أضف سؤال أو موضوع جديد          

اصحاب لومينا وكابرس وعشاق ال شفر ss حلول ومشاكلها

up 21 down 8
سكودر 14891
قبل 6 سنه و 8 شهر



لكم من يملك كابرس ولومينا   وتعب من مشاكلها  هنا  بعض حلول ومشاكلها   .. 

عندم يشتكي الحديد فشكواه من محركات الشفر بقوه وتهور ابدعات دايم بتطور   محركات الشفروليه  الجباره 

 لتشابه المشكلات في اللومينا والكابرس الي نسمع عنها وهي 8 سرنلد من موديل 2000 الى 2011حبيت انزل موضوع يشمل جميع المشاكل وحلولها وأتوقع انه الموضوع الاول من نوعه بخصوص انا من  عشاق الشفر وانا احد ملاكه وللعلم ان المشاكل وحلها عن تجربة شخصية 
 ملاحظه الاسعار القطع  المذكوره تختلف  من موديل الى موديل 




بسم الله الرحمن الرحيم نبدا

1- القير ومشكلة التاخير او سماع حنة بين النمر :
اذا حسيت بان القير يطول بالنمر او بديت تسمع له صوت مثل الحنه خصوصا في النمرة الثالثة او الثانية فهذه بداية احتراق الكلاتشات واذا طولت اكثر واكثر راح تحترق كلياً ووقتها السيارة ماراح تصير فيها الا نمرتين بس الاولى والثانية ,, طيب وش الحل ؟الحال طال عمرك والافضل أنك توظب القير بلا شك وتركب كلاتشات جي ام اصلية مع العلم انه يوجد نوعيات ثانية لكن انا اتكلم عن تجربة شخصية تركب كلاتشات جي ام اصلي ومبرد قير كبير سعره مع التركيب تقريبا 400 ريال , واذا كنت صاحب قومات ودعس ينصح انك تركب ترانز قو والشغلات هذي تتركب في ورش توظيب القيور .


2- الهوبات ومشكلة الرجه + الفحمات بسرعه تخلص 
]طبعا هذي مشكلة معروفة انك لو تخرط الهوب مليون مرة الرجه ترجع مرة ثانية وايضا يصاحبها ان الفحمات تنتهي بسرعه ,, فيه نوع من الهوبات رياضي سعره تقريبا من 350 الى 400 ريال لونه ذهبي وتحصله مخرم هذي يركب بدون توليف انا استخدمته بصراحة ممتاز جدا بحيث اني ركب فحمات بدون ما اخرط ولكن مع الوقت الطوووويل يرجع يرج والحل انك تخرطه وراح يرجع من جديد مايرج والملاحظ على الهوبات هذي ان الفحمات ماتنتهي بسهولة ,, واماكن بيع الهوبات هذي بالرياض وجده والقصيم والايام الاخيرة انتشرت الهوبات هذي لدرجة انك تحصلها بالامكان العادية لكثرة الطلب عليها ,,  اذا سيارتك رياضيه سبورت اس اس  انصحك بتركيب هوبات رياضيه 
3- الحرارة :
الان جا الصيف وجات المشاكل معه واحيانا بعض الاشخاص يصادفون ارتفاع درجة الحرارة عندهم فينصح انك تتاكد من الشغلات هذي , 1- انك تركب موية حمراء نوع اي سي ديلكو اصلية قيمتها من 60 ريال الى 70 ريال , 2- تتاكد من المراوح انها شغالة , 3- بالاخير تسوي تسييخ للراديتر قيمته من 70 ريال الى 100 ريال تقريبا واحد يقول حرارتي  مره  متعبتني  لو تبي حراره تب وتحب ترهيم ركب رديتر كابرس موديل 93 او 92 ومراوح سوبارو لصحاب تعديل وتزويد  او زود رتبه رديتر ترصيص 
4- الحرارة ترتفع اذا كنت واقف :
هذي اغلب الظن انها المروحة الكبيرة تعطلت واحسن حل انك تغيرها بوحده جديدة اصلية قيمتها 550 ريال 

5- صوت تك تك تك يطلع احيانا اذا كانت السيارة واقفة او باردة وفجاه يروح :

طرمبة الزيت عندك ضعيفة ولاتضخ زيت الى اعلى المكينة فاحسن شي انك تتلاحق نفسك وتغير الطرمبة قبل لاتوظب مكينة او تغير شغلات ثانية سعر طرمبة الزيت الاصلية من 400 ريال الى 600 ريال .

6- علامة تشيك انجن :
هذي صعب اي شخص يعطيك السبب الرئيسي في هذي المشكلة علشان كذا الحل الوحيد انك تروح تفحس كمبيوتر ويحدد لك العطل الاساسي في السيارة من ايش وسعر فحص الكمبيوتر من 60 ريال الى 100 ريال .

7- المسجل مايشغل سيديات او السيدي يكون عالق :
السبب هو ان عدسة المسجل يبغى لها تنظيف او اعطيك حل على السريع من واقع تجربة شخصية ,, روح لاقرب بنشري وخذ منفاخ الهواء القوي وطلع كل السيدياات واجلس انفخ داخل المسجل .

