أضف سؤال أو موضوع جديد          

لاهنتم عطوني رايكم عن اللومينا 2006 رويال

up 1 down 2
ابو فيصل.8808 295
قبل 8 سنه و 3 شهر



السلام عليكم
ي اخوااان مطلووبكم انا رجال ب اخذ لي لومينا 2006 رويال ممشاها 100 الف
يقول راعيها نظييفه
وانا والله ماااعرف عنها شي
وبعتمد على الله ثم عليكم

كيف قطعها وهل هي تستحمل ولا كل يوم بورشه وكم سعرها الي زي كذا

علما اني انا طااالب جامعي
وماني حق لعب بس ابي سياره تخدمني

وللمعلوميه : انا معاي ماازدا 3 موديل 2007
ماشاء الله تبارك الله مايحتاج بس قيرها عاادي وطفشني .

والرجال يبغاني ابادلها ويقوول كم تزيدني .

ارجوووكم لاهنتم افيدووني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اللي اقدر اقلك هوا انو اسمها رويال  يعني اعلى فئه في اللومينا وقمة الفخامه بالنسبه لأئلتك الثانيه ان شاء الله ابشباب يردو عليها


up 3 down 0
sponcer 99
قبل 8 سنه و 3 شهر



خلك على مازده حقتك احسلك . الومينا لو فيها خير حصلته في شوارع امريكا .وهم يالي  صانعينه هي والكابرس .


up 1 down 2
مستر12 897
قبل 8 سنه و 3 شهر



خراباتها واجد اللومينا غير القوة لا تفكر 
نصيحة خلك علا المازدا


up 1 down 1
abdulkareem99 1261
قبل 8 سنه و 3 شهر



وعليك السلام والرحمة
أنا معي مثلها مشتريها قبل ثمان شهور.
هي ما جت الا في 2006 فقط فماله داعي تقول انها 2006.
شوف لا تصدق راعيها كذاب وفي هالزمن ما عاد يوجد أحد صادق.
قل له أبدخلها الفحص واذا طلع فيها شي غير ما ذكرت تكون قيمة الفحص وتضييع وقتك وجهدك عليه هو.
إذا كانت فعلا نظيفة مرة وما فيها أي صدوم أو حرارة أو أصوات وكل شي فيها شغال تمام التمام استخر وخذها.

وبالنسبة لي نصيحة أبعد عنها ما فيها شي زين إلا القوة والسرعة غير ذلك زفت.
لا راحة، لا رساوة، لا عزل، لا انسيابية في الهواء.
وصرف بنزين فظيع والزيت 6 علب.
وباقي أحسن شي، قطعها الخاصة بها بالرويال فقط مثل الاصطبات الخلفية والشمعات الأمامية والصدام الأمامي والجنوط والازياق الجانبية ووووو كلها غير متوفرة في أي مكان حتى الوكالة يطلبونها من استراليا وردد ياليل ما أطولك.


up 1 down 2
وليد م ع الدخيِّل 490
قبل 8 سنه و 3 شهر



انت افحصها واذا نظيفة اشتريها

لان ممشاها قليل 100 الف وصراحة تصميمها الخارجي جبآر وحشي

ومكينتها 340 حصان 5.7 لتر وتراها اعلى فئة باللومينات اعلى من الاس اس

لكن مع ذلك افحصها وشوف


up 1 down 2
sultan-q 466
قبل 8 سنه و 3 شهر



مشكووورين وماقصرتوا
والله ممدري مين الي حاط لكم ديس لايك
لكن ماعليكم لكم كلكم لايك


up 1 down 0
ابو فيصل.8808 295
قبل 8 سنه و 3 شهر



عادي أخوي الدسلايك تعودنا عليه والناس براحتها وكرمها وأخلاقها تعرف من خلال اللايك والدسلايك :)
بخصوص قيمتها فالنظيفة مرة مرة كل شي وكالة بدي محركات عضلات كل شي من 40 - 45 ألف.
اللي نظافتها نص ونص من 33 - 38 على حسب النظافة.
اللي محيوسة ومحيوقة ومصدمة ومسمكرة وحالتها حالة من 25 - 32 على حسب الحالة.

وبيني وبينك، ارفض عرض خويك هذا، ما عرض هالعرض عليك إلا لأنه هو المستفيد، بيركبك بلاوي سيارته وبيشتري الراحة منك.
إذا مليت من العادي وتبي اوتو كم ميزانيتك أرشح لك أفضل سيارة ممكنة ؟!


up 0 down 0
وليد م ع الدخيِّل 490
قبل 8 سنه و 3 شهر



نصيحه خلك على المازدا افضل لك 

من واقع تجربة فاشلة جدا مع الشفر الكابرس واللومينا سيارات فاشلة مكانها الصناعية والورش 

والي يقول على حسب السواق والمستخدم والمحافظه عليها والصيانات 

شوف الموقع مليان بالهبل كابرس واللومينا معروضه للبيع برخص التراب 

كل يبتخلص منها 

والله لو تحافظ عليها مافيها فايدة صناعتها سيئة جدا 
 






up 1 down 0
ahmad77771 305
قبل 8 سنه و 3 شهر



^^^^ مشكككور اخوي وماقصرت
خلاص كنسلت البيعه
بجلس ع حبيبت قلبي المازدا
وعلى قول المثل ( اجلس ع قردك ل يجيك الي اقرد منه )


up 1 down 0
ابو فيصل.8808 295
قبل 8 سنه و 3 شهر