أضف سؤال أو موضوع جديد          

الي يقول التزم بالسرعه النظامية تعال تفضل

up 17 down 3
lolo-ss 4527
قبل 5 سنه و 8 شهر



السلام عليكم 
كيفكم يا اخواني ان شاء الله طيبين 
والشهر عليكم مبارك والله يتقبل منا ومنكم صالح الاعمال 

الي بتكلم عنه اليوم ان فيه ناس لما ينزلون موضوع علشان ساهر او ظلم ساهر القاء ردود يقولون التزم بالسرعه 
والسرعه ماهي زينه ومدري ايش 

مو شرط اذا لقطه ساهر يا اخوان يكون ماشين 200 يمكن 100 والشارع 90 ف ليش هالتفكير 

نرجع لموضوعنا الي يقولون التزم بالسرعه للمعلوميه بس مو كل الشوارع مكتوب عليها السرعه المحدده 
حسستوني عايشين باليابان 
انا لقطني على شارع شبه مهجور امس اسمه الغروب 
طبعا رجعت له قلت السلام عليكم 
وقال عليكم السلام 
قلت لو سمحت كم السرعه هنا قال 90 
قلت وانا كم قال 110 
قلت طيب وش دراني انه 90 ؟؟ 
قال الله يعينك 


فالمقصد مو كل من لقطه ساهر مسرع ومستهتر ويحب السرعه بلاش نحكم على الناس 
بلاش نظلم الناس ونحط بذمتنا اشياء مالها دااعي 

واسف على الاطالة 

تحياتي 
اخوكم /محمد التميمي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لاتمشي اكثر من مية وانتهينا


up 1 down 25
fiqar 60
قبل 5 سنه و 8 شهر



حياك اخوي منور 
طيب فيه شوارع السرعه 70 ؟؟؟؟ فكيف لا امشي الا 100 
مو هذا المقصد يابعدي 
المقصد ان فيه شوارع ماتعرف او يكون فيها لوحات للسرعه المحدده 
تحياتي


up 9 down 0
lolo-ss 4527
قبل 5 سنه و 8 شهر



المشكلة ليست في نظام ساهر وساهر موجود في كل مكان فالعالم




لكن المشكلة هي في ( كيفية تطبيق نظام ساهر )




خارج السعودية تلقى هناك ساهر عندهم وضع من أجل ضبط القانون على قائدي المركبات  و ( كيفية تطبيق عمله ) توحي بانه وضع من أجل الحد من حوادث السيارات وجعل قائدي المركبات يتقيدون بالسرعه المحدده
كييف طيب ؟




قبل كمرات ضبط السرعة بتلقى لوحة كبيره مكتوب فيها ( الطريق مراقب بالردار السرعة القصوى 140 ) وايضا تحذير بغن الطريق الذي سوف تسلكه يكون مراقب بالرادار ولوحات إرشاديه كبيره 
طبعا الكل ينتبه ويتقيد بالسرعة المحدده 
ومن هنا نقدر نقول انه هدفهم تقييد الناس بالسرعة المحدده قانونيا وتقليل الحوادث 




أما ساهر عندنا صحيح انه وضع من اجل تقليل الحوادث وتطبيق النظام لكن للاسف ( كيفية تطبيقه ) توحي بانه وضع لهدف مادي بحت وليس من أجل فرض النظام على الناس
كييف طيب ؟




أول شي حاطين لوحات إرشاديه صغيره وكبير السن ماراح ينتبه لها وفالليل محد بيلاحظها وراح تنخم فيها وكئنها مصيده عيني عينك 
طيب ليه ماتسوون مثل الدول برى
لوحات إرشادية كبيرة ويوضح فيها السرعة القانونيه كم والسرعة القصوى كم وان هالطريق مراقب بالردار ؟




ليه دائما لوحات صغيرة 
وليه دائما الكمرات ليست ثابته ومتحركه في سيارات مخفية كل شوي فمكان ومره بين الشجر ومره حاطينها فبراميل زبالة تبع ( صالح كامل ) الضفدع هو وبرامليه الصغيرة  ومره حاطينها عند لفه 




هنا نقول انه ( كيفية تطبيق نظام ساهر ) توحي بانه وضع من أجل مادي بحت وليس من أجل فرض النظام 




ولاحظو كيف خارج السعودية وضع الكمرات لتحديد السرعة فيه لوحات كبيره توضح لك هالمنطقه فيها رادارت او لا وكم السرعة القانونية وكم السرعة القصوى




طريقتهم هذي تدل انهم يبغون يفرضون النظام ويقيدون الناس بالنظام 




عكس كمرات ساهر عندنا ومن طريقتهم تحس انهم يبون فلوس وليس من اجل تطبيق النظام كل شوي داسين الكمرات فمكان وكئنهم يتصيدون اخطاء الناس 


up 11 down 0



معك حق 100 % . راجع موضوعي اللي كتبته.


