بشتري لأخوي سياره وش تنصحوني فيه في حدود 15 ألف ريال

6 4

لايمكنك التصويت حتى الحصول على 20 نقطة على الأقل
إضغط هنا للإخفاء

ابو يزيد 000 8715
قبل 11 سنه و 4 شهر

آلسلآم عليكم ورحمة آلله وبركآته

كيفكم يآ آلغوآلي ؟ عسآ آلحآل ميسور ...

بدون مقدمآت 

آخوي عمره 16 سنه لكنه من آلنآس آلعقآل , يعني مآ هو مرجوج آو يشطح شويتين

وسوآقته رآكده ويحآفظ على آلسيآرة

يعني مثلآً أخوي الصغير قآعد ينآطط على آلمرآتب بجزمآته = يزعل مع إن آللي يسوق آنآ وآلسيآره سيآرتي

حتى آلبآب إذآ جو يفتحونه يقولهم بشويش عشآن لا يصقع بآلسيآرآت آلوآقفه ويتمخش و قفلوه بشويش عشان لا يطلع آصوات طقطقة بآلديكور !!

آلمهم شكلنا بنشتري له سيآرة

لإنه يدرس الثآنوي بمدرسة وعندي اخوي ثاني بالكفاءه ومدرسته قريبه من مدرسة اخوي زياد اللي بالثانوي

فيسير زيآد يطلع من مدرسته ويمر أخوي آلثآني آللي بآلكفآئه

لاني أنا مقدر أستأذن من الدوآم مرتين

لاني أطلع آلسآعه 1:30 أخذ آختي و بنت عمتي من مدرستهم

ويآلله يآلله أتحمل آلزحآم وآلغثآء

وآخوآني يطلعون أول ثلآث آيآم 12:45 و آخر يومين 12:25 

فكذآ بسير آطلع من دوآمي 12 ومآ بأرجع آلآ 2 !!

فقلت مآ فيه حل إلآ إني أكلم آلوآلد ونشوف له سيآره بحدود 15 ألف ريال وتكون من آلحجم آلعادي مآهو من الصغآر مثل الأكسنت لإن مآ لهآ إحترآمها بالخطوط نهآئيآ         

طبعآ آخوي من زمآن وده بسيآره وهو يحب آلكآبرس وآلفورد

وآلكآبرس وآلفورد قطها رخيصه وآستخدآمها حلو و بوديها قوي , يعني لآ سمح الله لو تعرضت لحآدث رآح يتأثر البودي أكثر

فوش رآيكم في الكابرس ls 2004 حصلت وحده ب 16 ألف ريآل ومآ عيلهآ , مبين إنهآ كويسه

أو فورد 98 - 2000 بحاله جيده جدا في حدود 15 الف ريال

طبعآً آلكوآبرس ممشآها قرآبه 250 ألف كيلو

والفوردآت ممشاها 300 ألف الى 400 ألف 

وآنا ما يهمني الا المكينه والقير تكون بحآله جيده والتكيف ممتآز و البودي نظيف

يعني مآ همني آلممشى نهائيآ

فوش رآيكم ولو عندكم أقترآحآت , تفضلوا ...

إبلاغ

الردود