كابرس 90 او 89 نظيف......

انا عندي لك كابريس 1996 ltz آخر دفعه
اللون عنابي غامق داخليه رصاصي 
كراسي الأمام متحركه مكيف بارد ماشاء الله 
البدي والمحركات تمام التمام فقط عندي الصدام اللي قدام غيرته و كلتشات القير يبي لها تغيير وجلد بلوف السيارة المكينة ما فيها شيء وغيرها السيارة دق سلف وروح 
طبعا السيارة كويتيه

والله طلبك صعب شوي وخاصه ان الموديل قديم ولازم تحصله مرشوش او فيه دقات او سمكره ,, الاحساء فيه كثير وممكن تحصل طلبك 

لكن حتى لو لقيت طلبك راح يضربك بالسعر ,, انا ابشوف اذا فيه حد اعرفه معه كابرس بيبيعه ابشر اكلمه لك .. 

لو بغيت في الحسا ممكن اشوف لك !

وقفوا الاستيراد عشان الناس تشتري من بابا جميل
قال ايش قال تلوث البيئه (الله لايوفقهم)

فيه واحد معه 85 ما قد شفت انظف منه في حياتي لونه اسود قريب للمحمر وداخليته احمر ونظيفه جدا لكن يبغا فيه اكثر من25

ماعندي مشكله يكون مرشوش مجدده بويته عادي.....

بس محركات طيبيه وداخليه طيبه وبطن مشدود...."

اذا فيه بالاحساء يمكن بنزل الاسبوع الجاي للشرقية يمكن..."

والله شبه مستحيل تحصله ... واذا حصلت واحد نظيف بتحصل سعره خرافي ... بس خذ لك واحد نظافاته متوسطه وبسعر معقول وأنت جدده

ال 85 كربريتر صح؟؟

الشعب خوفوني منه"

تعال الطائف تنطرب اختصاص تسعين

يلغالي اخسر قرار اتخذ هو توقيف الاستيراد 
لكن يلغالي علي حسب معلوماتي روح الطائف وتشوف العجب 

بكل مكان النظيف موجود لكن بعطيك نبذه اذا بتشتري سيارة

اذا مفكر تشتري سيارة ماتحط فيها ريال وهي مستعمله فانسى الشغله من راسك نهائي مستحيل تاخذ سيارة ماتحط فيها
اشياء سوا استهلاكية او ضرورية او عشان تكون نظيفة بمعنى اصح

الاشياء المهمه لكل سيارة المحركات عدم شكواها من الاعطال الجامده والمكلفه بالاضافة الى سلامه هيكلها بقدر الامكان
من الحوادث سواء قوية او تعديلات او لحام الشاص

الكوابرس ممكن تحصل واحد بنظرك قرنبع لكن في ساسه انه موتر نظيف ومستخدم استخدام فوق الممتاز لكن شكله
الخارجي مايبين انه نظيف سواء من البويه او الاهمال وبكم الف تطلعه مايباخ
لاتحط في راسك قناعة اي سيارة نظيفة بشغل وامشي واعبي بنزين فقط
وبتحصل موتر يستاهل للمعلومية قبلك ركبت موديلات قديمه 88 وتحت وكان طموحي بالتسعين
لدرجه اني من يطرالي كابرس باي منطقة اروح له اما اشتريه او ارجع او ياخذه احد ثاني من نصيبه وكان باسامي اصحابها وكاله بس تحتاج بويه وشويه شغل وهذا شي طبيعي جداً بالنسبة لي بحكم قدم الموديل ورميها بالشمس بدون
اهتمام من صاحبها

انا عندي 90 وفيه ونه خفيفه بالدفرنس ويحتاج جنوط وشوي شغلات ماتكلفه كل هذي 1500 وحاده ب18
لو يجيني شخص يقول ب 17999 مافر طارته لاني عارف اساس الموتر وش يكون سواء من المحركات او البدي
او الشاصات ومايحتاجه ولو بحصر جميع المشاكل الي فيه اعتبرها بسيطة واقدر اصلحها بظرف كم ساعه لو اشتهيت
لكن هذا مايعيب الموتر لانويت امسك خط بشغل وامشي لاني عارف انه بيتجمل معي لثقتي بمحركاته وهذا الشي المهم
فيه اما البدي والطيس ماراح توصلك للديره الي تبيها بدون مشاكل ودفدفه بالخطوط


النظيف موجود ومتوفر بكل مكان يبي لك البحث الجيد فقط
وماكل من غير له رفرف خالي من الصدوم وانرش يعتبر شد بلد وماكل ال اس فعلاً هو ال اس
حط هالسطرين الاخيره حلقه في اذنك ترن


والله يوفقك وتحصل لك مايريحك

الاحسا مليانه 
واذا لقيت نظيف بيكون غالي 

غالي يعني بحدود كم تقريبا للنظيف؟

اولا : يبغى لك مبلغ فوق ال ١٥ اذا انت تبي واحد يجمل .
ثانيا : مستحيل تلقى سياره مستعمله في مره اومرتين خصوصا الكابرس يعني يبغى لك تدور في المدن الكبيره زي الرياض والدمام.
ثالثا : اذا تبغى النظيف مابتحصله له بعد تعب وعناء طووويل ولا تاخذه الا اذا فحصته مسمسار مسمار وامشى فيه مده طويله
لان كان عندي ٨٩ ابيض ورده .. فيه مشكله اذا لفيت فيه وزادت الحراره عن الربع شي بسيط يبدا يطففى .. ماخليت من الجن والعفاريت والكهربائين احد
ما احد. عرف لمشكلته .

اذا تبغى الداخلية تكون مقبولة

دور لون رصاصي ما تتأثر بالشمس

ما عليك من المحركات اي ميكانيكي يصلحها

اهم شيء البودي و الداخلية

بعض ما خطر ببالي كنصيحة اخوية

http://haraj.com.sa/112878136/كابرس_89_للبيع/

اشتر قرمبعة وجددها اطلب قطعها من امريكا ... بيكلفك بس ... عندك كابرس زي الي فوق

فكرة التجديد حلوه بس ممكن بعض القطع صعب تلقاها وخاصة قطع الديكور الداخلي.."