مالافضل اكسنت 2012 ام كابريس 2007

اكيد اكسنت   لانها 4سلندر

اكسنت وبدون مقارنة لان الكابريس قطعها غالية يعني اردى صدمة تكلفك فوق 6000 ؟؟؟؟ اكسنت فلها 15 ريال وقطع رخيصة ولو لاقدر الله وصار حادث ماتبلش بقطع الغيار

اخوي خذله ياريس سياره خفيفه وتكد معه واسعارها حول الثلاثين

اكسسسسسسسسنت ياشووووق البننننننننننننننننننننننننننننننننننت 
وانت مغمض بعد والف مبروك 

ياخي أنا جالس أتخيل الوضع اللي عايشه أخوك الحين...قسماً بالله مسكيييييين..وتلاقيه على أعصابه..وقاعد يفكر ويقول:يا ترى أخويه
بيشتريلي كابرس..ولا أكسنت..هههههههههههههههههههه

بالله اشتر له كابرس..حط نفسك مكانه وشوف وش تبغى..كابرس ولا أكسنت..!!
إلى متى وحنا نظلم الصغار ذولا وهم مساكين ما يسوون شيء..وتلاقينا زمان كنا أدهى منهم..وفعلاً زمان كنا نفحط..ونسرع..
ونقطع إشارات..ولا نرضى أحد يمنعنا..والحين نجي نتفلسف على أخواننا الصغار ونحطمهم..!!

معليش أخوي على الشطحه..بس والله تذكرت أيام الثانوي..ورحمت أخوك<<يلعن أم التحطيم إكسنت أو كابرس..:://؟؟..

الله يوفقك واعذرني مره ثانية ولكن تجري الرياح بما لا تشتهي السفن<<يجي ولا لا

أكسنت أكيد وفي نوع منه يجي أسمه أكسنت بلو (accent blue) لو حصلتها بتخليه ينسى شي أسمه كابرس  هذا النوع يجي موصفات أعلا من الأكسنت العادية 
أساساً موظفين ينحاشون عن الكابرس فما بالك بطالب !!!! 

اكيد اكسنت افضله>>> رجله ثقيله + العمر الله يحفظه ويقويه


 "الكابريس بدري عليه + فرق للعمر والاستخدام اصلا 40 ماتجيب ال اس نظيف"

"عكسه بالاكسنت تجيبله مديل جديد" >>> يستاهلها ان شاء الله يطلع رزين

لاكبر يطق اس اس باذن الله مو ال اس 

الله يكتبله السلامه حتى لو اخذ اكسنت اتمنى في مراقبه عليه لفترات موفق خير

دامه بالبدايه وأول سياره له خذله اكسسنت احسن عشان يتعود على السياره وبعدين المبتدئين معروفين بعدم الاهتمام
يعني راح يشغل ويمشي ولاراح يغير زيوت ولايهتم بالقطع والصيانه وغيرها من الحاجات الاستهلاكيه اللي ممكن لو تهملها راح تتلف الموتر ولو خذيت كابرس مشكله لانه راح يمشي بالنظام هذا وراح يخرب ويكلفك الوقت والمال ومعروف قطع الكابرس اغلى من الاكسنت فأنا اقول اكسنت احسن له واحسن لك يالغالي .. وجهة نظر

وانا انصحك بشي مسوينه بعض الاباء لأولادهم من معارفي اللي هو نظام التقييم !
تقوله انا بشيك على السياره كامله كل فتره (انت تحددها طبعا) وتشوف البدي + الزيوت + الداخليه + الممشى وغيرها الكثير
عشان تعرف انو ولدك مهتم بالموتر ولا لا بس ، واذا مو مهتم خذ المفتاح وخله عندك فتره وخله يحس بقيمتها ، واذا مهتم فيها طبعا راح تخليها معه وبكذا راح يعرف ان قيمة الموتر ماجات الا من تعب وجهد . وهذا الشي راح يرسخ في باله انو الفلوس ماهي منطوله بالزباله ولاجت من فراغ ، وانا ماقلتلك كذا الا عشان ولدك رجله حاره على السياره حسب كلامك .

