حملة خذ الباقي

المشكله بالنص هذا بيعطيك النص ويكون على شكل قطعه نقديه طيب وين بتحطها هذا؟؟؟ حنا ما نهتم بالنص او الريال وهي ورق كيف عاد قطعه نقديه ؟؟؟

والله يالنص اللي تشوف هذا 
ياهو مطلعين منه ملايين ،،،واللي قاهرني بعض السلع مكتوب عليها مثلاً 9.85 هلله
طيب  15 هلله الباقيه وش حللهاله وكيف اخذها منه ،،،ليه مايخليها 10 وخلاص ؟!!

لانه عارف انه بياخذ ال10 بس المفروض ا يكتب 9.85 ودك يكتبون فقط النص لجل يرجع لنا نص نحتاج لنظره عن كثب في بعض الامور البسيطه والصغيره صدقني لا تعدلت راح يتعدل كل شي

خذ بالنص مويه واقرب عامل واعطه لوجه الله تعالئ 

ولايك 

أنا عن نفسي أتعامل مع البقالة اللي جنب البيت إذا بقى نص يقول خذ علك !!! أقول له لا خلها عندك و أجبر فيها المرة الثانية بعض الأحيان ينقص ريال أو ريالين و بعدين أكتشف إن لي حساب عنده و أحاسب من الهلل الباقي , بعض الناس يقولون ليش البقالات يتعكننون على النص ؟ خله يسامحني فيه !!! يا حبيبي لو سامحني أنا على النص و أنت على النص و غيرنا على النص بيلقى نفسه آخر الشهر مسامح بألف ريال يعني تقريباً نص راتبه راح سماح , إحسب معاي 20 شخص يبقى لهم نص خلال 5 ساعات و البقالة تفتح 15 ساعة يعني يومياً 30 ريال إضربها ب 30 , 30 * 30 = 900 ريال , أقول أدوشت راسكم بالحسابات , عالعموم كل الشكر لك يا صاحب الموضوع , و فيه خطأ عندك بالحساب مو 8,5 الحساب 7,5 , لأن 15 / 50 = 7,50 , تقبلوا تحياتي .

للمعلومية مكاسب بندة و العثيم و كارفور و التميمي و و و كلها على هالهللات و ما يعرف قيمة الهلل إلا اللي يجمعه

أبو جود

المكاسب الحقيقية للمحاسب ﻷن الشركة يحاسبوه على الي يدخل الكاش والزيادة في جيبه

لكن احسن شيء تدفع بالبطاقة وقتها ما يقدر يزيد هللة

شكرا وزارة التجارة على حملة "خذ نصّك" . النص هذا راح يشتري لي السلع الاساسيه اللي كل يوم ينرفع سعرها
ولا حسيب ولا رقيب 
النص في جيبك والمليارات شوف عينك مشرّقه ومغرّبه 
شاهت الوجووووووووووووووووووووووووووه

ابو عبادة انت اشتغلت بأحد السوبرماركات ؟

انا اشتغلت فيها واذا كان في حسابك زيادة مايعطونك منها ولا هللة وشوف عكسها لو ناقص هللة واحدة ياخذونها من راتبك