أضف سؤال أو موضوع جديد          

نزول كابريس 2014 في استراليا...

up 1 down 4
acura 3755
قبل 8 سنه و شهر



بسم الله الرحمن الرحيم...
السلام عليكم ورحمة الله وبركاته...
نزلت كابرس 2014 في استراليا وذلك بحسب الموقع الرسمي لهولدن وقد حصل تغير كلي للداخليه وتغير طفيف للخارجي يعني يمكن تنزل لنا كذا:
http://haraj.com.sa/112323118/%D9%83%D8%A7%D8%A8%D8%B1%D8%B3_%D8%A7%D8%B3_%D8%A7%D8%B3_2014/

المشكلة اسعارها نار:
سعر 6 سلندر: $54,990 يعني تقريباً: 206212.97 ريال سعودي...
سعر 8 سلندر: $59,990 يعني تقريباً: 224963.01 ريال سعودي...

بعض مواصفات السيارة: لفئة 8 سلندر لأنها احتمال تنزل:
1- محرك 8 سلندر 6,0 لتر تقريباً: 370 حصان مع 6 تعشيقات...<نفس المحرك السابق...
2- عجلات مقاس 19 انش...
3- مساعدات رياضية...
4- فتحة سقف...
5- بلوتوث...
6- التحم الصوتي المحسن...
7- المقاعد الخلفية يوجد بها شاشة عرض المزدوج مع التحكم عن بعد...
8- الملاحة عبر الأقمار الصناعية مع الحركة الحية...
9- نظام بارك لإركان السيارة...
10- نقط استشعار في الامام والخلف...
11- تنبه النقطة العمياء...
12- برجكتر يعرض لك السرعة في الزجاج الامامي...
13- تشغيل بصمة...
14- زر التنبيه عند الخروج عن المسار LDW...

هذي كانت بعض المواصفات السيارة واعتقد لها مواصفات كثيرة...
في الختام ما اقول إلا الله يستر لا تنزل عندنا بأسعار فلكية...
تقبلوا __تـــحــيــاتــي__










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعني على بالك اانها بتجي زي مواصفات الدول الثانية. مستحيييل


up 1 down 0
بدر007 -91
قبل 8 سنه و شهر



224 الف ؟؟؟؟ سلاااااماااات
ولت قيمتها فيها غير كلها كم شهر وتكي انت وياه في الورش

للامانه الكابرس موتر بطل فخمم والله عز قمة العز يشباب 
بس يبهذلك بالخرابات


up 6 down 5
أبورفق العمري 24
قبل 8 سنه و شهر



بصراحه لازم يغيرون شكلها وبسسسسسرعه ويحطون شكل جديد وملفت وجذاب لان الاسواق الان كل شركه تنزل موديل جديد وماشاء الله صار الواحد يحتار وهو يشتري من ناحية الشكل والاكسسوارات اما الكابرس باقي على شكله من 2007 الا ال2014 بصراحه اعتقد بتواجهه خساره كبيره لان الشكل اصبح ممل حتى لو الاكسسوارات روعه الشكل اهم شي عند المشتري قبل الاكسسوارات .


العملة اذا انت محولها على اساس انها دلاور مااتوقع انها بالدولار ...
او الاكيد مواصفات هناك تختلف عنا


up 2 down 0
talal abdullah 5421
قبل 8 سنه و شهر



اخيرا والله الحمد لله احسب الكابرس انقطع 

الشعب السعودي لا يمكن يستغني عنه ههههههههههههههه


up 3 down 0
abo3tb 511 1737
قبل 8 سنه و شهر



لو سمحت وش مصدرك ؟


up 2 down 0
cassh 27
قبل 8 سنه و شهر



ما عليك من السعر اللي حاطينه

ولد عمتي مبتعث بأستراليا ويقول الجوال اس 4 عندهم ب 3000 الاف ريال

وهنا بالسعوديه 2100 ريال 

هناك اسعارها غاليه ومواصفاته عاليه جدا

لكن إحنا مواصفاتنا غير



up 1 down 0
أبو فيصل 13 272
قبل 8 سنه و شهر



مع اني اعشق شي اسمه كابرس .. بس اذا كذا اخذلي تشارجر SRT8 ارخص وشكل جديد ومحرك اقوى ..

اماا معي كابرس 2014 ويمر واحد جنبي 2007 نفس الشكل ونفس المحرك لا وتلقاه مرهم ويطلع موتره اطلق مني هههههههـ مايصير كذا


up 9 down 2
be17 200
قبل 8 سنه و شهر



الدولار الاسترالي ارخص من الدولار الامريكي وسعر الصرف للريال السعودي يساوي 3.40 تقريباً يعني بيطلع سعر الكابرس 190 الف وشوي

اللي يجينا الشفرولية يعني تقليد ومشلح بعض المواصفات ما اتوقع يجي سعرة كذا


up 1 down 1
أبو ناصــر 1282
قبل 8 سنه و شهر



ياخي هالموضوع نزل هنا 100 مرة وما قد شفت موضوع انصب منه بحياتي

اولا وش مصدرك الرسمي , ثانيا والله لو انها لمبرجيني ما يتحول سعرها من 108 الف الى 224 الف سلامات

حتى العقل يرفض الفكرة تماما والله ولا ان الجميح غبي ما يسويها , يجيب سيارة بضعف سعرها

انا عتبي على الي يصدقون بالموضوع والي يقولك اشتري SRT8 ومدري وش

ي حبيبي الموضوع نصب بنصب


up 5 down 2
sultan-q 466
قبل 8 سنه و شهر



2007 الى 2013 والقوة للمكينة نفسها 360 وحصان وحولها

نبي فررق كبيير مثلا مكينة بقوة 550 حصان ولا 650 حصان


up 2 down 0
غربان ودة 673
قبل 8 سنه و شهر



اخوي سلطان: ليش الموضوع نصب السيارة نزلت باستراليا يعني الموقع الرسمي يكذب وبالنسبة للأسعار فأخذتها من صحيفة استراليه:
http://www.themotorreport.com.au/56535/2014-holden-caprice-loses-regular-petrol-six-and-cuts-price-by-10000


up 2 down 1
acura 3755
قبل 8 سنه و شهر



اخ اكورا

خلاص ننتظر الكابرس 2014 وان كان سعره 224 الف لك الي تبي , ومصدرك ماهو ثابت , ادخل موقع هولدن هناك الاسعار


up 1 down 1
sultan-q 466
قبل 8 سنه و شهر



حبيبي من قالك انهم بيجبونها على سعرها كان محد اشترى من يشتري سيارة حدها سنتين وبعدها تلحق الورش وسعرها 200 ألف...
بعدين من يوم ما صنع الكابرس وهذي اسعارها نار...
على العموم مثل ماقلت ادخل على الموقع الرسمي وحط اسمك ورقم جوالك وبريدك وانظر ليما يردون عليك عشان يرسلون لك اسعاهم...


up 1 down 2
acura 3755
قبل 8 سنه و شهر



حبيبي , يعني سعرها باستراليا 224 الف والجميح يجيبها بـ 108 الف ؟ يعني الجميح يدفع 116 الف ؟ , ولا الشركة تبيعها هناك بـ 224 وهنا بـ 108 لانهم يحبونا ؟

من قالك اسعار الكابرس نآر ؟ , ايام 2005 - 2006 كان سعر الكابرس يبدا من 75 الف ,

وبخصوص كلامك انها ورش هذا رأيك الشخصي ولا ما كان شفت الكابرس منتشر الجديد والقديم وللان الناس تشتريه 2013


up 1 down 0
sultan-q 466
قبل 8 سنه و شهر