كابرس او فورد

كابريس

 والله 2012 باختصار غير طبيعية 

حساسات الكلتش للقير مدعمه  بوسائل تبريد 

2011 مافيهاااا

شاشة تتش "لمس"  وارباق +2 اضافي

ومبرد قير ثنائي (2داخلي 1 خارجي + تشغيل عن بعد )

توسيع المقصورة  الامامية هي من اول وسيعه هالحين سحبو السحاب الي تحت ورجعت ورا يعني ياسلام سلم

مكيف خلفي للزجاج الخلفي وتكيف خلفي وامامي منفرد لكل سائق

انوار الطبلون ليزر 

الدريكورات الداخليه عدلوه خلوها جلد مو كلابسات زي 2011 وتحت 

وغير كذا انها وحش يعني ماتنفع معه التدلع بالخط ياتكرمه عشان لاوصلت بيتكم تسمع الطرب 

جلسه خاص هدر شكامين تسمع 



يعني غير الموصفات والله ارشحها بقوة وتستحق الاقتناء 


والا اصبر يمكن تشوف 2013 واستخير ياحلو

استخير قبل اي شي

اخوي اذا قصدك كراون فكتوريا فهي خلاص توقف انتاجها ووقفت مالي موجود عندهم موديل 2011 ويبيعونها على العالم على انها 2012 وقطع غيارها ارتفعت واذا قصدك فورد تورس فهي كفو وحلوه واذا تبي الشور انتظر الكابرس 2013 انا سمعت انه بيتغير شكله وبيجي كلام كثير واذا انت مستعجل خذ كابرس 2012 وتوكل على الله اشهد انه موتر وعز رأيي وانت حر بالتوفيق ..

اذا بياخذ سياره يقتني فورد خرباته قليله وسياره عمليه وريحه سواء فكتوري او تورس او ماركيز وابعد عن الكابرس لنه بداياته حلوه لاكن بعدين تكثر مشاكله 

شوف اخوي من واقع تجربه

الكابريس سمعته سيئه بمشاكل الحراره قريبي موتره نظييييف ماخلاه يبيعه الا الحراره يمكن قط حول ال5000 الاف وهو يصلح بالحراره ومافي فايده

انا ماذم بالكابريس بس بعطيك وجهة نظري

بالنسبه للفرود الفكتوريا ماشفت موتر يتحمل مثلها غير الهوندا

الوالد كانت عنده وحده 2005 صدم فيه وجه مرتين وصلحها ولاشتكى منها اي شي بس زيت وفلتر وكفرات

وباعها لان الشركه عطوه سياره ثانيه

بااختصار الفورد موتر كرف

وذا تبي خيار ثالث عندك الهوندا الاكورد صحيح سعرها غالي شوي بس تستاهل اخوي عنده وحده 2007

الان ماشيه حول 260 الف ماشاء الله تبارك الله ماشتكى منها شي بس اللهم بريكات وزيت وفلتر وكفرات

الان بدت اصوات العكوس تطلع تخيل بعد ممشى 260 الف وتوه بدت تطلع

عكس الكوري الي مايكمل ال120 الف ويبدى يقولك قط علي

والخيار لك اخوي

سواها البخت صحيح كلامك وعداك العيب واقترح لو ينزلون عرض مع الكابرس مراوح سوبارو هديه ان بعد ماتقلب الحراره يركبونها مدري ناس وش تحس فيه رغم الاعطال اللي مرو فيها والمشاكل ترجع تمدح الشفر بخراباته واللي مو مصدق ييروح يسئل اصحاب الورش ... راح يقولون الاثر اعطال هي الكابريس ... اما الفورد فهي صنعت للكرف لهذا استخدمت في الاسطول الحكومي بجميع انواعه وسياره يعتمد عليها

سواها بخت 
بسالك الحين اعرف كثير يعني عدد كبير ماقد اشتكو من الحراره تتوقع وش السبب صدفه مثلا

والا حظوظ

حبيبي اذا الموتر بطل ماراح يشتكي من شي اسمه حراره ترا اعرف شباب حقين قوماات 

والله ماقد دفع ريال بالحراره وكل قروشه على التعديل فقط ولايركب بلف ولاغيره

عموما شف وش العله لان اخوي اشغلته الحراره وموتره ماركيز والمراوح كتاوته كل سنه يغيره

