سؤال بخصوص نقل ملكية المركبة واصدار الاستمارة

لازم تامين ب450 - 600 ريال والاوراق صوره الهويه للبايع والمشتري والتامين والمبايعه والاستماره القديمه 

ورسوم النقل ب75 ريال وتقدر من الجهاز تنقلها بالمعرض 

الله يعطيك العافيه اخوي بس انا غشيم بالأمور هذي مثل ماقلت اول مره اشتري سياره مستعمله وما اعرف ايش الاجراءات بالتفصيل
وبخصوص الاستماره القديمه وهوية البائع ما اخذتها لأن اللي في المعرض قالي ماتحتاجها

اعتقد لازم تروح للمرور تنقل الملكية

شي غريب انه يعطيك الاوراق
اعطي المعقب حق المعرض يخلصك ب50 ريال
او تروح بنفسك...ورقة المبايعه +تأمين+تسديد75 بالصراف رسوم نقل ملكيه+ملف ابيض+صوره بطاقة البايع+صورة بطاقة المشتري +اصل الاستماره=

السلام عليكم يا الربع ... بالنسبة لموضوعك ياخوي اول شي المفاتيح الي اعرفه تجي اثنين بس وكلها بريموتات هاذا اولا ثانيا بالنسبة لنقل الملكية وكذا اذا كان الموتر مأمن عليه من راعيه الاول او ما انتهى تأمينه خلاص تروح للمرور معك ورقة المبايعة ونقل الملكية ويصدرون لك استمارة بأسمك وبعدها تطلع للتأمين تنقل التأمين بأسمك بعد ماتوريه الاستمارة تقريبا نقلها ب 50 ريال او بالكثير 75 ريال اما اذا كان ما أمن يبي لك تأمن وتطلع للمرور لأن الان المعارض صار عندهم في الجهاز كل شي يسجل لك الموتر وينقل ملكيته كل الي عليك تروح تغير استمارته وبس وبموجب الاوراق الي معك ... اتمنى ان اكون افدتك تقبل مروري وشكرا

الله يعطيكم العافيه يا اخوان ماقصرتم وانا حاليا اتاكدت من واحد في المرور نفس كلام اخونا ابراهيم ^ مايحتاج صورة هوية البائع وﻻ الاستماره فقط ورقة المبايعة وورقة نقل الملكية والتامين اذا مو مأمن البايع