أضف سؤال أو موضوع جديد          

تركيب كت باك وصيانة لبعض القطع الاستهلاكية تعالوا

up 12 down 3
sultan-07 2438
قبل 7 سنه و 7 شهر



بسم الله الرحمن الرحيم..
السلام عليكم ورحمة الله وبركاته
أسعد الله أوقاتكم بكل خير..

كان لي زيارة سريعة للصناعية وحبيت أشيك على السيارة بحكم إن عندي سفرة خلال الأسبوع الجاي..
وكانت الزيارة عبارة عن فحص وتشييك للسيارة وتغيير القطع الاستهلاكية (اللي تحتاج تغيير)
فحبيت أفيدكم بالأسعار..ونقطة ضرورية اللي هي موزعين قطع الغيار..والفرق بين قطعهم وقطع الوكالة..
(((السيارة لومينا2008 ss))
طبعا وديت السيارة عند ورشة أتعامل معهم من زمان..وفحصت السيارة وطلعت تحتاج للآتي:
1-لي المكيف الحار يحتاج تغيير<<وبتشوفون صورته تحت كان فيه تهريب بسيط
2-بواجي<<
3-فحمات أمامية وخرط هوبات..

خلوني أبدأ معكم بالأسعار قطعة قطعة..
1-لي المكيف<<الميكانيكي قال بالإمكان إنه يتصلح..توليف وقص لي وتوصيل ماسورة وحفلة..المهم أنا ماهضمت حكاية التوليف..لأن مثل الحاجات هذي ما يبغالك تلعب معها..لاسمح الله لو انفجر اللي وأنا مسافر وارتفعت حرارة المكينة راح تشكل خطورة كبيرة..فعلشان كذا اشتريت اللي كامل..

أخذت من الوكالة بسعر 470 ريال<<القسام كامل مع الكلبسات والقفيز وأغراضه كامله<<مع العلم إني فريت كل محلات قطع الغيار ولا حصلته إلا في الوكالة..
==================================================
2-البواجي:كل محلات قطع الغيار اللي في الصناعية ماعندهم بواجي بلدها..وحتى تعم الفائدة أصحاب الكابرس واللومينا 2007 وفوق 8سلندر..فيه بواجي مقلدة تنباع على إنها أصلية..وأسعارها تتراوح ما بين 160 إلى 240 أنا جربتها شخصيا..وتمنيت إني خليت البواجي القديمة..ضعف في العزم بشكل ملحوظ..

وعلشان تعرف البواجي الأصلية..شيك على الكرتون إذا كان آخر ثلاثة أرقام مكتوبة على البواجي 110 خذها على طول ولا تتردد..وهي اللي تبيعها الوكالة وسعرها (302)ريال
=====================================================
3-الفحمات الأمامية:
والله يا شباب يا بغيت أنجلط عند الوكالة..سألت عنها قالوا لي الطقم الأمامي بــ568 ريال..!!!
المهم إني لعنت إبليس ورحت للتقوى وحصلت عنده الأصلي بــ360 ريال..ونوع ثاني بــ120 ريال
أخذت أبو 360 وركبته والحمد لله من أحسن ما يكون
==================================================
الكت باك:
أنا أحب يكون صوت السيارة فيه شوية ازعاج..علشان كذا فكيت دباب التلوث ولحمت مكانها مواصير..صار فيه فرق بسيط لكن ماهو المطلوب..

اللي صار إني طلبت كت باك إكس فورس2.5 انش أبو ريموت من عند فواز وكيل الشركة..
وطلبت معه كم قطعه وبأذكرها لكم بالأسعار علشان تستفيدون

الكت باك:2.5 ريموت نيكل كامل=4800 ريال
طقم علامات هولدن شبك+أغطية الجنوط+العلامات الخلفية=1350
شمعات أمامية لومينا2009 أبو عدسات=1700 ريال

وهذا مقطع لصوت الكت باك وإن شاء الله يعجبكم
http://www.youtube.com/watch?v=yQxl8GUN-oA

أعتذر على الإطالة ولكن ودي أفيدكم بكل صغيرة وكبيرة وخصوصا أسعار القطع..

والسلام عليكم ورحمة الله وبركاته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


آسف يا اخوان..صورة اللي ماهي راضية تتحمل..
ما أدري وش المشكلة..

