الخطوط تنشط سياره او تمرنها
3
7
إضغط هنا للإخفاء
اخوي معاه لومينا 2005 ss راعي خطوط اول ماشترها يصينها بوكاله عند جميح لحد 40 الف وبعدها صار يصينها عند مركز اسدلكو بحكم دراسته وشغله بشرقيه ودايم خطوط اول ما شترى سياره عام 2005 وسياره خطوط
السياره ماشاء الله وكاله كل شي فيها وكاله ماعمره ركب عليها اي قطع تعديل دبات رياضيه ولا فلاتر رياضيه
السياره ستوك ماشاء الله عليها وكاله ماشيه 200 الف بحكم خطوط كل ممشى هذا علشان خطوط ولا هي داخل البلد ماتتحرك كثير ومقاومات برضو تنشط مكينه
السياره من كثر خطوط ماشاء الله قابلت راعي موستنق معدله 2007 جي تي وطلعت عليه
وقابلت كمارو 2010 وطلعت عليه مادري هو سواق راعي كمارو او مايعرف يسوق
وقابلت راعي كابرس اس اس معدله وطلعت عليه وكلهم يحلفون انها معدله وسياره ستوك
السياره ماشاء الله اذا تنشطت بخط بخطوط طويله تصير قويه واهم شي محافض عليها وعلى صيانتها
وعدم دعس عليها عند الاشارات ودرفت وتفحيط هذي الي تخرب السياره
السياره اذا حافضت عليها وعطيتها حقها بخط تنشط وتصير قويه
لكن تفحيط ودرفت وفزات عند الاشاره تلعب بسياره انا اخبر راعي كابرس راعي درفت وتفحيط مايجي شهرين الى موضب القير
بعض الناس لما تفتح الإشارة يدوس على بنزين و آخر شيء يلوم نفسه اعاتب نفسي لإني ظغط على المحرك بقوة هههههه
سياره لا تعطيها ولا تضغط عليها بقوه خصوصن من الصفر ترا تتعب المكينه وتتهلك احسن شي خلها دحدره افضل للمكينه تبدا من سرعه معينه علشان ماتهلك القير ولا مكينه
الزبده اذا تبي سيارتك تقوى نشطها خطوط واذا ماتبي سيارتك تبقى زي ماهي ومانت حق سرعه والله نصيحه خلك على زي ماانت وحافض على سيارتك ابرك لك
إبلاغ
الردود
هذا رأي خطأ X خطأ
السيارات بكل عام لها عمر افتراضي ( المكينة ، القير ، الدفرنس .. وباقي الملحقات مثل : الهوبات والبدي وجلد البدي والركب والاذرعة والمقصات وكراسي مكينة وكراسي قير )
لو افترضنا ان سيارتك موديل 2011 وماشية 100 الف كيلو .. طالع في الشمعات وش وضعها ! تلقاها تحتاج تلميع
وبعد الـ 150 الى 200 الف كيلو الزيت ينقص واذا ما ينقص معناها يحترق لأنها استهلكت
اضف لذلك الصوف تبعت القير خصوصا الدفع الامامي تبدأ تقول لك ( يابابا اسناني واوا ) :)
ولا تنسى الاصوات والقرقعة في البدي او بالقزاز
لا تفكر الخطوط افضل للسيارة ! ابدا ولا عمر الخطوط كانت علاج لطول عمر المحركات .. يا اخي انت لو تمشي بعد الفجر كيلو تحس اك نشيط .. لكن امش 2 كيلو ! يبدأ ظهرك ينحني من التعب
هذا في حال ان الجو حلو
تخيل الجو حر !! بتقول مانيب مجنون امشي 100 متر بوسط الشمس .. فما بالك بالحديد ؟
فما بالك ان السيارة تنهلك واكثر من نص عمرها يطيح بسبب الخط وخصوصا اذا الخط جوه حار !
وكفرات تتفقع
وشغلات واجد
حاف على موترك بوقفته الغير مستمرة .. اهم شي سيارة ما تمشي كثير بالسنة 15 الى 20 الف كيلو كما وصى المصنع
حافظ على تغطيها عن الشمس او دخلها في بايكه
شيك على زيوتها ومويتها كل جمعة او لو بالشهر مرة او مرتين افضل
4
2
وضع اللغة كل ماله يتدهور.
9
5
وطلعت النتيجة انها انخفضت 10أحصنة عما كانت عليه
4
0
وازود على كلامك يطول القطع الاستهلاكية مثل الفحمات الانك ماتستخدم الفرامل الا قليل جدا ومثلا المساعدات والمقصات والركب بتصير نادر ما تخرب لانه ممشى الخط ما فيه مطبات ولا حفر ومرتاح لاقصى شيء مثل ما قال اخونا شيخ المعارض وما يهلكه الا تصفيه الطبلون رايح جاي
1
0
1
3
وايضا لما تدعسلها وانت واقف عند الاشاره هذه كلها تخلي السياره نشيييطه مررره
لكن بعد سنه او سنتين بتبدا المكينه تهرم بسرعه
لكن الخطوط معروفه هي الي تعجل بانتهاء المكينه
والدليل الكدادين رح اسالهم وشف سياراتهم
ومكاينهم والله رايحه فيها من الخطوط
0
0
والرجال الكفووو هم الي يقدرون خطوط الي معاي وشكرا
1
0
هنا داخل مدينه 150 مكينه مخبطه
عطتهم فوق طاقتها يعني كدت لو داخل مدينه كان توضيب على طول
0
0
انا تجربتي مع الخطوط من عام 1408 الى يومنا هذا .. بس سالفة السيارة يطول عمرها مع الخط فهذا مستحيل
واذا كان الكلام صحيح معناها لا تشتري سيارة مشت اكثر من 100 الف كيلو الا اذا كنت راعي خطوط والا دور لك سيارة ما مشت كثير
لو دخلنا في الموضوع الميكانيكي نلقا السيارة في الخط تحرق الزيت بشكل افضل خصوصا اذا انت سرعتك محددة يعني 120 او 130 ماتتعداها
البعض يمشي 140 وشوي تلقاه ناقز على 200
والبعض من اولها يمشي 200 وهذا الممشى يهلك السيارة ويمكن ما تكمل مشوارها
الي يمسك الخطوط ويمشي 120 الى 130 ودعساته متوازنه فهذا اوكي تعيش معه السيارة
غير كذا ان الخط كل ما شديت على السيارة كل ما زد احتراق الزيت في البساتم وتحتاج تغير الزيت بدل خمس الاف كيلو في كل الفين كيلو عشان تعيش معك
لكل شي حساب .. يعني الشغلة موب عشواية
لذلك بشكل عام الخط حتى لو محافظ على السيارة فهو يفقدها نصف عمرها خصوصا السيارات الجديدة من عام 2007 وطالع
0
0
0
0
0
0
0
0
قبل 11 سنه و 3 شهر