أضف سؤال أو موضوع جديد          

هل أبدل تاهو 2008 مع باجيرو 2010

up 1 down 1
abunwash 757
قبل 7 سنه و 11 شهر



السلام عليكم و رحمة الله و بركاته,

إخواني أبي مشورتكم لو تكرمتوا.

زميلي في العمل عنده ميتسوبيشي باجيرو فل كامل (العلامة الذهبية) موديل 2010 ماشي 97 ألف كيلو و عليها,

مواصفات السيارة روعة من مراتب جلد, مثبت سرعة, دبل, دفلك , ثلاجة .....
السيارة مطلعها من الوكالة على إسمه و ما شاء الله نظيفه.

إقترح علي أبدل سيارتي معاه بدون فلوس يعني ما حد يدفع للثاني شي علماً ان سيارتي تاهو موديل 2008 LS ماشي 170ألف كيلو و بدون دبل.

هو يبي يبدل لأنه يدورله سيارة أكبر للعائلة و أنا بالنسبة لي عندي طفلين و ما أحتاج سيارة كبيرة مرة.

السؤال يا إخوان هل تنصحوني بالبدل أم لا علماً بأنني ما عمري اشتريت ياباني لكن شفت السيارة حلوة.

على كلامه إن أسعار القطع اغلى من الامريكي لكنها معقولة و ما تطلب صيانة مرة.

ثم هل ان سعره عند البيع يطيح ولا يمسك سعر.

يا ريت اللي عنده خبرة يفيدنا

و الله يجزاكم كل خير.

                                     







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لو مكانك ما أبدل

التاهو شيك بجيبك تبيعه وقت ما تبغى

والوكيل جيد والقطع رخيصة ومتوفرة

الباجيرو وكيله سيء وقطعه غالية وثقيل في البيع


up 1 down 1
أبو عبادة 4852
قبل 7 سنه و 11 شهر



أنت ورغبتك ، هل أنت تميل للجيوب أم للجموس ، لأن الجمس أريح ، والجيب أحسن في البر والمناطق الجبيلة ،
أما لو مكانك على طوووول أوافق ، رغم إن الكثير راح يرفض ،

استخر ، والله يوفقك


up 1 down 0
أبو أحـــمد 2434
قبل 7 سنه و 11 شهر



كل واحد واستخدامه اخوي

من ناحيتي اشوف تبقى على التاهو

من جهة قطع الغيار وتوفرها واسعارها والوكيل طبعا

انصحك بالاستخارة

والله ييسرلك


up 1 down 1
mustanggt 211
قبل 7 سنه و 11 شهر



اولا المستوبيشي سيارات قويه وجباره ...
الباجيرو اسعارها مثل ماقلت فل كامل بحدود 75000 ريال
التاهو بدون دبل نفس السعر او زياده من 3000 الي 5000
بعطيك نقاط ممكن تفيدك 
1 - من حيث الشعبيه التاهو 
2 - القوه التاهو 
3 - الوسع التاهو 
4 - توفر قطع الغيار التاهو 
5 - سعر قطع الغيار التاهو  اقل من الباجير
6 - 8 سلندر
.
الباجير
1- دبل وهذا ميزه اذا انت صاحب بر
2- قليل الخراب ياباني ياباني
4 - قليل شعبيتها
5 - 6 سلندر
6 - قطع الغيار نار غالي
7 - ممشاه قليل علي موديله
.
انا افضل الباجيرو اذا انت انسان تحافظ علي السياره من زيوت والقطع الاستهلاكيه 
اختياري للباجيرو سبابين 
1 سياره تعتمد عليها وقليله الخراب
2 قوه تحمل بطن الموتر مثل الاذرعه والمقصات والديكورات الداخليه ...
.
عموما انت فكر ولا تستعجل واستخير



up 7 down 0
ماجد mot 10850
قبل 7 سنه و 11 شهر



نفس الكلام اللي بغيت اقوله قاله اخوي ابو مطلق 

انا مع ابو مطلق في كل حرف


up 2 down 0
عابر سبيل 2002 257
قبل 7 سنه و 11 شهر



خليك على التاهو
سيارتك وعارفها ومتعودين على بعض

قيمته فيه زي ما اتفضلو الحبايب

ممكن ان شاء الله ربي يكرمك باطفال زيادة ترجع تشتري جمس

استخير الله قبل كل شي
وشاور
وارجع لشور عقلك


up 1 down 0
العمدة 1434 1189
قبل 7 سنه و 11 شهر



خلك على التاهو




up 1 down 0
ibrahime 1196
قبل 7 سنه و 11 شهر



الباجيرو زبالة وانت بكرامة وكل سيارات 3 جواهر  سوقه تعبان قطع غالية وغير متوفرة وقاسي جدا وغير مريح في الخط وصوت المكينة علي بعد ال120وضيق 


up 0 down 1
sabal 581
قبل 7 سنه و 11 شهر



في البيع التاهو احسن بكثر اما الباجيرو صعب بيعه وقليل تشوفه في الشوراع


up 0 down 0
محمد ال سلمان 820
قبل 7 سنه و 11 شهر



أشكركم جميعاً على النصائح الطيبة ..
إن شاء الله رح ابقى على التاهو و ماني بغيره..

أعذروني حاولت احط لايك للجميع لكن تطلع رسالة تقول لا يمكن التقييم بشكل إيجابي أكثر من 7 مرات متتالية.


up 0 down 0
abunwash 757
قبل 7 سنه و 11 شهر




خد الباجيرو وخلي يزيدك 10 


up 0 down 0
mez140024
قبل 7 سنه و 9 شهر