لاهنتم عطوني رايكم عن اللومينا 2006 رويال

اللي اقدر اقلك هوا انو اسمها رويال  يعني اعلى فئه في اللومينا وقمة الفخامه بالنسبه لأئلتك الثانيه ان شاء الله ابشباب يردو عليها

خلك على مازده حقتك احسلك . الومينا لو فيها خير حصلته في شوارع امريكا .وهم يالي  صانعينه هي والكابرس .

خراباتها واجد اللومينا غير القوة لا تفكر 
نصيحة خلك علا المازدا

وعليك السلام والرحمة
أنا معي مثلها مشتريها قبل ثمان شهور.
هي ما جت الا في 2006 فقط فماله داعي تقول انها 2006.
شوف لا تصدق راعيها كذاب وفي هالزمن ما عاد يوجد أحد صادق.
قل له أبدخلها الفحص واذا طلع فيها شي غير ما ذكرت تكون قيمة الفحص وتضييع وقتك وجهدك عليه هو.
إذا كانت فعلا نظيفة مرة وما فيها أي صدوم أو حرارة أو أصوات وكل شي فيها شغال تمام التمام استخر وخذها.

وبالنسبة لي نصيحة أبعد عنها ما فيها شي زين إلا القوة والسرعة غير ذلك زفت.
لا راحة، لا رساوة، لا عزل، لا انسيابية في الهواء.
وصرف بنزين فظيع والزيت 6 علب.
وباقي أحسن شي، قطعها الخاصة بها بالرويال فقط مثل الاصطبات الخلفية والشمعات الأمامية والصدام الأمامي والجنوط والازياق الجانبية ووووو كلها غير متوفرة في أي مكان حتى الوكالة يطلبونها من استراليا وردد ياليل ما أطولك.

انت افحصها واذا نظيفة اشتريها

لان ممشاها قليل 100 الف وصراحة تصميمها الخارجي جبآر وحشي

ومكينتها 340 حصان 5.7 لتر وتراها اعلى فئة باللومينات اعلى من الاس اس

لكن مع ذلك افحصها وشوف

مشكووورين وماقصرتوا
والله ممدري مين الي حاط لكم ديس لايك
لكن ماعليكم لكم كلكم لايك

عادي أخوي الدسلايك تعودنا عليه والناس براحتها وكرمها وأخلاقها تعرف من خلال اللايك والدسلايك :)
بخصوص قيمتها فالنظيفة مرة مرة كل شي وكالة بدي محركات عضلات كل شي من 40 - 45 ألف.
اللي نظافتها نص ونص من 33 - 38 على حسب النظافة.
اللي محيوسة ومحيوقة ومصدمة ومسمكرة وحالتها حالة من 25 - 32 على حسب الحالة.

وبيني وبينك، ارفض عرض خويك هذا، ما عرض هالعرض عليك إلا لأنه هو المستفيد، بيركبك بلاوي سيارته وبيشتري الراحة منك.
إذا مليت من العادي وتبي اوتو كم ميزانيتك أرشح لك أفضل سيارة ممكنة ؟!

نصيحه خلك على المازدا افضل لك 

من واقع تجربة فاشلة جدا مع الشفر الكابرس واللومينا سيارات فاشلة مكانها الصناعية والورش 

والي يقول على حسب السواق والمستخدم والمحافظه عليها والصيانات 

شوف الموقع مليان بالهبل كابرس واللومينا معروضه للبيع برخص التراب 

كل يبتخلص منها 

والله لو تحافظ عليها مافيها فايدة صناعتها سيئة جدا 
 

^^^^ مشكككور اخوي وماقصرت
خلاص كنسلت البيعه
بجلس ع حبيبت قلبي المازدا
وعلى قول المثل ( اجلس ع قردك ل يجيك الي اقرد منه )