رجه مع الفرامل و مشوار الصناعيه
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم ورحمة الله وبركاته..
بعد الموضوع الأول عن تغيير بعض القطع ,رحت مره ثانيه بسبب أن مع الفرامل السياره ترج وما يبغالها تفسير
ثاني غير إن المشكلة من الهوبات وقلت راح اشيك على الأماميه والخلفيه معها مره وحده ورحت شريت القطع :
1- هوبات أمامية للجهتين بـ 280 ريال استرالية الوكاله GM بـ 900ريال
2- أقمشة أمامية بـ 150 ريال تحت الوكالة
3- أقمشة خلفية بـ 140 ريال تحت الوكالة
4- أقمشة جلنط بـ 360 ريال تحت الوكالة
بعدها رحت للورشة اللي صلحوا السيارة في موضوعي السابق وقلت ابغى تغيير هوبات واقمشة أمامي وتشيك
على الخلفيه وقماش الجلنط...قالي :تغيير الهوبات والأقمشة الأمامية بـ 100ريال وعشانك بـ80 ريال!!!!!!!!
قلت: ليه ي شيخ كل الشغلة فك وتركيب لا تحاول تصعبها علي فيه اقل من السعر هذا قال :لا .....واطلع من عنده
يفكر أني بوافق ويستغلني عشانه صلحها المرة الأولى لكن يبطي عظم ..ما عندي لف ودوران وبعدين أنا دافع فلوس
وأدور الين حصلت بنقالي بـ60 ريال وأخليه يغيرها وأعطيه الحساب..ونروح للخلفي وكان الاتفاق انه إذا غير الاقمشة
الخلفيه مع تغيير أقمشة الجلنط ووزن الجلنط بيأخذ 100 ريال
وإذا طلعت سليمة يوزن الجلنط فقط وأعطيه حق الفك والتشييك اللي هو50 ريال>>>انفع حق مكاسر في المحلات
ويفك وأنا عنده وأراقبه وتطلع سليمه ..فقالي خلني أغير قماش هوب ...وأطالع فيه واقوله:لالالالالا كويسه ما فيها شيء
أوزن الجلنط وركبها ...قال:أنت مزاج بس أنا لازم كلام ...لأنه في الهوبات قالي هذه مو الوكالة لازم خرط
ورفضت أنا وقلت على مسؤوليتي الهوبات ويحاول يقنعني وما فيه فائدة..فقال يمكن تمشي عليه هذه لكن هيهات هيهات
وويقوم ويسوي أنه يصنفر قلت :جب هواء عشان تراب يروح قال: حق الهواء في اخر الورشه ما يوصل
حتى الصنفره أخذتها وحكيتها على يدي طلعت ما هي خشنه لكن سكت
ويوم خلص أعطيته الـ 50 ريال ..قال:لا يا مدير هذه قليله ..قلت: مامعك إلا هي وهذا اتفاقنا زعلت وإلا رضيت
واطلع من الورشة وارجع الهوبات الخلفية وأقمشة الجلنط واجرب السيارة ..ما شاء الله تمام التمام
![إبلاغ](https://montada.haraj.com.sa/images/alert.gif)
الردود
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
خلاص دام اتفقتوا من أول على 50 ريال اذا كانت سليمه { حق الفك و التشييك } , هذا حقه وبكيفه ..
يعني فك وسوا نفسه ينظف وماأدري ايش وماعجبته الـ 50 يحمد الله غيره مالقيها , ودام السياره تمام الحمدلله ..
أخوي البنقاله ماينفعون مكاينكا , اذا بتصلح شي دور لك واحد باكستاني فاهم , ولا يمني فاهم , أنا افضل الباكستان أحسن ..
والله اكثرهم عندهم أمانه وضمير , والله ييسر الحال ..
قبل 11 سنه و شهر