أضف سؤال أو موضوع جديد          

الطائره الجديده هايلوكس f18

up 26 down 9
lolo-ss 4527
قبل 5 سنه و 5 شهر



السلام عليكم 

بداية 
احب اعاتب ادارة المنتدى على حسم 1000 نقطه من حسابي بسبب اني وضعت موضوع مخالف وهو يتكلم بالاساس 
عن الحوادث والسيارات والتصرف الفردي وحق المقتول واكثر من موضوع نزل بهالخصوص ولاصار شي 
مانقول الا حسبي الله ونعم الوكيل 

ملاحظه/
عتبي مو لسبب النقاط الي يعرفني هنا يدري اني مافكر بها 
عتبي ان المراقب الجبان يحاسب الي يبي ويترك الي يبي 


نرجع لموضوعنا /
الهايلوكسات وما ادراك ما الهايلوكسات ؟
ياجماعه والله ان اصحابها ماخذين مقلب كبييييير بها واغلب الي يسوقنها مريضين نفسيا او فيهم ضعف شخصيه 
وهياااط بشكل مفرط ماقول هالكلام من راسي انا دوامي من المزاحمية للخرج 200 كيلو رايح ومثلها جاي والله 
ان الكتف اغلبه هايلوكسات وطايحين بحركة ترجيم الحجاره وتشوفه يمشي 200 و220 والسيارة تناطل من الهواء
وتلقاه يكبس لك من بعييييد ويلحم بصدامك ويسحب بوجهك فرامل ومعروفه هالحركه عندهم لان صدامها ب 200 ريال 
وانت وجيهتك كلها بتنعدم هذا الكلام على الطريق السريع 

نجي لداخل المدينة هنا عاد كلام ثاااني طبعا نصهم متخلفين عقلين (حقين النصب ) الي يشيلون المرايات الجانبيه 
ويجي يتمشى ويدخل عليك متى مايبي ويوخر لك متى مايبي على حسب مزاجه ولا هو اصلن مايشووفك غير التكبيس بالدوائر والبواري 
والتلحيم بالصدام والله ما اكذب اذا بقول اغلب اصحاب الهايلوكسات طبعا استثني كبار السن والناس المحترمه 
واعمم على المراهقين وصغار العقول واغلب هالحركات ان لم تكن كل هالحركات من موديلات 2009 وما فوق ايش السبب ؟؟؟


اكرر ما اعمم على الجميع ياليت محد يفسر كلامي غلط او بمزاجة الاحترام للكل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ياخي من طلعنا عالدنيا ماعرفنا الا الهايلكس وتعلمنا عليها ماتعلمنا على فيراري

وانت اطلقت الحكم على اصحاب الهايلكسات 

الله يهديك انت زعلان من الهايلكس بس تبي مدخل 


up 10 down 31
علينا يامناحي -17
قبل 5 سنه و 5 شهر



هلاا والله حبيبنا برهوم تو مانور الموضوع 

صادق والله طريق القصيم معاااااناه 
سالفة الزنون ابو 150 هذا موووضووع ثااااني هههههههههههههه والي تكبس له ولايوخر مو اطيب منه 
ههههههههه 
شرفني مرورك


up 3 down 3
lolo-ss 4527
قبل 5 سنه و 5 شهر



شوف حبيبي علينا مناحي ياليت تقرا هالموضوع زززين اووك 


up 3 down 4
lolo-ss 4527
قبل 5 سنه و 5 شهر



الله يصلح شباب المسلمين.........
هذا والله من الجهل وقلة الذوق .....
عمرك شفت أحد مشخص وموتره ذوق وتحس انه متعلم يسقط ويطامر ويناظر يمين ويسار ويشغل نفسه بخلق الله ولا يدور مشاكل....

