كابريس جديد والمكينه ماهي صافيه

كراسي المكينة أو اسلاك البواجي ولاتخلي احد يلعب فيها رح للكمبيوتر يفحصونه افضل وبارك الله لك فيه

مايحتاج فحص كمبيوتر دام الموتر ماولعت فيه ولا لمبه والموتر جديد ماشاء الله ولا مشى شي بالنسبة لموضوعك ياخوي انت تقول نفضه والمعروف والمعتاد على النفضه انها تصفيه شاملة الي هي : بواجي وصفاية وتنظيف الدعسة او البوابة وبرضوه اسلاك البواجي او الكويلات عموما هاذي كلها من اسباب النفضه صفها كلها وبأذن الله بيرجع الموتر مثل ماهو ان شاء الله لأن البواجي الان قديمه على المكينة والموتر موقف له فترة مهيب بسيطة حتى لو كان جديد ومامشى شي ماله علاقة واذا تبي ميكانيكي كويس كانك من سكان الرياض ابشر بسعدك ... اسف على الاطالة تقبل مروري وشكرا

الكابرس حتى هو موديل جديد ومخزن ماتخلص خرباته الله المستعان 

مثل ماقال ابولتين شيك على كراسي المكينة والبواجي والاسلاك وصفاية البنزين ونظف الثروتل ((الدعسة))

بشكل عام سو تصفية للمكينة افضل لك

اعطي السيارة خط طويل يكشف لك على السيارة صح

وعبي بنزين احمر 95 وان شاء الله تتصلح الامور

وازا استمرت المشكلة ارجع لتوجيهات الحبايب السابقة

وعلى البركة

بخاخات . هي السبب لا الرجه وحط بنزين 95

تأكد اولاً من الامور البسيطه مثل نظافة الثروتل وحساساته اذا نضيفه وبعدها البواجي والاسلاك
وبعدها اذا جميع ماذكرت ممتازه غير الصفايه ونصيحه عبي السياره بنزين اوكتين 95 لانه افضل بعكس 91 اللي يسبب مشاكل كثيره

ومبروك السياره ويعطيك خيرها ويكفيك شرها ولاتخاف الرجه امرها بسيط وتنحل بكل سهوله 

كلام الإخوان فوق صح انشاءالله
لكن قبل تغير كراسي المكينة وعشان تتأكد هي ولالا
اذا دقيت ريوس تزيد النفضة وانت واقف
فهنا ١٠٠٪ كراسي المكينة
أما غير ذلك نظف البوابة وغير بواجي مع اسلاك مع تنظيف البخاخات تنظيف ومو كمبيوتر
وسو برمجة وراح يرجع موترك جديد

ابدا بلامور السهله داما اول شي بخاخ اسي ديلكو ونظف ثلاجة المكينه ( الثروتل ) عبها بنزين 95 فل لكن تاكد ان التانكي شبة فاضي من بنزين 91 وانشاء الله بتدعي لي ولباقي الشباب اهم شي تعطينا الاخبار

يا اخوان الله يعطيكم العافيه 
ينظف ثروتل والسياره ماشية 44  الف
شف الامر بسيط مثل ماقال اخوي العمده 

اول شي اذا كان البنزين اخضر حوله احمر 

امش الين تولع اللمبه اذا ولعت امش زياده 20 الى 30  كيلو بسرعه قليله
او الين تحس ان السياره بتطفى وخلك قريب من المحطه 

عب بنزين احمر فل 

وبسم الله رجلك على الصاجه 

وامسك خط وسرعتك تكون عاليه شوي واحذرك من السرعه العاليه 

وعلى هذي الطريقه 

اجلس فتره 

نصيحه 

اذا سواقتك راكده 
حاول من اسبوع الى اسبوعين مره وحده على الاقل 

تدعس الدعسه كامله 
تسويها مره او مرتين وتمشي الين 140 


معلومه 

اكثر من سياره ركبتها واستخدمتها 

من ظمنها 

تاهو 2007 
سوبربان 2011
يوكن 2000
يوكن 2003 
اكسبدشن 2013

كلها بعد ماتوقف والسياره شغاله بعدها بشوي تحس بنفضه 
بسييطه 
والاكسبدشن اخفها 
وبالكاد تلاحظ في الاكسبدشن

كل الشكر والتقدير للجميع 
وماقصرتو
للمعلوميه من اول ماطلعت الموتر ماعبيت ٩١ نهائياً
اعبي ٩٥