أضف سؤال أو موضوع جديد          

نصيييحه لكل من يواجه مشكله بسيارته

up 49 down 7
phantom101 3
قبل 8 سنه و 9 شهر



السلام عليكم ورحمة الله وبركاته 

اخواني الاعزاء حبيت اقولكم قصتي مع الورش وانتبهوا انتبهوا اغلبهم يتعلموووووون

قصتي ان عندي اس اس 96 يكتم ويتفتف المهم وديته لكذا ورشه اقصد (مجزره)

وكلن يبدع اللي يقول غير ديلكو وغيرته اسلاك بواجي وغيرتها ولعبوا لي بالسياره لعب 

المهم بعد ماسويت هالامور قلت اجربه وادعس له الا كتم وطفى اشغل يمين يسار 

فوق تحت اكس دائرة ههههه مافي فايده وسطحه واروح للسباك (ورشه)

قالي المكينه ضاربه ياولد عدل بدل قال مافي مكيييييينه واكلم السطحه قلت تعرف بيتنا 

نزلها بالحوش

عاد انا واخوي الكبير عندنا حب للسيارات وصيانتها بس مدري وش جاني ذاك اليوم وموديها للصناعيه

المهم اخوي قال طلع العده ونبي نفحص الموتر من والى 

عاد الوالده الله يحفظها ويشفيها اذا شافتنا نشتغل تظبط لنا القهوه والشاي 

وتقول اول ماتخلصون اغسلوا الحوش لااغسل وجيهكم بجركل البنزين ولا السياره ماتطلع الا منظفين الحوش

هههههههههه الله يحفظها ويحفظ لكل واحد امه 

المهم فحصنا وفحصنا وانا منصدم من الموتر اسلاك مجرحينها والتماسات 

ضبطنا الاسلاك وحلينا الالتماس ورفعنا الموتر من ورا ونزلنا التانكي 

وطلع طرمبة البنزين الا طلعت توليف حقت في اكس ار ونفحص الطرمبه 

والمشكله طلعت ( لي الطرمبة اللي يدفع البنزين مفلوت ) يعني الطرمبه تدفع البنزين للتانكي مره ثانيه

شبكناه وضبطناه وغسلنا التانكي وركبناه قال اخوي سم بالله ودقه سلف


الا والموتر اشتغل مثل الساااااااااعه ماشاء الله

وين مكينه وبواجي وحتى الكمبوتر والله العظيم 3 كمبيوترات

اخرتها لي لييييييي ياجماعه لي مفصوووووووول وهذا يقول مكينه

زبدة الموضوع حاول تكون عندك خبره بالسيارات ولا يضحكون عليك 

والله العظيم اغلب الشغل نشتغله بالحوش خشبت سياره عندي المعها عندي افك مكينه عندي

اقسم بالله حتى سمكره والله العظيم سمكرنا بالحوش بس رحنا ورشينا بويا بس

ماشاء الله

ادري طولت عليكم بس انتبهوووووووووا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الاجانب يتعلمون فينا يا اخوان ،،، نشكرك على هذا التنبيه وفعلا اي خلل في اي شيء سياره كمبيوتر جهاز في البيت ابدأ بالاشياء البسيطه بعدين فكر في الاشياء الكبيره


up 0 down 2
أبوأسيل2011 124
قبل 8 سنه و 9 شهر



hmymhm99 1 
قبل 2 يوم و 15 ساعه

شيك على حساسات قربة الهواء


up 0 down 0
phantom101 3
قبل 8 سنه و 9 شهر