أضف سؤال أو موضوع جديد          

كابرس 90 او 89 نظيف......

up 4 down 0
ولد الرياض 2010 756
قبل 8 سنه و شهر



السلام عليكم ورحمة الله وبركاته....."

يالربع انا تعبت وانا ادور كابرس 90او 89 بالرياض مالقيت شي نظيف.....!
اغلبها يعجبك شكلها من برا واذا جربتها طلعت البلاوي الزرق..."

بعض الشباب قالوا اكثر شي بتحصل في الاحساء او الطايف مرغوبه بالمناطق هذي.......

وانا اللي ابيه يكون نظيف من برا بدون دقشات ووقفة وكاله مافيه مشكله يكون البويه مجدده،،
والداخليه ابيها تكون وكاله بدون كسور في الديكور ويفضل احمر...."

تتوقعون بلقى اللي ابيه ولا اكنسل الفكره كلها؟ وين بلقاه؟؟


في النهايه حسبي الله على اللي وقف الاستيراد.....
الله لايوفقه لا دنيا ولا اخره انكانه حرمنا من هذي...












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا عندي لك كابريس 1996 ltz آخر دفعه
اللون عنابي غامق داخليه رصاصي 
كراسي الأمام متحركه مكيف بارد ماشاء الله 
البدي والمحركات تمام التمام فقط عندي الصدام اللي قدام غيرته و كلتشات القير يبي لها تغيير وجلد بلوف السيارة المكينة ما فيها شيء وغيرها السيارة دق سلف وروح 
طبعا السيارة كويتيه


up 0 down 3
أبو جاسم 57
قبل 8 سنه و شهر



والله طلبك صعب شوي وخاصه ان الموديل قديم ولازم تحصله مرشوش او فيه دقات او سمكره ,, الاحساء فيه كثير وممكن تحصل طلبك 

لكن حتى لو لقيت طلبك راح يضربك بالسعر ,, انا ابشوف اذا فيه حد اعرفه معه كابرس بيبيعه ابشر اكلمه لك .. 


up 3 down 0
ابو سعود629 4708
قبل 8 سنه و شهر



لو بغيت في الحسا ممكن اشوف لك !


up 2 down 0
ارحمنا برحمتك 320
قبل 8 سنه و شهر



وقفوا الاستيراد عشان الناس تشتري من بابا جميل
قال ايش قال تلوث البيئه (الله لايوفقهم)


up 4 down 0
ff-ff999 344
قبل 8 سنه و شهر



فيه واحد معه 85 ما قد شفت انظف منه في حياتي لونه اسود قريب للمحمر وداخليته احمر ونظيفه جدا لكن يبغا فيه اكثر من25


up 1 down 1
رزقي على الرزاق 32
قبل 8 سنه و شهر



ماعندي مشكله يكون مرشوش مجدده بويته عادي.....

بس محركات طيبيه وداخليه طيبه وبطن مشدود...."

اذا فيه بالاحساء يمكن بنزل الاسبوع الجاي للشرقية يمكن..."


up 0 down 0
ولد الرياض 2010 756
قبل 8 سنه و شهر



والله شبه مستحيل تحصله ... واذا حصلت واحد نظيف بتحصل سعره خرافي ... بس خذ لك واحد نظافاته متوسطه وبسعر معقول وأنت جدده


up 1 down 0
أبو نايف k 18
قبل 8 سنه و شهر



ال 85 كربريتر صح؟؟

الشعب خوفوني منه"


up 0 down 0
ولد الرياض 2010 756
قبل 8 سنه و شهر



تعال الطائف تنطرب اختصاص تسعين


up 2 down 0
ahmad alhodali 400
قبل 8 سنه و شهر



يلغالي اخسر قرار اتخذ هو توقيف الاستيراد 
لكن يلغالي علي حسب معلوماتي روح الطائف وتشوف العجب 


up 2 down 0
سامي 2014 -31
قبل 8 سنه و شهر



بكل مكان النظيف موجود لكن بعطيك نبذه اذا بتشتري سيارة

اذا مفكر تشتري سيارة ماتحط فيها ريال وهي مستعمله فانسى الشغله من راسك نهائي مستحيل تاخذ سيارة ماتحط فيها
اشياء سوا استهلاكية او ضرورية او عشان تكون نظيفة بمعنى اصح

