حبيت اشاوركم ومالنا غنى عن الله ثم عنكم

يعيش ويصبر فهو يعيش ويصبر 
بس مافكرت بخيارات افضل منه لانه ياخوي (هايلكس مصندق)

اسف اسف كنت احسبه فورتشنر
والسلفرادو عز موتر

اخوي معه سلفرادو 6 سرندل ويشتكي من العزم عند الطلوع دايم يغيير نمره والمكينه ماغير تحن
اقترح عليك خذ 8 ودبل زين للاستخدام وعند البيع والفرق بسيط في السعر وبالله التوفيق

على حسب استخدامك 
اذا انت حنون وتحافظ عالسياره من المطبات والحفر ودعستك خفيفه على البنزين توكل على الله 

اما اذا انت فيك عنف ودعستك عالبنزين كامله وتحب تقاوم وتسابق وتاكل حفر ومطبات 
وماتهتم بالصيانه مثل تغيير الزيت والاشياء الاستهلاكيه 
اشتر لك شيء ياباني مثل الشاص والهايلكس والاف جي 


بالتوفيق

انا كان معي سييرا 2011 8 سلندر 5300
قسم بالله نشششششششششششششششششيط ويتحمل الكد وهيبه وسعره في السوق معروف ويمسك سعره خصوصا بالشتاء
انا شريته في رمضان ب 110 وبعته في شهر 2 ب 106

هذا الموتر
اذا انت استخدامك داخل مدينة خذ ٦ سلندر عشان صرفية البنزين اقل
اذا تتطلع بر او تسافر كثير او تبغاها طلعات ونزلات خذ ٨ سلندر وانت مغمض

عسى الله يوفقكم جميعا ويخليكم لعين ترجيكم على هالردود المحترمه
انا ممشاي محافظ
اللهم طلعات بر وكشتات ومرات اروح لجده اجيب لي اغراض 


وباقي عاد هالاستخاره 

اذا كنت تقدر تاخذ ٨ سلندر خذ

السلام عليكم يا الربع ... نصيحة ياخوي خذ لك 8 سلندر وفك عمرك الستة بيغثك اولا الموتر وزنه مهب بسيط في الحالة هاذي يحتاج لمكينة قوية بحيث انه يمشي معك مظبوط وثانيا ماراح يخدمك لا طلعات ولا تحميل ولا حتى طعوس وبعدين بتتحسف عشان كذا ياتصبر وزدها وخذ لك ثمانية اصفار ولا الشكوى لله اشتره اخو الجديد يعني مامشى شي والله يوفقنا وياك ... تقبلوا مروري وشكرا

وعليكم السلام ورحمة الله وبركاته

تاجر للتسويق + ابراهيم
عسى الله يحفظكم ان شاء الله
هو السلفرادو جديد اصفار 
انا ابي موتر جديد وبنفس الوقت على قد فلوسي
8 سرندل انا جربته مع واحد من اخويانا وماشاء الله نار وحريقه

بس علي انا حاليا غالي 

واعذروني جميعا مااعطيتكم لايكات لان نقاطي ماتكفي

الناس للناس وانا اخوك وحنا ما استنصحناك عشان تعطينا لايك لا يابوي حنا نبي لك الخير والزين وبالنسبة اذا فلوسك ماتكفي الشكوى لله اشتره 6 سلندر بس ممكن ماعليش تبلغني بتستخدمه في وشوا ولا تعتبره تدخلن في خصوصياتك بس عشان احكم لك هو يصلح ولا لا

اخوي ابراهيم انا استخدامي له من الدوام واطلع للمحل وفترة الظهر بالبيت
العصر دوام ثاني الى صلاة العشاء وبعد صلاة العشاء اطلع لمحلي
يعني تقريبا مشاويري اليوميه ماتتعدى 50 كيلو 
ولكن تعرف مرات تحصل لك طلعة بر وكشته خفيفه وخاصه قرب وقت الامطار ان شاء الله
بعض السيارات بدون ماتكرفها تحصل يطلع لك خراب فجاءه بالحساسات والكهرباء

ونسيت اقولك مرات اطلع لجده والرياض اجيب لي بضايع
وحبيت اسال كيف مركبه بالخط يتعب والا مريح
واسف على التاخير بالرد لان قليل ادخل