صدم السيارة وهرب
7
2
إضغط هنا للإخفاء
السلام عليكم ورحمة الله وبركاته
كعادة أي طالب يروح يومياً للمدرسة إنه يوقف السيارة ويدخل للمدرسة ..لكن هذه المرة وبالتحديد يوم الأربعاء الماضي
طلع أخوي من المدرسة وتفاجأ بأن السيارة مصدومه ..طالع وفرك عيونه ودقق لكن الحقيقه هي اللي يشوفها بعيونه
فما كان منه إلا إنه شغل السيارة وجاء البيت وعلم أهلي وأنا ما أجي إلا الساعه 2:30 وأنام
المهم وقت صلاة الفجر دعاني وشفتها وقلت إذا رجعت رحنا للمرور وكنت متفائل وإن حقوقنا محفوظه ..وفعلاُ رجعت ورحنا
لهم بعد ما مرينا أنا وأخوي مكان الحادث وأكتشفنا إنه كان يفحط وصدم ..وما أنكر الفضل بعد الله للي علم أخوي بعد
ما طلع من المدرسة إنه شاف اللي صدم السيارة وهرب وكانت مواصفاتها :هايلكس من أشكال 99 إلى 2006 وكان يعتذر
لأنه ما أخذ رقم اللوحه لأن سيارته قديمه و كانت ددسن وحاول يطرده لكن ما فيه فائده
أخوي شكره وقال ما عليك أنت ما قصرت وما يسوي هالشيء إلا الرجال ونادر تلقاهم وبيض الله وجهك
رحنا للمرور وكأني داخل مقلط حريم ..تمر وقهوة وما غير يأكل ويمص أصبعه ويرجع يأخذ وحده ثانيه
وعطيتهم السالفة وبكل برود قال إذا ما عندك رقم اللوحة فتعال بكرة عشان نسجل البلاغ في الكمبيوتر وكان الوقت
3:15 ..قلت طيب يمكن أنه يصلح الصدام أو يركبه لأن الصدمه جاءت في الصدام الخلفي وما تضررت سيارته
وبكره ما فيه فائده قال انتهى دوامهم وإحنا فقط مناوبين... يعني هم والمزهريه سوا
طلعت وأتصلت على 993 ورد علي واحد صغير في السن وقلت السيارة مصدومه وأعطيته السالفه وقلت نقاط التفتيش
يتسوي مشكلة مع الصدمه فرد علي وقال لا عادي يا رجال
اليوم الثاني راح أبوي ومعه الإستمارة فقط بدون السيارة وطلع لنا ورقة الإصلاح ومن جهة اللي صدمنا فما
حصلناه ولا عرفناه وبتردها له الأيام والدنيا دواره
التصليح قالوا بتأخذ 350 ريال وأنا أشوفها غالية وقلت خلوها مثل ما هي لكن البطانه البلاستيكيه تحك في الكفر
وفوق هذا الصدمه ملفته وواضحه الله لا يوفقه ...إيش رأيكم بالسعر؟؟؟؟؟!!!
إبلاغ
سيارات للبيع
الردود
هذي مشكله اعاني منها ويعانون منها اكثر الطلاب الي يداومون علا سيارتهم
لكن فيه ناس فيهم خير في الشارع الله يجزاهم خير
اقل شي ياخذ رقم اللوحة ويعلمك بها
2
0
قبل 10 سنه و 7 شهر