ابي رايكم بكابرس 2008

من رائيي وانا اخوك ابعد عنها وعدادها مااتوقع حقيقي 

والكابرس لاتأخذ الا نضيف لان التعديل تراه يدمر المكينه والقير وغيرها كثير 

هذا رائيي وبالتوفيق اخوي

مشكووور اخوي بس التعديل مو على المكينه ولا القير التعديل خارجي فقط وانا ماراح اتخذ اي قرار فيه الى بعد الفحص 

الصراحه انا الكابرس داخل راسي من زمان بس مادري عن استخدامه وخراباته  الي عنده خلفيه يفيدنا ومشكورين مقدم

يالغلى سعرة تقريبن من 38 الى 42 النضيف 

انا ماني بخبير لكن طاح الكابريس من عيني لما عرفت انه ما هو موجود بامريكا يعني استرالي لو فيه خير كان باعوه عندهم ...

يا عبدالله الكابرس هي سيارة الشرطة بأمريكا، ما يستعملها إلا الشرطة

طيب هذا كلام موظف بالبيان لما سألته ليش ما تستوردون كابريس ...

نصيحه مني .. مستخدم للكوابرس ،، لاتاخذ كابر الا اذا كان نظيف مره ،، بعدين تقول سياره مرشوشه كامل ،، وجنوط مركب عليها يعني تقريبا راعيها راعي دوران وتماشي ومن ذا الكلام ،، نصيحتي لك اذا انت هادي بسواقتك وانسان راكد على السياره خذ الكابرس نظيف مره .. لاكن اذا انت سواقتك حاره على السياره ولا بتهتم فيها .. فاقولك من الحين ارتاح وخل الكابرس وشوف لك سياره غيره ،، تقبل مروري 

نصيحة ابعد عنه من كلامك واضح انه مو نظيييف مرشوش ومعدل لايغرك الممشى 

الكابرس اذا خذيت خذ نظييييف مررره ومانصح قير 4 نمر ابد 

خذ من 2009 وفوق  قير ابو 6 نمر اس اس او رويال 

في الغالب لما يصير للسيارة حادث جامد تتسمكر وتنرش بالكامل وعند البيع يقول لك رش تجميلي أو لتغيير اللون

مسألة التعديل تدل على أن السيارة استخدام شاب وهذا يعني أن السواقة ما كانت رايقة أبداً خصوصاً إذا كانت 8 سلندر

كان عندي 2008 LTZ نظيف جداً ولكن المشكلة في الكابرس إذا ما كان نظيف راح تعاني مع الورش والصيانة

نصيحتي لك ابعد عنه

السلام عليكم يالربع ... بالنسبة لموضوعك ياخوي اذا تبي نصيحة اخ ابتعد عن الموتر لعدت اسباب اولا ان الي في المزادات كلها يامصدمه صدوم قويه ولا غرقانه في الماء ولا فيها مشاكل في الظفيرة ولا موقف من سنين وهو اكيد ماخذه عشان رخيص ويقاله بيتكسب منه وبعدين لايغرك ممشاه يمكن يكون ممشاه مهب صحيح وممكن بعد يكون ممشاه صحيح لكن مجلود الموتر ... اطلع ياطويل العمر للمعارض ولا تشوف لك في الموقع ودور على واحد نظيف ووقفه وبديه زين ولا تاخذ شي من المزادات ولو فرقت لك 5 ولا 10 الالف لكن تشتري النظافه وبعدين الكابرس ترى مهب لذيك الدرجة غالي اذا كان LTZ ... اسف على الاطالة تقبل مروري وشكرا

مشكوووووورين وماقصرتو وانا والله كنت متردد وقلت اخذ مشورتكم وبيض الله وجيهكم

 والله يعطيكم العافيه