8- الانوار ضعيفة او الكهرباء تضعف او ظهور علامات فجاه على الطبلون :
هي اغلب الظن انها من البطارية والافضل انك تركب بطارية 80 امبير ,, او انها تكون من الدينمو .

9- تدخل المفتاح تحاول تشغل السيارة لكن المفتاح لايتحرك لايمين ولا يسار :
عندك مشكلة بالقفل حاول تشحم المفتاح وتجرب حظك او تهز السيارة والحل الاكيد انك تفتح القفل وتروح تشري واحد من الوكالة بـ 170 ريال وتاخذ القديم وتوديه لمحل مفاتيح او محلات الذهب المختصه بالاقفال ويزينه لك على نفس المقتاح القديم .

10- تسمع صوت مزعج اثناء المشي او الانعطاف:
مثل ( ووون ووووون ووووون ) يزيد الصوت على حسب السرعه او تسمع بشكل ملحوظ اذا لفيت الى جهة معينة مثلا يمين او يسار هذا من برنق الجنط وسعر الواحد الاصلي 600 ريال هو عموم واحد يخترب مايختربون الاثنين مع بعض الا نااااادر
11- صوت ضجه او السيارة ترج بشكل قوووي خصوصا وهي واقفه :
هذي المكشلة غالبا تكون من كراسي المكينة يعني عندك الكراسي تعبانه والله لايهينك تغيرهم سعر الكرسي الواحد فيه انواع من 100 ريال الى 250 ريال تقريبا ( ملحوظه الاسعار غير اكيدة 100 %) 


12- رجه بالدركسون عند سرعه معينة تظهر فجاه وتروح عند سرعة معينة :

هذي عندك واحد من الاثنين : يا الكفرات تحتاج ترصيص , او انك مركبهم عكس اتجاه السهم اللي مرسوم على الكفر ,, أو جلد الكردان عندك تعبانه ( الجلد اللي بنهاية العامود ) سعرها الاصلي تقريبا 500 ريال
13- جهاز مانع الانزلاق ( التراكشن ) لايعمل :

هو نادر يتعطل واذا تعطل راح تظل علامة التراكشن اووف شغالة على طول الى ان يتم اصلاح العطل ,, وغالبا تكون من الفيوز انه حرقان وقيمته من 5 ريال الى 10 ريال تقريبا ,, مع العلم انك لو رحت فحصت كمبيوتر على المشكلة راح يقولك العامل تحتاج الى جهاز مانع انزلاق جديد والسبب انه مافيه اشارة كهربائية صادرة من الجهاز نفسه لان الفيوز حرقان يعني زبدة الكلام قبل ماتسوي او تفحص تاكد من الفيوز 

14- البريك مايمسك بقوة وتحس انه ضعيف وتسمع صوات هواء اذا دعست بريك ورجلك تروح لداخل اكثر مع ظهور علامة تيشك انجن احيانا واحيانا ماتطلع :
اذا كان المشكلة كذا هذا عندك الباكم تعبان ولازم تغييره وسعره حوالي 500 الى 550 ريال اصلي انا شريت واحد لكن من فترة طوويلة الباكم هو القطعه السوادء اللي موصول فيها علبة زيت البريكتحصلها قريبة مرة من الطبلون ولونها اسود وهي شكلها دائري كبيربس انت قبل لاتغير تاكد من العامل 

15كان فيه تقطع بالموتر اول التشغيل وبعد ربع ساعة يختفي :
البواجي والاسلاك عندك تحتاج تبديل 

16 _ تفر مفتاح في دقمه ولا تسمع صوت سلف ولا تشتغل السياره  عندك مشكله في بطاريه او اصابع بطاريه 

طبعا هذي اغلب هالمشاكل تواجه كثيرين من أصحاب اللومينات والكوابرس هذي هي حلولها
تحياتي  عشق الشفروليه   واخص سلامي لعشاق الشفر  الجنرال 2012 وباقي الاخوان 

شيفروليةارقام هواتف 4913700 شركة الجميح للسيارات المحدودة الرياض 6635888 شركة التوكيلات العالمية للسيارات جدة 8594444 شركة الجميح للسيارات المحدودة الدمام 5732550 شركة عمر ابوبكر بالبيد مكة المكرمة 44230416 شركة الجميح للسيارات المحدودة تبوك 8367788 شركة الجميح للسيارات المحدودة المدينة المنورة 
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انا غيرت البطارية وبعدها انتبهت انو المؤشر السرعة واقف ماعرف ان هذا من تفير البطاية ام صدفة وش الخلم تكفووووون يالرجاجيل


up 0 down 0
alhomsi12
قبل سنه و 8 شهر



سلام عليكم صباح الخير ي شباب

عندي كابرس 2002 8سرندل

طفي على مرة وعدلنا الكتاوت واشتغل

وطفي مرة ثانية وعدلنا الكتاوت واشتغل

ولكن المرة الثالثه طفي وعدلنا الكتاوت وكانه بيتشغل وطفي مع ان البطارية جديدة والدينمو الحمدالله تمام والكهرباء كويسه والمفتاح يفتح ويقفل تمام


بس للحين ما تشتغل السيارة لان ما انا كلت المشكله3


up 0 down 0
عمورالعسيري
قبل 10 شهر و 4 أسبوع