شف الاصابع ماتسوي ابد 

كابريس بالتأكيد ويش جاب الفورد عند الكابريس الفورد سيارة مقطوعة من زمان بس يعاد تصنيعها - غيرو الدركسون في 2005 تقريبا :)

الكابرس ممكن تاخذه اذا انت راعي قومات ومطارحات فقط لان محركه قوي لكن اذا تبيه استخدام بتكره اليوم اللي اشتريته فيه اول ستة اشهر حط في بالك حتغير رديتر ومراوح وممكن توضب القير وبعدها عد لكن تستفيد من الكابرس شي واحد بفضله حثصير معروف بالصناعية وتتعرف على كثير من اصحاب الورش لكن الفورد راحة ورساوة ويتحمل كرف وقطع رخيصة وافضل وكيل سيارات بالمملكة وسعر ممتاز لما تبيع ومرغوب جدا ولو تلاحظون ياجماعة حتى السيارات الرياضية في الفورد اللي هي الموستنج تتحمل كرف لو تستخدمها يومي  وهي اصلا سيارة رياضية فما بالك الكراون فيكتوريا ولا الجراند ماركيز ولا الماردور ماشاءالله مكينة كوبرا ويكفي ان الفورد امريكي اصلي والكابرس استرالي 

اخوي الجنرال انا اتفق معك ان الكابرس موتر بطل بلا منازع ولكن ؟؟؟ انه حق استخدام وكرف وحرارة مايشتكي منها لا معليش ممكن الكوابرس اللي شفتهم نظيفة واصحابها مايشتكون منها تلاقيهم محافظين عليها لاعلى درجة يعني مثلا لو دخل بشارع وشاف مطب قدامه يرجع ويدخل من طريق ثاني وتلاقيهم يستخدمون سياراتهم استخدام قليل جدا وما جربو الكرف فيه للان واذا خويك اللي عنده ماركيز وكل سنة يغير كتاوت المروحة والله مرة حلو اذا ادفعلي كل سنة حوالي المية ريال احسن من اني اخذ كابرس وكل شهرين ولا ثلاثة ادفع مبالغ بالاف 

اقول لكل الي ردوا شرفتم الاعلان والله الى الان اخوي محتار بس انا انصحه بالكابرس لاني انا عندي كابرس اس اس والله عز وامس رحت لم الوكيل شفت المواصفات خياليه وانشالله ابكره ابمر توكيلات الجزيره

لبى الوحش لاوقف يهدري سوال مخصص لعبداللطيف ابي اجابة صريحة الله يسعدلي قلبك

اولا حياك وهلابك بعد ذان صاجب الموضوع

1 انا معي موتر 2005 مشيت عليه 500 الف ممكن اعرف ليش ماغير الردايتر واللذب نفسي بيده ولامره؟

2 انا معي 2005 كنت اطلع عليه 20 الف برمضان بحكم اني من اهل المدينه واودي خطوط للجده ومكه يعني
تجارة وكنت اكده كد الحمير بالخط والعمره ارتفع فوق الربع وانا اجلده ولالاحملته ورا فشخ؟؟

3  كان معي 2000 وجلس معي سنتين ماقد غيرت رديتره وكنت اكده وكنت بسن صغير وين الحراره الي تقولها؟

4  اذا اخوي يغير كل سنه كتاوت طيب الكابريس ماقد خرب كتاوته ولاعمري دفعنا فيه الي تقول عنه والله العظيم اللله اني امشي عليه 12 الف برمضان خاصه بالخطوط
وامشي عليه مشي مو طبيعي ومعي 2008 مشيت عليه بشهرين اقسم بالله 40 الف فشهرين وكمل سنه ولاطلب ريال حتى
استهلاكية وش تتوقع صدفه مثلا؟


بصراحه اقل شي اقدر اقوله لك انك هضمته كثير وخليته يعني اشبه بالسيارة التي حرارته غريبه 

للمعلومية الكابريس حرارته طبيعي بحكم كبير مكينته واغلب المستخدمين الي يستخدمونه وهم عارفينه ماتخرب الحراره معهم وهم

يكدونه ليش ؟؟؟ لانهم عارفين لاستخدامه وابقولك شي حطه في بالك

ماتعرف لحرارة اللكزس ههههههههههه وال بي ام ؟؟

وانا اسمع شي اشبهه بالغريب لو كان كذا ماشفتها مثل الدوود وترا الحراره انحلت غالبا من 2007+