^^ تعديل . عفوا احسبه ولدك طلع ولد اختك بس مو مشكله المهم ان النظام يمشي على الكل

اخوي والله الكابريس بطل ، لكن الـ اكسنت افضل بعدهـ نوآحي 
اللي هـيُ 

،، انهــا رآح تكون وكالــه ، يعني  ان شاء الله مايحتاج تروح وتجـي في هآلحــر من معرض لمعرضَ وتتعب نفسكُـَ 

ثانياً ، انها تكــونْ  من تحــت يدكُ ، يعني بأذن الله مرآح تحتــاجُ لآ لفحص ولآ تروح شركآت تدخلهآإْ ضمآنْ ..,

ثالثاً ، والإهــم الكابريس اذا حصلتــه هل بتضمن ، انـــه مرآح يخرب معآإْكُـَ  او بـ الاصحّ انك ماتطيح في مصيدهـ البآئع ~ 

والرآبع والإهــمُ...‘ الـ اكسنت افضل للــطلابُ .. والمشآوير الدآخليـــه ‘‘ والعائليه البسيطـهُـ ومثل ماقالوا الـ اخوآنْ .. 

يعني هو طالب في الثانوي فـ شيء اكيد مصروفــه ، مو مثل مصروفَ الـ"الاشخاص العاديين" 

فلـذلك " اعطيـه اكسنت " و يفللهآإْ بـ"15-18" ريآل ب الكثيرْ ..‘  وقطـع استهلاكيــه رخيصه جداً مقارنـه ب الكابريسْ ..

انحش عن الكابرس

قوة مكينه على قلة انظمه وامان 

دعسة بنزين مع لفه يزحف عليك وماترده  

ومن المعروف كل مازادت القوه كل ماحتاجت السياره لانظمه ثبات وامان عاليه جدا

لاحظ السيارات الاوربيه مثل بيجو وستروين رغم صغر محركاتها الا انها فيها انظمه وتقنيه ووسائل امان ماتلقاها فاللكزس

خله على الاكسنت عشان لابغى يدرفت مايقدر ويصير يسوق بكل هداوه

اكسنت
ماعي الان وحده مستأجرها عبيتها قبل خمسه ايام ب15 ريال بنزين واللحين ودي يخلص لكن فيه النص خخخخخخ اكيد اكسنت بلا منازع خله يتعلم عليها وقطعها رخيصه ومتوفره وبطيئه جدا ..... اما كابرس من جدك انت ؟؟؟؟

الاكسنت افضل له بسبب عمره ورجله حاره


الكابرس فيه مشاكل كثيره وحساس ويخرب بسرعه و قطعه غاليه وثاني شي لو قام يطارح وكذا بيتحمس معاه وبيطير وهذا خطر عليه 


اما الاكسنت 4 سلندر وقطع رخيصه وش ما يسوي فيها لو بيدعس على الاخير ما بتعطيه قوه لانها 4 سلندر وانا مجربها و دام انها بياخذها 2012 يعني جديده على يده بتعيش معاه فوق 5 سنين


الله يوفقه

انا راأأي .. صحيح مثل ما قالو بعض الاخوان الاكسنت طيبة وللكرف بس انت حاسب ان الموتر بيستمر معه ان شاء الله الى الجامعه فانصحك تاخذ له الكابريس لوك وراسيه في الخط وبخصوص الدعس وعمره
هذي مو مشكلة تقدر تقفل الطبلون ع 120 ولاتنسى ان الاكسنت هونداي والكابريس شيفروليه وحق خطوط وعليها لوك ماشاء الله واذا انت محتار عليك بصلاه الاستخارة والله يكتب لك الخير

وفي النهاية ادعو لك من خالص قلبي ان الله يوفقك ويرزقك وع البركة مقدما .. 

لسى طفل اول ثانوي وتعطيه كابريس؟
اكسنت على قده .. الكابريس +21 سنة

اكسنت سياااارة بمعنى الكلمة ،، يعني توديه وتجيبه ،،
اذا اخذت له كابرس شهر بالكثير والسيارة بالتشليح

اكثر السيارات تحملاً هي سيارات اللموزين و الاكسنت منها فهي سياره تتحمل اما الكابرس ف بعد مرور سنتين تتهلهل و اذا بتشتري له الكابرس 2007 فبيكون عمر السياره ما يقارب 6 سنوات و بالنسبه للشباب المكينه مهمه جدا ف هو بيفظل الكابرس اتوقع لانها طبعا اكشخ في عمره انا اشترا لي ابوي اوبترا 09 قبل سنه و انا في ثاني ثانوي و متحسف اني ما اخذت سياره 8 سلندر مع ان السياره ما فيها شي ابدا بس المكينه مهمه