الاشياء المهمه لكل سيارة المحركات عدم شكواها من الاعطال الجامده والمكلفه بالاضافة الى سلامه هيكلها بقدر الامكان
من الحوادث سواء قوية او تعديلات او لحام الشاص

الكوابرس ممكن تحصل واحد بنظرك قرنبع لكن في ساسه انه موتر نظيف ومستخدم استخدام فوق الممتاز لكن شكله
الخارجي مايبين انه نظيف سواء من البويه او الاهمال وبكم الف تطلعه مايباخ
لاتحط في راسك قناعة اي سيارة نظيفة بشغل وامشي واعبي بنزين فقط
وبتحصل موتر يستاهل للمعلومية قبلك ركبت موديلات قديمه 88 وتحت وكان طموحي بالتسعين
لدرجه اني من يطرالي كابرس باي منطقة اروح له اما اشتريه او ارجع او ياخذه احد ثاني من نصيبه وكان باسامي اصحابها وكاله بس تحتاج بويه وشويه شغل وهذا شي طبيعي جداً بالنسبة لي بحكم قدم الموديل ورميها بالشمس بدون
اهتمام من صاحبها

انا عندي 90 وفيه ونه خفيفه بالدفرنس ويحتاج جنوط وشوي شغلات ماتكلفه كل هذي 1500 وحاده ب18
لو يجيني شخص يقول ب 17999 مافر طارته لاني عارف اساس الموتر وش يكون سواء من المحركات او البدي
او الشاصات ومايحتاجه ولو بحصر جميع المشاكل الي فيه اعتبرها بسيطة واقدر اصلحها بظرف كم ساعه لو اشتهيت
لكن هذا مايعيب الموتر لانويت امسك خط بشغل وامشي لاني عارف انه بيتجمل معي لثقتي بمحركاته وهذا الشي المهم
فيه اما البدي والطيس ماراح توصلك للديره الي تبيها بدون مشاكل ودفدفه بالخطوط


النظيف موجود ومتوفر بكل مكان يبي لك البحث الجيد فقط
وماكل من غير له رفرف خالي من الصدوم وانرش يعتبر شد بلد وماكل ال اس فعلاً هو ال اس
حط هالسطرين الاخيره حلقه في اذنك ترن


والله يوفقك وتحصل لك مايريحك


up 1 down 1
sayg90 53
قبل 8 سنه و شهر



الاحسا مليانه 
واذا لقيت نظيف بيكون غالي 


up 0 down 0
fulloption 196
قبل 8 سنه و شهر



غالي يعني بحدود كم تقريبا للنظيف؟


up 0 down 0
ولد الرياض 2010 756
قبل 8 سنه و شهر



اولا : يبغى لك مبلغ فوق ال ١٥ اذا انت تبي واحد يجمل .
ثانيا : مستحيل تلقى سياره مستعمله في مره اومرتين خصوصا الكابرس يعني يبغى لك تدور في المدن الكبيره زي الرياض والدمام.
ثالثا : اذا تبغى النظيف مابتحصله له بعد تعب وعناء طووويل ولا تاخذه الا اذا فحصته مسمسار مسمار وامشى فيه مده طويله
لان كان عندي ٨٩ ابيض ورده .. فيه مشكله اذا لفيت فيه وزادت الحراره عن الربع شي بسيط يبدا يطففى .. ماخليت من الجن والعفاريت والكهربائين احد
ما احد. عرف لمشكلته .


up 0 down 0
ابو - سالم 96
قبل 8 سنه و شهر



اذا تبغى الداخلية تكون مقبولة

دور لون رصاصي ما تتأثر بالشمس

ما عليك من المحركات اي ميكانيكي يصلحها

اهم شيء البودي و الداخلية

بعض ما خطر ببالي كنصيحة اخوية


up 0 down 0
مخاوي القايلة 258
قبل 8 سنه و شهر



http://haraj.com.sa/112878136/كابرس_89_للبيع/


up 0 down 0
ahmad alhodali 400
قبل 8 سنه و شهر



اشتر قرمبعة وجددها اطلب قطعها من امريكا ... بيكلفك بس ... عندك كابرس زي الي فوق


up 0 down 0
aliodmak -3
قبل 8 سنه و شهر



فكرة التجديد حلوه بس ممكن بعض القطع صعب تلقاها وخاصة قطع الديكور الداخلي.."


up 0 down 0
ولد الرياض 2010 756
قبل 8 سنه و شهر