كابريس مديل 89اذا دخلت بملف

هلا اخوي .. 

طيب يطفى إذا لفيت يسار أو يمين , يمكن من العوامه خربانه , لما يبعد عنها البنزين مع اللف يطفى , أو طرمبة البنزين  < < احتمالاين فقط .. 

بالنسبه للحراره شيك على موية الرديتر وعلى المرواح ويمكن الرديتر تعبان الله وأعلم , إنت مابينت التفاصيل عشان نفهمك ونوضحلك ..

وبالنسبه للعزم , شوف البواجي متى أخر مره غيرتها , أسلاك البواجي , صفاية البنزين , الكربريتر نظفه واذا بخاخات نظفها ..

وضح أكثر عشان نوضح أكثر {{ الموضوع مبهم }} ... 

تحياتي لك .. 

ماقصر اخوي عاشق الماركيز ودي اصكه بلايك لكن مايمدي

المهم نفس المشكله عند واحد من الشباب كابرس 90 والا الان مالقى حل

يمكن فيه لخبطة بشد السيور او مثل ماقالوا الشباب لان مع اللفة اذكر بفان 93 كانت علبة الدريكسون خربانة يثقلللللل مررره

شوف ياطويل العمر المشكلة عندك في تانكي البنزين لأن السيارة ماتطفي وياك الا اذا كان البنزين على النص او اقل اما اذا كان فل فهي ماتطفي صح ولا لا مكان المشكلة عندك في نفس التانكي

فيه فواصل بالداخل عشان مايروح البنزين يمين ويسارفي اللفات هاذي الفواصل مع الوقت تتكسر

كانت عندي نفس المشكلة في كابرس 88 والله ما عرفتها لين بعته ومريت أكثر من كهربائي وأكثر من ميكانيكي وماعرفوا وش المشكلة عموما الله يعينك وييسر أمرك

الله يعطيكم العافيه حقيقه الموتر مايطفى الااذا كان البنزين النص
اواقل وبالنسبه للرديتر اللي عندي المنيوم رصتين بس تتوقعون هو سبب الحراره 
ثالثا السياره موضبها لها 8شهور الاربعه الاولى كانت حرارتها عادي اومعدومه بس رحت مكه وتساقط مع سياره فالطريق ومن بعد ذيك المطارحهه ماعينت السياره خير 

الحراره بتكون من نفس المكينه هذا اذا الرديتر عندك ألمنيوم ونظيف ارجع للي وضبها لك قد تكون المشكله في التوضيب شغل مشي حالك
بخصوص اطفاء الموتر المشكله من التانكي مثل ماقالك اخوي "for speed"

بالنسبه للطفيه معي كابرس ٩٠ نفس الحكايه لما يكون على الربع 
والمشكلة في عوامة الطرمبه تتحرك من مكانها ومابعد فضيت افكه
اما مشكلة الحراره فهي من الراس تاكد اذا بلف الحرارة مفكوك رجعه اذا ماضبطت الامور 
ارجع للي وضبها خله يفحص الراس يمكن فيه شعر 
او توضيبة مش حالك 
وولحراره كذا سبب ( القير ، الراس، الاتوماتيك حق المروحة ، احد الخراطيش يكمش ، غطا الرديتر) 


عشان تعرف المشكلة اذا من الراس شغل المكيف الظهرية اذا كنت بالرياض وانزل مع طلعت ديراب وارق مره ثانيه على سرعه ١٦٠
اذا قامت الحراره تدريجي دبر لك راس وريح مخك