ماقد احد اشتكى من 2009 وفوق ابدا ابدا

لانه مبرد للقير يالي عذربتو انه ضعيف ورديتره مبرمج بخمسة برمجيات واذا كانك ماتعرف للبرمجة حقته ؟؟؟


عموما اتمنى احصل اجابه منك طال عمرك العبداللطيف

مبروك وخير ماخترت تبي تعز نفسك بالاناقه ياحرب 777 اهم شي استخير موفق ونعم الاختيار 

وحش واناقه ورزه وفخامه وقوة لاتخيب الظن

السلام عليكم ورحمة الله وبركاته اخوي الجنرال اسعدالله اوقاتك واوقات المشتركين انا لما اقول ان الكابرس مايصلح للاستخدام وفيه مشاكل هذا ما يعني انها سيارة سيئة على العكس تماما انا اول واحد اشهد بقوتها وهيبتها ووجودها قوي بالخط وانا والله اني كنت راح اشتري كابرس اس اس قبل حوالي يمكن سنتين او اكثر لكن اللي اعرفهم هنا بجدة ومعهم كوابرس تعال وشوف بنفسك ايش المشاكل اللي معاهم واغلبهم صار يخرج فيه اخر الاسبوع فقط وكلهم يقولو القطع اسعارها نار وكم واحد بيشتكي من القير والحرارة واخر وواحد من اصحابي معاه كابرسss عليه تزويد خفيف وسيارته في غاية النظافة واخر مرة شفتها معاه يطلع دخان ابيض والسيارة لسه وردة بالنظافة وواحد من اصحابي اشترا كمان شفر اس اس والله ماكمل معاه شهر والا باعه ضرب عليه الدفرنس واقسم بالله اني كنت ابي اشتري لومينا واشهد الله اني سالت ناس معاهم لومينا اس اس والله نصحوني راح يتعبك من اسعار القطع ومو حق كرف اما الكابرس اللي عندك ماشاءالله عليه ممتاز معاك لان يمكن انت واحد فاهم السيارت هذي صح وتعرفلها من الالف للياء ومن واقع خبرتك واهتمامك بالسيارة السيارة ماشية معاك تمام لكن انا اسالك هل لو واحد امكانيته المادية على قد حاله وراتبه  مايسوى شي يادوب ممكن3او4 الاف ريال وسالك انا ابي اشتري سيارة حقت كرف وقطعها رخيصة وما تتعبني بعدين لان ضروفي ماتسمح اني اشتري او اصلح وسالك انه محتار بين كابرس او كراون فيكتوريا واي سيارة تتحمل الكرف اكثر وماتطلب كثير بالله ايش راح تجاوبه؟؟؟
 وشي اخير انا تعجبني سيارة اللومينا ال تي زد والكابرسss2006 ولو اني اتحسنت الضروف عندي ممكن اشتري واحد واخليه استخدام خفيف وانزل الخط فيه واكسر الخشوم والله الكابرس بس لو يخفضون قيمة القطع تلاقي الكل معه كابرس ومشكلة الحرارة انا لوعندي كابرسssعلى طول اركب رديتر اللمنيوم ومراوح رياضية بكتاوة خاصة مع حساس من دون برمجة افضلي بكثير كذا الحرارة اذا وصلت الربع تشتغل المراوح لوحدها وتفضل زي كذا على طول
 وانا ياجنرال والله لو خيروني اني اختار بين سيارتين كابرسss او فيكتوريا والله اني راح اختار الكابرس بدون تفكير
لكن المسالة هنا ان الوضع مختلف تماما هنا منتدى والناس تطلب النصائح ولازم الواحد يتكلم بالواقع لان نصيحتك للرجل اذا مشي عليها وبعدين واجه مشاكل يمكن يدعي عليك ويقول فلان هو اللي نصحني
 وترا اكيد مشاكل الكابرس انحلت بالموديل الجديد وانت بنفسك قولتها ان مشاكل الحرارة انحلت مع 2007 انتهت يعني في مشاكل حرارة اكيد لكن المشكله بالشكل الجديد للكابرس صراحة ماعجبني مرة والله ان 2006 احسن واجمل بالشكل بكثير وترا ياشباب في سيارات كثير تواجه مشاكل الحرارة ومنهم البي ام زي ماقال اخونا الجنرال ولو شيكت على اعلانات الكوابرس ماراح تلاقي لي اي رد سلي عن الشفر ممكن تلاقي لي ردود عن استفسار عن السعر لاني كنت ادور لومينا ال تي زد وما قيد رديت رد سلبي ابدا لكن هنا الموضوع متعلق بالمعرفة والنصائح وبعدين اخوي الجنرال ايش نوع الكابرس اللي معاك؟؟ لوكان مثلا ltzاوlsاوroyal ترا افضل بكثير من ss من ناحية الكرف والاستخدام وعالعموم انا قلت وجهة نظري من باب اني ابديت راي بمنتدى للسيارات فقط مو بيع وشرا وتخريب للناس بسياراتهم ابدا واسف على اطالة الموضوع وطوال الله عمرك يالجنرال وشرفني الحوار معك وتحياتي لجميع المشتركين 