اكيد لا.........ماراح فيها من حركات الشباب ذولا الا والديه
يايحصل له دعوه ويموت..........ويحرق قلب أمه
يايتسبب في أحد.ويبتلي له مسلم...........ويحرق ويهين ويذل أبوه بالطلب والواسطات....
وأنا أجزم وأتحدى حد منهم قد المسؤليه ويقدر يخارج نفسه اذا تورط بشي عقولهم مغلقه.....


up 9 down 0
وقف لحظه 148
قبل 5 سنه و 5 شهر



هههههههههههه 

سواها فيني واحد صاحب كابريس وانا ماشي على خط الساحل وامشي وراه الين نسي مني 

واتجاوزة وانا ماشي 180 واشد الطاره واطلع على التراب بكفرتين ... كسرت سيارته تكسير من الحصا  والرملة 

وبعدها تجاوزني وحال يسويها فيني اكثر من ثلات مرات وانا ابعد عنه وهدي ااين توصل سرعتي 40 الى 60 

اخر شيء قطع الامل ودز 

ملاحظة لااخد يسوي هالحركة لان السيارات بعضها بتحذف عليك والله ان تروح سلطة 


up 3 down 18
راااضي 2529
قبل 5 سنه و 5 شهر



الحين مشكلتك بطريق القصيم او المزاحميه


up 0 down 7
علينا يامناحي -17
قبل 5 سنه و 5 شهر



وقف لحظة / اللهم امين يارب ويهدي جميع المسلمين 
رااضي /الله يهديك بس تتحمل ذنب برقبتك لصاره شي ولا جتك دعوه 
علينا يامناحي /مشكلتي مو مع الطريق وياليت تتطلع من موضوعي لان واضح انك من اصحاب الي كاتب

شرفتوني كلكم


up 2 down 2
lolo-ss 4527
قبل 5 سنه و 5 شهر



الهايلوكس مره علي طريق القصيم طاير من فوق الارض ويبي يطوف من الكتف ولا امداه
وينزل الردميه ويدم العالم غبار وحصي
اقسم بالله لو وقف لي كان دقيت حنوكه دق
شماغ احمر تقل غاسله بفانتا فراوله والشكله تسد النفس وهياط علي الفاضي
الناس معها عيالها ويبون السلامه وبس 
وهم فاهمين انهم قويين والكل معجب بحركاتهم وخايفين منهم
بلاهم مايدرون ان الكل يقول خلني اهدي لين يطس هالسفيه


up 9 down 2
االخاالدي 3894
قبل 5 سنه و 5 شهر



الهايلكس  سياره عمليه لاكن مشكلتها سعرها غالي جداً 
والي يهايطون عليها الله يهديهم 
قبل امس بغى يتضارب معي راعي هايلكس ٢٠١١ غماره تعرفون وش السبب ؟
لاني طرحته الى ١٦٠ بعدين هديت 
تقاومت معه قومه من السفر من عند اشاره انا ماكنت ناوي اطارحه بس شفته شد للموتر واجيك انا احد القير في ال D1 واطيرررر عليه لين ١٦٠ وبيني وبينه ممكن اربع عواميد 
والسياره الي معي كابرس ٨٧ !! بس مكينه ماشيه ١٠ الاف وكاله 
المهم يجي الرجال يوقفني واش عندك تحفر علي واش عندك تهايط ماتشوفني رجال قدامك وقام راح وفحط في وجهيي اقسم بالله عينات يبي لها ازاله من المجتمع 


up 8 down 3
احشاش هادئ 52
قبل 5 سنه و 5 شهر



أخوي أنتم عندكم الهايلكس تقدر تدعس وتجيبه لكن نحنا عندنا جنسس سبورت GTI عندك سيارات لو تدعس من اليوم الين بكرة ماتجيبه ويجي ماشي 200 في طريق سرعته 90 ويشطفك 


up 0 down 1
moody-ezzi 515
قبل 5 سنه و 5 شهر



احترم وجهت نظرك يا صاحب الموضوع بس لازم تعرف في ناس على قد حالها .وتهايط على قد الموجود .


up 2 down 1
بدر ال زيدان 123
قبل 5 سنه و 5 شهر



مع اني من اصحاب الهايلكس الااني ماعاتب على السياره ......السياره مالها شغل البلاء من سواقها 

وتبقى الهايلكس سياره عمليه جيده عيوبها وخرابتها بسيطه على مراى من الجميع 


up 7 down 2
سعد خليل 6147
قبل 5 سنه و 5 شهر



الهايلكس سيارة ممتازة ولا نحط اللوم عليها العيب في البشر وطريقة استخدامها 


up 3 down 2
آبووليد 215
قبل 5 سنه و 5 شهر



القيادة فن وذوق


up 1 down 0
ابو جرحين 127
قبل 5 سنه و 5 شهر



والله   اصحاب الهايلوكس اغلبهم ما هم صاحين وماادري وين المرور عنهم 


up 2 down 1
نظرة وترحال 84
قبل 5 سنه و 5 شهر