سياره تحت 15000

الكوابرس اسعارها على حسب النظافة اشوف سعرها من 6000 الى 12000

انضف واحد ب 12000 وانا حصلت واحد مخزن بالسعر هذا وانصحك فيه من ناحيه الشكل

والتحمل معروف

بس نصيحتي دور سياره صغيره احسن لو اكسنت ابعد عن الامريكي
عموما

تلقى الكوابرس النظيفة بها القيمة واقل 

لاكن المشكلة تخيل كم واحد دعس بها ( ساقها )  والموتر لها اكثر من 22 سنة 

نصيحو وانا اخوك شف لك كامري 95 -99 

او كورولا 2000 -2005 

او اكسنت 2008 -2010 

او الينترا 2007 - 2010 

او سوناتا 2005- 2007 

وبالله التوفيق

 يا اخ نسانس انت من اي منطقة ؟؟؟

غريبه مو شرط بي 15 ممكن يزود على حسب النضافه وممكن يحصل بي 15 

ياغريبة يمكن انا اخطات في اللانترا ماتحصل 2010 تحصل 2008 صح ؟؟

لكن ياغريبة كان عندنا اكسنت 2009 قبل سنة بعناها بكم تدري ؟؟ 12000 ريال السيارة بوديها وكالة وقير اتوماتيك

اكيد يحصل اهم شيئ يدور ويكلم يمين ويسار  

وقبل كم شهر واحد باع الينتر اظن 2010 او 2011 يمكن 11 ب 000 20 ريال نظيفة  اهم شيئ تدور وتحصل بتوفيق من الله 

بس تبي النصيحه سياره عملي جدا الصني اليباني  من 2003 وطالع  تخدم معك اما الكابرس شقا وورش ولاكنه سياره وحديد  وانت ابخص بالي يناسبك واكيد ابوك يرضالك الخير وما بياخذ لك سياره الا نضيفه

الكابرس حلو لكن يصرف بنزين ...
زي مانصحوك الاخوان شوف لك اكسنت او كورلا ....لان مديل 90 له 24 سنه 

محمد الغامدي انا في ابها والمعارض معارض خميس مشيط

اكسنت 2005 و2006 توصل 13 وانتوا تقولون الالنتر ب 15 لا مستحيل ممكن يحصل الالنترا الشكل القديم الي هو 2005 او 2006 هذاك مهب شين شكلها ممكن ياخذها ويمشي اموره وكانت معه واحد اعرفه وعطاها اخوه وماشاء الله ماشيه معهم مافيها الا العافية بس وين النظيف سواءن هي ولا اكسنت ولا كابرس صابونه مهنا مواتر قسم بالله درادع واذا تبي نصيحتي اكثر ياصاحب الاعلان اقنع ابوك وتصبر لكن كم شهر خله يزيدها ويوصلها للعشرينات تاخذ لك موتر مايبهذلك خرابات ولا يبي له طواعين لأن صدقني لو بتاخذ موتر رخيص بتصلح فيه وبيوصل العشرين عشان كذا اصبر وتحمل ... تقبل مروري وشكرا

خذ لك كامري 99-2000 بتكد الين تقول بس وبتحصلها بقيمتك ذي

نصيحة لوجة الله 

دور لك كورلا ٢٠٠٢ الى ٢٠٠٤ نظيفة وان شاء الله تكدها تكدها ما تطلب مسمار 

نصيحة ابعد عن الامريكي 

الا ان كان عندك ١٥ الف ثانية للصيانة 

بيني وبينكم ودي بسياره تكون وسيعه وماودي بالكراسيدا ولا السيارات الصغيره 

وهل الكابرس تكرف زي الكراسيدا 

ودي بالكرسيدا بس شكله مايعجبني ولا هو موتر مضبوط 

وتنصحوني وش اخذ كابرس اي موديل وبنفس الوقت افضل مكينه وقير للكابرس مايهمني البانزين عادي بس يكون موتر متماسك وقوي ومريحه 
 
وقطع غيار الكابرس رخيص ولا لا

بعدين اشوف الكوابرس النضيفه بالموقع اسعرها تتعدا 12000 الف وانت تقولي النضيف النضيف بال12 الف

يبن الحلال وش تبي بالكوابرس يبي لك تهلك على ماتلقى نظيف وان لقيت نظيف منتاب سالم من التصليح وثانيا خلنا نكون واضحين لو بتاخذ لك موتر جديد او بالاصح موديل شوي جديد احسن من انك تاخذ كابرس قديم لانه ماراح يخدمك مثلها اولا المكيف بتلقاه له 20 سنة ولا اكثر ومكيفه يدهر وتلقاه وسخان وبعض الاحيان يكتم وف النهار ماينفعك ولاقدر الله ترتفع حرارته ولا شي حتى لو كان نظيف بس الزمن يهده ان تتكلم عن سيارة لها 20 سنة مصنعه وتمشي ... ومثل ماكتبت لك في تعليقي الاول حاول تقنع ابوك يزيدك شوي ويوصلك العشرين تشتري موتر جديد احسن من القدام لان هالفلوس ذي بتحطها فيه ... تحياتي