up 2 down 0
المحتـرف 145
قبل 5 سنه و 8 شهر



منور حبيبنا شاقح 
والله يا شاقح اذا نبي زي الدول ذيك يبي لنا ملايين السنين الضوئيه وصدقت هذا هو التطبيق الحقيقي لنظاام سااهر 

لكن حنا مو طماعين كل الي نبيه طال عمرك مكان اللوحه الصغيره الي كبر يدي يكون واضح وقبل ساهر مووو بعده 


up 0 down 1
lolo-ss 4527
قبل 5 سنه و 8 شهر



مافيه احد نشتكي له عن سوء تطبيق ساهر مسؤول او قطاع حكومي

الله يعين بس


up 2 down 1
shuja1410 81
قبل 5 سنه و 8 شهر



طبيعى تاكل مخالفة لو السرعة 90 مسموح لك بالتجاوز الى 100 فقط لكن 110 تعتبر زيادة
ولو في شوارع واسعة وفسيحة والسرعة غير مناسبة وتعبتر قليلة بامكانك الرفع لادارة المرور التابعة لمنطقتك
في مكة عندنا في كم شارع تم تعديل السرعات لاكثر مما كانت عليه
ومشكورين الادارة العام للمرور في مكة استجابت لرغبات الناس


up 1 down 2
العمدة 1434 1173
قبل 5 سنه و 8 شهر



والله انك صادق 


up 1 down 1
شراي جآد 250
قبل 5 سنه و 8 شهر



والله امشي ١٠٠ وصورني على طريق الثمامه
بعد ساهر طلعت لوحة السرعه ٩٠
و٣٠٠ ريال حسبنا الله ونعم الوكيل
مالنا غيرك يالله 


up 1 down 0
ابوسطاام 3206
قبل 5 سنه و 8 شهر



اررحب مليون بشيخناا 
ههههههههههههههههههههههه الي يغرزون بالنص هذي مصيبه مدري وشلون كل يوم اشطف واحد 
والكهرب ابد انحش المزاحميه نقلو  الرياض هاليومين هجينا شقق مفروشه مع الاهل 
يلعنهم هم وماطورهم والله فضحونا عند المعازيم وربعنا 


up 0 down 0
lolo-ss 4527
قبل 5 سنه و 8 شهر



شيخ المعارض حنا طفئ علينا الكهرب الصبح والساعه 5 لين  وقت متئخر من اليل

تدري ليه الكهرب طفئ عليكم  عشان يخففون الضغط علئ الرياض  وحنا الي ناكلها  لاصار فيه ضغط كهرب علئ الرياض مافيه 

الا قوه سحب كهرب من المدن الثانيه


up 1 down 0
ابواحمد2090 1524
قبل 5 سنه و 8 شهر



شكرا على الموضوع ياابناخي


up 2 down 0
ما بنكسر صابر 2691
قبل 5 سنه و 8 شهر



{ إن الله وملائكته يصلون على النبي يا أيها الذين آمنوا صلوا عليه وسلموا تسليما } صلوا على من امرتم بالصلاة والسلام عليه...


up 1 down 0
mr.3bo0od.2012 -8
قبل 5 سنه و 8 شهر



يسلممممممم لسانك يا شاقح

وما بعد كلامك كلام


up 1 down 0
زيد-811 67
قبل 5 سنه و 8 شهر



ساهر استنزاف جيوب الشعب. لابارك الله بمن اشار عليهم فيه


up 1 down 0
wdwd 247
قبل 5 سنه و 8 شهر



wdwd
صدقت وكلامك عين الصواب


up 1 down 0
ابو سلطان422 10
قبل 5 سنه و 8 شهر



لا إله إلا الله
بصراحة أنا مع احترامي للي يقول إن ساهر في السعودية ما هو نظام سرقة إنه شخص لازم يعرض نفسه على طبيب أمراض عقلية
لأنه يا أخوان الناس من سنين وهي تشتكي من سوء الطرق وتنظيمها و تخطيطها والتفحيط و و و و و
وما حلت أي مشكلة من هذه المشاكل , والآن فرضوا هذا النظام الظالم على الناس رغبة لتحقيق مصالح مالية لشخصين أو ثلاثة
لكن الله يمهل ولا يهمل
الأمم تتقدم إلى الأمام و نحن أصبحنا ننافس دول كثيرة في التخلف ونتفوق عليها .
اللهم ضيق على من ضيق على المسلمين و أهلكه عاجلا غير آجل
يا رب يا رب



up 0 down 0
الأخطبوووط 127
قبل 5 سنه و 8 شهر