أكرر الاعتذار


up 2 down 0
sultan-07 2438
قبل 7 سنه و 7 شهر



خخخخخخخخخخخخخخخ

الله يهديك شريت كت باك كامل عشان صوت 

كان تقدر تشتري مفلر بدل حق الوكالة 


up 2 down 1
ابـو عبـد الـله 8
قبل 7 سنه و 7 شهر



هلا فيك أبو عبدالله...
كلامك سليم كان بالإمكان أشتري دبات خلفية وسعرها ما يتجاوز 800 أو 900
بس بدون ريموت...
ولو بغيت الدبات أبو ريموت فراح يكون سعرها 3400 فما راح تفرق ألف ريال زيادة..

والشيء الأهم عندي..إن كت باك الوكالة يبقى على وضعه بدون أي قص أو تلحيم
والشيء الثالث..قطر المواصير للكت باك الرياضي 2.5 إنش..بينما حق الوكالة2.25 انش

وشاكر لك مداخلتك أبو عبدالله


up 2 down 0
sultan-07 2438
قبل 7 سنه و 7 شهر



ماشاء الله 
صوت كشخه هههههه قصدي طرررب 
خاصتا حنت اللومينا اول ماتدق السوتش وتشغلها  
كأنها بنت تقوول آه آه آه آه ياقلبي  
وشوي 
تعصصصب ( صوت الكت باك ) 

هههههه ماشاء الله 

تراني احب الشفر والكابرس بالذات 
بس ماحصل نصيب خطبناها وماوافقت ههههههه

مشكور ياسلطان 


up 7 down 1
أنيق 17573
قبل 7 سنه و 7 شهر



سبحان الله تدفع 4800 عشان اﻻزعاج هذا !!!!!! 
 


up 2 down 6
ابو وسام الزهيري 98
قبل 7 سنه و 7 شهر



أنيق ههههههههههههههههههههههههههههههههههههههههههههههههههه
حلو التشبيه..
العفو طال عمرك..ومشكور على مداخلتك..
=======================================
الأخ أبو نواف الزهيري..
حياك الله طال عمرك..والناس أذواق وأنا أخوك..
يعني فيه اللي يحب سيارته تكون بحالة الوكالة..وفيه اللي يدفع مبالغ كبيرة على تعديل المحرك..وفيه اللي يدفع عشرات الألوف على جنوط..و..و..و..والخ..

عاد أنا مسكت معي غلط..أدفع 4800 علشان الصوت هههههههههههههههه
مشكور على المداخلة


up 5 down 0
sultan-07 2438
قبل 7 سنه و 7 شهر



والله مااحترمي  لاكن 4800 على صوت ومدري هل الكات باك يزيد قوة الاحصناه


up 2 down 5
نايف مجول القحطاني 376
قبل 7 سنه و 7 شهر



هلا نايف...
حياك الله وأنا أخوك..
لابد أرجع أبرمج من جديد علشان يعرف كمبيوتر السيارة إن خروج الهواء صار أكثر من قبل..
لكن ما راح يفرق ذاك الفرق اللي عليه الكلام..يعني بالكثير وإذا صكته الحما..ما بين7 إلى 10 أحصنه


up 0 down 0
sultan-07 2438
قبل 7 سنه و 7 شهر



في كت باك مثل هذا للماليبو الجديد :( الصوت طرب مشالله 


up 0 down 0
sosisos 615
قبل 7 سنه و 7 شهر



سلطان .. انا من اول شاك فيك من ناحية اسلوب كلامك في الكتابه كنت
متاكد لين اثبت لي المقطع

سلطان عيد خشمك ي غالي
مذا سنعك تيود كوذيه
بس الصدق الله يسبقبي الصوت ولا احلى

و الصراحه اللومينا فكرة التوليف بخصوص الليات و هالخرابيط
تلعب بالسياره لعب
كويس انك ما وافقت ع فكرته لانك ما تضمن بكرة النهار هل بتعيش ولا
بتنعدم او يسخن عليك اللي و يودع
الفحمات الصراحه اسعار جهنميه
غيرت فحمات عند ابو جميل للكامري ب380قبل 5شهور
هذي و هي تويوتا
ف ما بالك بالامريكي ككل
و من ناحية الصوت .. طررررررررررررررب ي ولد تلعب لعب هههههههههه
و اذا براسك شي حتى لو انه انتل 10امتار لو تركب انتل سيخ حديد
ع اللومينا ركبه ولا يهمك شي
الكت ابو ريموتر ب جده توصل لل 5000ريال
لو سيارتي 8سلندر كان ركبته بس يلا ننتظر هالراتب اللي له 4 شهور
و نشوف متى ينزل لنا -__-

