بخصوص نقل الملكية السيارة من الشركه للمالك

افحص وجدد استمارتك وسوي التامين وبعد كدة تسوي مكاتبة في معرض معتمد
وفي الاخير تراجع المرور معاك ورقة الفحص ووالتامين وعقد المبايعة وهويتك
وان كان على السيارة غرامات لازم تسددها

طيب الوكاله ترسل مندوب يكاتبني والا يعطوني تنازل اوكالة

اكيد في شخص مفوض من الشركة يوقع بالنيابة عنهم

الا ازا كان راعي المعرض معرفة يدبر لك الامور بالغيب

لكن نظاميا لابد من تواجد البايع والمشتري في مجلس العقد وبحضرة شهود

الي عليك الفحص وقيمة التامين فقط ،، والتجديد اذا منتهيه الاستمارة ،،

والباقي هم يسوه عنك وتستلم استمارة جاهزة بأسمك منهم >> رسوم النقل عليهم أجباري

الاستمارة اذا منتهيه لازمها تأمين وقت التجديد > وهنا ممكن يدفعوك مرتين
مرة للتجديد ،،، ومرة للنقل
حتى لو قالوا لك بعد التجديد تدفع 100 ونحوله لك ،
قلهم تخسوا خخخ

اذا السيارة ايجار منتهي بالتمليك مايحتاج معارض ومكاتبه
مخلص سيارة اخوي انا مع اني مفوض ولست راعيها

عن طريق الوكاله تسوي فحص دوري + تامين موجود برضو عندهم وتدفع رسوم النقل عن طريقهم
ويقولك بعد يوم يومين تعال استلم الاستمارة ويختم لك ورقه التفويض لين تخلص الاستمارة
واستلم والوجه من الوجه ابيض

يعطيكم العافية وماقصرتم