لا سمح الله -وأتفائل خير -هل يخبط الجربوكس إذا تغير زيت

ان شاء الله  ما تخبط
انا غيرت زيت قير الالتيما على 150 الف
مثل ما قالوا الوكاله
و الحمدلله ماشيه تقرييا 8 الاف بعد التغيير و انا امسك خط يوم ورا يوم
و الزيت لازم يصير اسود مهو دليل حرق
غيره كل 50 الف مع الوكاله قالوا لا تجي الا على 300 الف
لكن الحرص واجب

وعليكم السلام ورحمة الله
و انت بالف صحه و سلامه

اعوذ بالله من شره وش هالكلام السقيم اللي قاعد يقوله
لا لا ي الغالي فال الله ولا فاله
تغيرك لزيت القير ك التالي
1/زيت وكاله
2/فلتر زيت قير 
3/مكان شغله محترم
هذي الثلاث اشياء لابد تتقيد فيها
اذا بتغير زيت قير لازم فلتر زيت قير معه 
و اذا بتروح لناس يصلحوه روح للي شغله محترم و خلك من هالشؤك فال الله ولا فاله

الحمد لله سيارتي كامري 2008 غيرت زيت القير بعد ما مشيت عليه
حدود ال 90الف و مطلع الكامري وكاله
والله و لله الحمد و المنه ماعمر.القير شكى مع اني اغيره ببنشر
واحد اعرفه ثقه بالشغل هذا
اللهم انه بغى يحذفني بالمفك يوم شاف الزيت متفحم
قال اكثر شيين تهتم فيهم بالسياره زيت المكينه
و زيت القير اذا سيارتك اتوماتيك
زيت القير لا تشتري زيت و تعبيه
اشتر فلتر و وجه و غرا نسيت اسمه و كل تغييره سو كذا
اهم شي لا تشتري الزيوت من اي مكان
روح الوكاله لو يكلفك 1000ريال الزيت اشتريه اضمن لك و اامن بعد الله

صح اني انسان مهمل بالسياره
لكني مستحيل اهمل زيت المكينه و زيت القير
لذلك روح لمكان جدير بالثقه احسن لك من الشؤم
...........
سبب سواد الزيت القير هو نفس سبب سواد زيت المكينه
مع الاحتراق يسود معاك
لكن ماعليك اذا سود الزيت اعرف انه ممتاز و شغال الزيت و يتجاوب القير
من من احسن ما يكون
وماعليك الزيت كذا لازم يسود

..........
نصيحتي لك
1/اجعل اهتمامك بزيت القير مثل اهتمامك بزيت المكينه
2/تجنب الحكم الاول لدى الورش روح اكثر من ورشه يفتونك اكثر
3/استعين بقطع الوكاله مهما كلفتك
4/استعمل قدراتك بفحص رائحه الزيت
ك الشم و النضر لدرجة الون 

اخيرا
5/ بتغير الزيت تجنب زيوت اي سي ديلكو
و غيرها لان غالبيتها زيوت سعوديه
و ما شاء الله المويه لزوجتها افضل من لزوجة
الزيوت هذي
لذلك اكرر عليك لابد تستعمل زيوت وكاله
ولابد من عمل تصفيه كامله لزيت القير 
خروج الزيت القديم كله و تعبية زيت جديد
...........

دمت بود و ربي ييسر امرك

ماليبو 2010 ممشاها 140 الحين 4 سلندر مع نسيبي وقياده شاقه جداًجداً ماشالله تبارك الرحمن تناقشنا سابقاً عن موضوع تغيير زيت القيير ورحنا للوكاله وقال تقريباً ب 1400 وتوقع على انه مالهم دخل اذا صار شي بالقيير ومع الكلام ومنا ومنا وبحكم معرفتنا بموظف الصيانه قال لا تغييييير وبس بتبلش نفس وهذي هي على وضعها ماغيرنا زيت ولا جيناه انواع الزيوت تختلف كثييير وماتدري وش نوع الزيت المخصص 2 الزيت اللي بتحطه فيه زيت جديد بيلعب بالقييير على طول الا اذا طبقت نظرية سحب علبه وترجيع علبه بدالها

تغير زيت القير على ممشى بين 60-80 الف لاول مرة ان شاء الله عادي

لكن بعد الناس يجي ماشي باسيارة 250 الف كم واذا غير الزيت وقتها فيه احتمالية يصرب القير لان خواص الزيت اختلفت كثير

غير وماعليك من كلام الناس....انا شريت كامري ماشيه قريب ال300 الف وقالي راعي الورشه غير وماعليك والناس تقول يهبط ومدري ايش...والي يقول خذ شوي وزيد مثل خذ شوي...وشغله...المهم غيرته بس اهم شي فلتر اصلي وزيت اصلي وسيلكون اصلي......ومورك تمام

ممكن تشفط كمية لتر من زيت الجربوكس وتعبي مكانه لتر زيت جديد وتمشي عليه لمدة يومين او ثلاثه
وتكرر هذه العمليه 4 مرات بنفس الطريقه وبهذا الشكل يكون الزيت القديم اختلط بالجديد 
وبعدها إسحب الزيت كامل وتغير الفلتر حق الجربوكس مع زيت جديد وان شاء الله امور تمام

عادي ياخوي غيره وان شاء الله مافيها الا العافية .. اذكر قبل فترة غيرت زيت القير حق سيارة الوالد دودج دورانجو 

وكان ماشي 230000 وكان ماشي على الزيت 90000 تقريبا .. طبعا نفس الكلام مدير الورشة ( الوعلان ) خلاني اوقع على ورقة 

اخلاء مسؤولية في حال صار مشكلة في القير وطبعا شريت فلتر من الوكالة وزيت موتر كرافت من محلات قطع الغيار 

وتوكلت على الله .. والحمد لله ماصار شيء بالعكس صار افضل من اول من ناحية سلاسة التغير ..

غير بالوكاله او اوتو ستار او مركز صيانه معروف
و الزيت و ملحقاته من الوكاله و احتفظ بالفواتير
الله يسهل امرك

انا معي كامري شريتها ماشيه 270 الف وراعيها يقول ترى زيت القير تجاري لاتغيره لان القير بيخبط 

المهم اني رحت لورشه وقلت له قال ع مسؤليتي اذا جاه شيء وغيرت الزيت اصلي مع فلتر مع وجه كرتير 

والحين ممكن مشيت عليه فوق 18 الف ولا فيه الا العافيه 

باختصار اهم شي زيت وفلتر القير اصلي تغييره في محلات والمراكز المعروفه مثل اوتو ستار, اي سدلكوو ...الخ 

 الي بالمحطات والبناشر كله تجاري وابو كلب 

فيه طريقه مضمونه عن تجربه اذا انت مطول ما غيرته بعض البناشر فيها جهاز سحب الزيت

خله يسحب مقدار علبه واحده اعتقد لتر و خله يضيف لك علبه لتر وامش عليه لفتره وارجع زين الطريقه ذي مره

ثانيه لين يكون لون الزيت احمر بعدين غيره كامل مع الفلتر

اللي يخليه يخبط انه فجاءه يجيه زيت جديد لزوجه عاليه و يخليه بنفرط اذا غيرته كامل

thank you all of you