^^
وعليكم السلام ياهلا وغلا ومرحبا اخوي عبداللطيف ياهلابك منور

اولا انا انسان متخرج من ثلاث سنوات وربك ماكتب الرزق 

ثانيا : هي حسب الاستخدام مثل ماتفظلت ياغالي

ثالثا : الكاببريس بس حافظ عليه من رجلك فقط واضمنه لك يعزك والله ياغالي مثل ماذكرتلك بس الشتحيط ترا يهلك 
الموتر...


بالنسبة للشكل مثل ماتفضلت يعتبر راي شخصيا ولكن لو جربت 2007+ وبالاخص 2009 راح تشوف كلامي

شوف انا جربت الشكل القديم والجديد الشكل القديم ملموم على بعض تحسه انيق

والشكل الجديد رفاهيه وفارهه يعني تحس معك شي فخم بالذات الاربع شكامين

والله يااخوي العبالطيف ماحلفتني من 2009 بالذات مافيه مشاكل القير وحلوه بمبرد 

والحرارة برمجته زادت يعني البرمجة للمراوح تزيد كل مارتفعت يعني شي ممتاز وربك كريم

بالنسبة للكرف يكرف بس اكرفه على سنع لان فيه ناس تكرف وتبي تكرف وهي تدمر ياغالي في فرق بين

الكرف وبين الدمار للموتر
انا معي الان ال تي زد 2007 8 سلندر 

حبيت اقول شهادة حق اخوي عبداللطيف

اشكرك اخوي على ردك والله يزيدك من عنده وانت اكبر مثال للتعامل بالحوار وصدقني شي خيالي حوارك وانسان تجبر 
غيرك على الاحترام وهذا مانبحث عنه والاخوان الاعضاء ايضا الحوار معهم يجلب الفائدة ..

بارك الله فيك اخوي ...

ابشركم تم الشراء كاااااااااااااااابرس والله يجزاكم خير على المعلومات المفيده.

الف ميروك انشاءالله تشوفون خيرها ويكفيكم شرها يارب

اهلين اخوي الجنرال بارك الله فيك على كلامك اللي كله ذوق وهذل يدل على انك انسان مثقف وفاهم وللتوضيح انا بكل ردودي في المواضيع اللي فيها مقارنة بين الكابرس والفورد انا كنت اقصد الكابرسss فقط الباقي اكيد حق خدمة والدليل روحو وشوفو الشباب اللي يوصلو من مدينة لمدينة تلاقي اغلبهم معاه كابرس وفي اللي يوصل من جدة للرياض شوف كم المسافة  فعلا الltzسيارة ممتازة وتر ياشباب مثل ما اتفضل الجنرال اي سيارة لو شديت عليها واهملتها راح تطلب  منك كثير واكيد اي سيارة بتحافظ عليها وتشيك عليها باستمرار راح تخدمك بس ياريت اي واحد يحط موضوع هنا للاستفسار او المقارنة او النصيحة انه يوضح نوعية السيارة بالتحديد يعني مثلا لو قلت ايش الافضل الكابرس او الفورد كذا انت ماوضحت الكابرس انواع والفورد انواع عشان لا احد يحكم على السيارات كلها على انها سلبية وهي اصلا سيارة وحدة سلبية والباقي كله ممتاز

انشهد ان الكابرس عز كان معي 2005 والحين طلعت 2010LTZ

شوقتوني اخذ كابرس بس هل ي ترى يصلح لمثلي طالب جامعي وفي دعم من الوالد الله يحفظه