عزم السياره ثقيل لماذا ؟

يعني ممكن يكون قدم الديلكو او الكربريتر او الدعسه الثانيه .

شكله 8 مسامير اللي مكينه كبيره

هل غيرت فلتر القير
وياليت توضح الجمس وش موديلة وكم حجم المكينة
فيه نوع من الجموس من 2000 الى 2006 حجم المكينة 6.0 هذا الحنه فيه طبيعية

الموديل 2001 المكينه 1500 . اما فلتر القير ا عمري غيرته يا جمعه اقول لا ابوي يا ابوي الموتر قطع الاستهلاكيه ما غيرناها يقول دامه ماشي وسالك ماعليه ياليت توضح لي فلتر القير وش هو بعد الشعاء بروح لصناعيه .؟

قد صارت مع واحد من اقربائي 
وشيك علية كثير وتعب معه
وفي نهاية كان حساس القير

هو من ناحية الحساسات فهي منتهيه كل ما خرب واحد وشفت ماله لزمه فصلته بس المشكله اني شيكت كم مره كمبيوتر ولا طلع لي ولا حساس خربان يا اخي اتعجب من موتر الوالد

نصيحه لا تغير فلتر القير وزيت  ترا بيخبط القير  دامك لك مده ماغيرته 

اخ سكودر السياره جايبينها من الامارات ولها 5 سنوات وحصل تسريب بالمكينه بسبب عامل تغير زيت المكينه وخبطت وغيرنا المكينه ومن بعدها ما حطيت فيها شي ابد بس فحمات وكفرات .

اخوي عندنا جمس سبور بان دفرنسين  غيرنا فيه طال عمرك كل شي من صدام لصدام  

 طرمبه مويه + بواجي اسلاك بواجي + فحمات امامي + صفايه بنزين + طرمبه بنزين + نظفت ثروتيل + غيرنا زيت مكينه وسيفون + زيوت دفرنس غيرنها 

 ركب في تانكي ماده تنظيف شارينها من وكاله  اسدلكو  وحطيت ماده  مانع احتكاك مع تغير زيت دفرنس 

 قال لناا شخص  نسيت شي قال ايشش قال القير  غير الزيت وفلتر وهو موديله 99 ومن وكاله ماغيروه 

 اقسم بالله غير زيت وفلتر  ونظف القير  ياشيخ ماكمل اسبوعين الى الرجال قال القير ودع خررررب  


 افضل شي  اذا لك مده ماغيرت زيت انك تسحب شفط زيت القير القديم وتزيده جديد وتمشي عليها اسبوعين بدون ماتشد على سياره وتستمر عليها شهر لين يصفى زيت وبعدها تغيره 

 وحساسات القير مهمه ليه تلغيها  وصيانه والقطع الاستهلاكيه مهمه بسياره وضروي تشيك عليها  بتوفيق 

الحساسات ماهي ذيك الاهميه في حساس خرب وصار الموتر يمسك فرامل اذا مشيت يمسك مره فرامل بالتدريج ورحت افحص كمبيوتر قال حساس وسالت كذا شخص قلت الاحساس هذا هل هو مهم مره او عادي قال عادي لانه يكلف تصليحه فوق 2000 نسيت اسم الحساس يوم قال 2000 قلت اقول افصله دام ماله لزمه ليش ادفع مبلغ وقدره على شي ماله لزمه والحمد لله نسافر به كم مره والحمد لله موترنا يا اخ سكودر اشك انه بيموت من الاهمال انا ناوي اغير الموتر وشتري موديل جديد بس الوالد معلق عليه مدري وش قصته معه يا اخي كبار السن مدري وش فيهم كل ما كبرو تمسكو بالشي

اهلا

انا عندي التاهو 2004 وضبت القير في شهر رمضان

وبعدها صار عزم السيارة اقل بشي بسيط ما احس به إلا انا

ورجعت للورشة و شيك عليه قال لي ما فيه اي مشكلة

ما صدقته و اليوم رحت لورشة ثانية و خرج معي بالسيارة و قال ما في شي


المشكله عندي تكتم من بعد 100 الى 130 وبعدها ترجع خفيفة

ولكن قال لي القير ما فيه مشكله شيك هلى البواجي و غيره

يعني المشكله من المكينة 

اخوي اعمل للسيارة التالي
-------------------------------------------------
1 تنظيف بخاخات وبوابة هواء الفلتر او الماكينة
2 تغيير البواجي واسلاكها (لكن تاكد تحتاج تغيير او لا)
3 تغيير فلتر الهواء
4 تغيير صفاية البنزين
5 شيك على كويلات الماكينة
6 شيك على كراسي الماكينة
-------------------------------------------------
اتمنى اكون افدتك تقبل مروري   

ولا تنسى سير الماكينة وشيك على الدينمو

وبالتوفيق

مستر حراج كلام سليم لان لي 5 سنوات ما غيرت لا بواجي ولا اسلاك البواجي وبعد التغييير اتضح ان العزم صار قوي لاكن.؟ لا زالت المشكله موجوده وهي يحن ثم يعشق كلمة المكانيكي قال يمكن بخاخات عاد هالميكانيكي معامله لي 4 سنوات حبيب ورخيص وما يقصر فا قلت اجيك بعدين وان شاء الله تكون من البخاخات بس اكتشفت ان البواجي واسلاك البواجي اعطت السياره عزم .