شيء غيرب صار لي اليوم

معي اكسبديشن وانا عملي بالرياض وديرتي بالشمال
ركبت الطيارة ورحت لهلي ويتصل علي خويي ثاني يوم يقول الفلشر شغال وانا متاكد انه طافي يوم نزلت
ومحد معه مفتاح غيري غير ارسلته له وفتح السيارة لقاه الزر مضغوط ولا ادري وش السالفه
بس قبلها بيوم كنت مركب كشافات فاتوقع صار التماس يمكن

قد صارت لي في ماليبو شفروليه 2002  سياره ماتتشغل الى بمفتاح الاصلي لن فيها نظام سفتي 


 وسياره اذا وقفتها مده طويله اشتغل فلشر وانا الحست منها قلت لايكون ريموت معلق ولا شي 

 اخر شي طلعت مشكله من مفتاح فلشر كان خربان وبدلته بواحد من تشاليح وبعدها صارت   اوكيه ماعد يشتغل ويعلق 

جزاكم الله خير طمنتوني والله كنت احسب السيارة مسكونة 


و كان ودي اعطيكم لايك على الردود بس النقاط ما تسمح اعذروني ....

الخالدي الزر انضغط فمعناته مو كهرب

وترا الواحد لازم يذكر ربه على سيارته

_______________________

شرالي الوالد فورد 2003 نظيف جدا و اول ما اخذته صدمة فيه من ورا صدمة خفيفه وانا راجع ريوس

وقال الوالد ما تصلح لك شكلها كبيره

وراح عرضها عطاه واحد بالمعارض عشان ينزلها الحراج

المهم حاول يدور في هاليومين سياره بديله يشتريها لي

لكن ما حصل شيء مناسب ويتحمل مثل الفورد

و واحد كلمه بخصوص الشاشه والكاميرا الخلفيه

وجت في راس الوالد إنه يركبلي شاشه و كاميرا خلفيه عشان لا تسير طويله علي

المهم وراح كلم الرجال اللي ينزلها بالحراج وقاله لا تبيع خلاص

ابي أستخدمها ,, وقال الرجال والله إن فيه شايب نشب فيها نشبه قويه ,, وقال ابوي , أعتذر منه وقوله الله يرزقك بوحده أفضل منها

ونشب الشايب الا ابيها , وقال الوالد يا رجال موب على كيفه , خله يدور اقرب جدار ويصك راسه فيه , الا غصب ابيع له , الله يهديه بس

ونشب الشايب على الاخر

وقال الوالد للرجال بأجيك المعارض ونتفاهم مع الشايب

وراح الوالد عنده وقاله إن ما حصل له سياره بديله وتتحمل مثل الفورد و أستخرت و قررت إني ما ابيعها والله يرزقك بوحده أفضل منها

ونشب فيها الشايب هذا 

والوالد شغل السياره و قال راسه متحجر و الضاهر ماعنده مشكله يقعد يوم كامل عند السياره ,, و ركب السياره وشغلها الا والشايب قاله , الله لا يبارك لك فيها ولا يرزقك فيها

وقال الوالد أذكر ربك يا ابن الحلال

وقال والله ماني ذاكره وعطاه ظهره وراح

ويقول الوالد من يوم رحت من عنده

وانا ماشي بالسياره و مفتح عيوني على الاخر

وماشي في خطي الوسط و فيه سيارتين من جنبي وبعيده

وسبحان الله يوم قربت منهم يجي واحد يلف علي و يصدمني من الرفرف الامامي الايسر

و الحمد لله جت بسيطه ما تأثر الا الرفرف وشمعة الركن

و رجعها للبيت وطفاها

الا والسياره تكبس من نفسها

السياره طافيه وتكبس من نفسها

ناداني وشفتها بعيوني هههههه والله رعب

وقالي افتح الكبوت و فتحته , وفصل اصبع البطاريه

ويوم جاء اليوم الثاني شبكنا البطاريه و كلمنا الرجال وقلنا له وش رايك نبيعها على الشايب

لان عينه فيها

وقال اتركك منه

و اقرأ على السياره من الخارج وانفث عليها و إن شاء الله ما عليها خلاف

وكل ما ركبت السياره اقرأ عليها وانفث على الطبلون و الدركسون و إن شاء الله ما تشوف منها شيء

وفعلا كل ما ركبت فيها قريت ايت الكرسي و سورة الناس والفلق والمسد , والمعوذات اعوذ بكلمات الله التامّات من شر ما خلق و اعوذ بكلمات الله التامّه من كل شيطانٍ وهامه ومن كل عين لامّه

و مشت معي بفضل ربي بدون أي مشاكل ولله الحمد

بس كنت اوقفها احيانا وتدق اشاره يمين من نفسها

و احيانا انزل و تشتغل الانوار فأظطر افصل البطاريه

وخلال اسبوعين اختفت المشكله وللعلم فحصناها الكهربه وطلعت سليمه

فالوالحد لازم يذكر الله على سيارته دايم , وتعرفون عيون الناس ما ترحم والحساد كثروا

يحسدوا على اي شيء , الله يكفينا شرهم

واعذروني على الاطاله

اخوكم : ابو يزيد 


_________________________

يارجال أنا شريت موستانق ماشاء الله ورده من خويي عمرها ما أنصدمت معاه ف كنت أتركها بالبيت وأروح الدوام على سيارتي الثانيه يوم من الأيام وأنا رايح للدوام حنيت عليها مره نفسي أسوقها رحت جبت المفتاح وداومت عليها والله أني رايح الدوام بكل حلاوه وبالصدفه شافوها أخوياي في العمل وقعدوا مبروووووك والله يعطيك من خيرها ويكف عنك شرها إلا قلت برجع البيت ساعة البريك والله العظيم ياناس وأنا ماشي على سرعة خمسين وفي أمان الله يرجع يوتيرن واحد سوري ويخبطني مع الرفرف رفرف برفرف الحمد لله على قضائه وقدره بس جلست مهموووووووم كم يوم وكل ماشفت الصدمه يعورني قلبي وأخوي يزيد الطين بله ليش تداوم عليها يشوفونها أخوياك عاد حسيت بالذنب زياده أقسم بالله الدنيا حلوه لولا الحسد والحقد 

العين حق قالها الرسول صلى الله عليه وسلم 

وبالنسبة عن الي صار معي انا جيت لقيت الزر حق الفلشر مضغوط 
وطفيته مثل ما صار مع الخالدي

شيء غريب والله !!!!!!!!

عليه الصلاة والسلام

ابو يزيد


هع


هع


هع


هع

ترى انا الشايب ههههههههههههههه

امزح بس قصتك شدتني وذكرتني بقصتي بسيارتي الكامري عام 2002 مطلعها وكالة قراندي فل الفل يرجال افخم من اللكزس كانت نشب لي شايب مافكني منها الا قد بوشت وهي جديده وياليتها على كذا جلت حول اسبوع ما اقدر اركبها اعوذ بالله اذا ركبتها تضيق نفسي وانزل واخذ الهلي اروح عليه الجامعه ارتاح فيه اما الكامري عطيتها ولد عمي يبيعها وحلفت مايركبها ذاك الشايب لو ابيعها تشليح

هههههههههههه .. الله يكفينا شرهم يارجال

اعوذ بكلمات الله التامات من شر ماخلق

انا نفس قصة أبو يزيد.. طلعت التيما 2005 اول مانزل 4 سلندر فل.. جاني شايب حسبي الله عليه قال "ابك هالموتر افخم من اللكزس ياولد" والله بعدها ركبت لها 3 مكائن وانواع الخرابات ان جعل عيونه تفقع يارب