سنوات والديلكو مزعجني مدري كيف اوزنه ماخليت اي ورشه بالجنوب الا ورحتها
وعندي مشكله اذا شديت للسياره من الصفر يكون عزمها قوي واذا عشق الثالث على ٨٠ يبطي العداد احس السياره طاااااح عزمها مرررره ما ادري هو خربان القير ولا ايش يبيله والدفرنس الي عندي دائري وش الفرق الي بينه وبين المربع
هذا والسلام خير ختام والي عنده سؤال يسأل والي عنده معلومه لايبها علينا فيه
إبلاغ
الردود
2
0
لكن قبل هذا كله اوزن الديلكو عند معلم فاهم وخله يرفع لك دعسة البنزين عشان تخف السيارة في المشي ..وبالتوفيق
0
0
اذا بتنفض الكابرس ياتنفضه نفضضه بنت كلب ولا اخليه افضل لك لانه بيتعبك اذا
غيرت قطعه وخليت قطعه بسس انت غير كل صغيره وكبيره واحرص تكون Gm
وشف واهم شي عليك بالقطع الميكانكيه الاكسسوارت تلقاها بعدين
وقبل فتره شفت كربريتر جديد بكرتونه طالب فيه ٢٠٠٠ريال بتتعبب في القطع
بسس المزيون يستحق التعب لانه بيجمل معك اقل اقل شي ١٠ سنين قدام .
0
0
رح شوف الورش سيارات (كراتين) جديده منطوله بالورش يخسرون عليها آلاف الألوف رغم انها كراتين وقراطيس وبلاستيك.
بس لو لنك ماخذ مكينه غير موظبه أفضل بعدين سعر المكينه غالي كثير مادري احتمال يكون التوظيب شغل أصلي بس اهم شي طقلك كربريتر جديد وريح راسك واللي يقولك سعر الكربريتر 2000 ريال غلطان سعره حدود 1400 الى 1500 طبعاً للعادي وليس الكهرب وانصحك تاخذ عادي جديد عشان ماتدخل في متاهات
وانصحك لاتفرط في الموتر ترا كثير اعرفهم تندموا على البيعه
0
0
صراحة اهنيك على ماسويت موتر كفو يستاهل من يخسر فيه
قبل 11 سنه و 4 شهر