ابدعت بموضوعك ي ولد العم
و شكرا لك ع توضيح الاسعار :)
تحياتي :)


up 2 down 1
w176.amg 2014
قبل 7 سنه و 7 شهر



مشاء الله تبارك الرحمن ،، الله يعطيك خيرها ويكفيك شرها

الشغــــــــل المرتب والصح محد يختلف علية
الصوت طرررررب . اذا حبيت تقفل بالريموت بشرط داخل المدينة . اما بعد سرعة 100 كم فكـــه خلي السيارة تتنفس حتى اذا الصوت ازعجك عشان الحرارة .. بالتوفيق وطريق السلامة


up 2 down 2
aziz..747.. 2420
قبل 7 سنه و 7 شهر



ماشاء الله صوت تمام ناقصك هدرز و تطلع وحش ههههههههه 

الا بغيت اسألك يا اخ سلطان قطع غيار ال cr8 نفس سعر اللومينا ولا تفرق ؟ و لو تفرق قد ايش يعني لان السيارة ماشاء الله داخلة مزاجي لاكن خايف من قطع الغيار كثير يقولون انها جدا غالية ايش رايك انت بحكم ان لك خبرة في اللومينات ؟ شكرا 


up 2 down 2
shadowz33 1097
قبل 7 سنه و 7 شهر



الأخ sosisos
والله ما أظن وأنا أخوك إنك بتحصل للماليبو..بصفة عامة الــ8 سلندر يفرق كثير عن الــ6 سلندر..
===================================================
الأخ خيال الأمس..
انعيدك..من دا أنت يا ولد الحلال..حناثه لا عرفتك..
استقرب خلني أعلمك بعلم<<
والله إنك عثيت بي..خوفتي لأتشره معك وآعي إلاك تعرفني..أعلمني من دا أنت<<<
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
الله يسعدك..مثل ما قلت شغل التوليف هذا ما أحبه..خلني أكع الدراهم..وأطلع بشيء صاحي..
مشكور والله لا يهينك
====================================================
الأخ عزيز..
الله يجزاك خير وأنا أخوك..
مشكور على مداخلتك وردك..وخلني أوضح لك نقطة
كت باك الإكس فورس لما تقفل الصوت ما فيه هواء يرجع للمكينة..وشوف الفيديو هذا علشان توضح لك الصورة أكثر

يوجد موسيقى في المقطع
http://www.youtube.com/watch?feature=player_embedded&v=K7jGYnhbQQU


up 1 down 1
sultan-07 2438
قبل 7 سنه و 7 شهر



shadowz33
حياك الله طال عمرك..
والله ما عندي ذاك الخبرة في الــcr8
كل اللي أعرفه إنها نزلت عام 2008 بمحرك 6.0 لتر لكن على حسب علمي إنه أقوى أحصنة من المحرك اللي على اللومينا العادية..
وعام 2009 نزلت بمحرك ls3 اللي هو 6.2 لتر وتقريبا نفس اللي على الكمارو..
فلذلك ما عندي المعلومات الكافية بخصوص قطع الغيار..لكن اللومينا العادية قطع غيارها أشوفها مناسبة جداً..
ولا تطلب واجد وكله على حسب الاستخدام..وعلى حسب متابعة السيارة أول بأول..
أعرف ناس عندهم لومينات..ما يمر شهر بالكثير إلا وهو في الصناعية..ويوم أركب معهم وأشوف سواقتهم..أغسل إيدي وأكره اللومينات بصفة عامة..خخخخخخخخخ


up 1 down 0
sultan-07 2438
قبل 7 سنه و 7 شهر



سود فالي .. فيك اخترعت مني تراني ما عبيت شي ولا يودت
حاجه  .. لاوه لاوه الله يسعدك اني ماعرفت الا هنيه
الله يرزقك من فضله
تحياتي ي الحبيب


up 1 down 0
w176.amg 2014
قبل 7 سنه و 7 شهر



ما شاء الله بالتوفيق اخوي سلطان حبيت أسأل عندي مشكلة بالشكمان أتوقع تنسيم وابي الورشة اللي ركبت فيها الكت باك اشيك عندهم 


up 0 down 0
أبو عبدالله ~ 4
قبل 7 سنه و 5 شهر