أضف سؤال أو موضوع جديد          

قـطع غـيار سـيـارات تـركـب عـلـى سـيـارات اخـرى

up 17 down 3
t o m a h a w k 732
قبل 3 سنه و 11 شهر



السلام عليكم ورحمة الله وبركاته .. وكل عام وانتم بخير حبيت يا اخواني افيدكم ببعض المعلومات عن قطع غيار بعض السيارات تركب على سيارات غير وبذلك توفر عليك فلوووووووووووووس
وان شاء الله تجربونها وتبادل خبرات مع بعض ...

جيب دوج درانقو موديل 2003 يركب عليه دفرنس خلفي حق اي كابرس من موديل 1986 الى موديل 1990
طرمبة(فيول بمب) بنزين الفورد كراون فكتوريا موديل 2003( داخل التانكي ) تركب على المرسيدس موديل 1988 بدون ترهيم. وكذلك على الدايو موسيو موديل 2000

منظم الهواء نيسان صني + مكسيما من موديل 2001 الى 2005، الي يركب في الهوز حق البخاخ ممكن تفكه و تنفخه بـ هواء وترجعه مكانة و تنتهي مشاكلك اذا السيارة تطفي فجأة. مايحتاج استبدال ،،، بشــــــــــــــــرط انك تفك اصابع البطارية قبل بدأ الشغل ولما تخلص تشبك الاصابع ..

جنط الجمس(رنق) (شنبر) حق موديل 1980 ابو 6 مسامير يركب على البليزر موديل 2008

كمبروسر الهايلوكس 2006 يركب على الجمس 1999

طرمبة الكدلك(فيول بمب) تركب على الباترول اللي من موديل 97

بالنسبه دينمو سلف حق الجالنت والمازدا واحد موديل 90-93



لكزس400 سابقا خرب اتوماتيك المرووحه
وركبتلها اتوماتيك مروحة vxr وممتازه من دون تعديل وفوق هذا ارخص من اللكزس

(فيول بمب) طرمبة مرسيدس 500 اس موديل 90 تركب على الجمس من91 الى99



اغلب قطع غيار اللكزس gs300موديل 97_ 2003 نفس قطع غيار تويوتا كراون


كامري امريكي ركب لها قطع اي اس 300 2001 تقريباً نفس القطع



مكينة المازدا 626 موديل 96 الى 2000 تركب على كيا كلارس من نفس الموديل


لاصحاب اليوكن والتاهو 2000 و2001 و 2002 يركب عليها فيول بمب vxr




سكان الماكسيما والعمود حق السكان للماكسيما تركب على الباترول والعكس صحيح مركبها على باترول 97 حقت
ماكسيما 2000
جلدة عامود الكردان لومينا او كابريس 2000 _ 2006 تركب نفس جلدة عامود كردان bmw فئة 530 موديل 2003 واجود وارخص من جلدة اللومينا والكابريس

قطع الهايلكس(بكب) 93-96 يركب على الفورشنر ومعروف قطع الهايلكس ارخص من الفورشنر

ارجوا من الجميع التفاعل للاستفاده من خبراتكم في مثل هذي المعلومات...
ودمتم ....










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هي توماهوك وش لونك عساك طيب وييين الغيبات ان شاء الله امورك زينه .. ولك لايك عشاني من زمان ماشفت لك مواضيع .


up 1 down 1
الكاسر .. 911 . 752
قبل 3 سنه و 11 شهر



بخير يالغالي بوجود الطيبين لبى قلبكم


up 3 down 0
t o m a h a w k 732
قبل 3 سنه و 11 شهر



اهلن توماهوك  نورت  ومشكور على موضوع مميز 


up 2 down 0
سكودر 14861
قبل 3 سنه و 11 شهر



تحياتي الك والرجال شرواك .


up 2 down 1
الكاسر .. 911 . 752
قبل 3 سنه و 11 شهر



يا هلا والله المميز وجودكم الكريم لبى قلبكم


up 3 down 2
t o m a h a w k 732
قبل 3 سنه و 11 شهر



اغلب السيارات اليابانيه تركب على بعضها القطع 
مثل كامري 6 سلندر واوريون وافالون   


up 2 down 1
صوت العزاوي 519
قبل 3 سنه و 11 شهر



مشكور اخوي t o m a h a w k

ماقصرت 


up 2 down 1
شبح 600 sel 6070
قبل 3 سنه و 11 شهر



يعطيك العافية ولكم بعض المعلومات :

عندك اغلب قطع اللكزس حجم 300




يركب له قطع الكامري وبالاخص الكامري ال6 سرندل عن طريق تجربه مغير الفحمات حقت اللكزس وعلبه الدركسون
حقات كامري من موديل 2002 وتحت
ـــــــــــــــــــــــــــــــــــــــــــــــــــــــــــــ
1-جلدة المقص ورا يركب لها جلدة سست خلفية حقن هايلكس وانا مجربها بنفسي.
2-الجلدة اللي تغطي الذراع الخارجي جلدت الكرسيدا او الكامري والله اني ناسي 
3- اصلاح علبة الفرامل حق هايلكس م98
كل هالقطع مركبها انا على موتري لكزس 95 400

ـــــــــــــــــــــــــــــــــــــــــــــــــــــــــــــ
الكامري Le الأمريكية
موديل 97 .. 98 
تقدر تركب عليها هوبات كرسيدا 91 لأنه هوبات الكامري الأمريكية غير متوفرة

للخلفية طبعا
ـــــــــــــــــــــــــــــــــــــــــــــــــــــــــــــ
قير الباترول من 2002 الى 2009 تبترونيك هو نفسه قير الانفنتي 
صفايه البنزين الباترول نفس المكسيما
ـــــــــــــــــــــــــــــــــــــــــــــــــــــــــــــ
جميع قطع غيار الافالون تركب ع اللكزس es350  2007


لا يك لا هنتوا 


up 3 down 1
آبووليد 183
قبل 3 سنه و 11 شهر



أهلا بالعضو الخلوق توماهوك وعودا حميدا للمنتدى تقبل سلامي وتحياتي

وتسلم إيدك على الموضوع المفيد 


up 2 down 1
ابــو ســنــد 10622
قبل 3 سنه و 11 شهر



مشكور ماقصرت الله يجزاك خير 


up 1 down 0
abo drhem -13
قبل 3 سنه و 11 شهر



أيضاً يا اخوان أغلب قطع سيارات الديهاتسو الميكانيكية القلاب والسيارات الصغيرة هي قطع تويوتا
ملاحظة : المشكلة في الهوندا ما أدري قطعها ما تركب على أي نوع من السيارات الأخرى  


up 1 down 1
رعد 4 3015
قبل 3 سنه و 11 شهر




تسلم ع الموضوع المميز ،،

واحلا تحيه واحلا لايك...


up 1 down 1
aziz..747.. 2409
قبل 3 سنه و 11 شهر



الايسوزو الدي ماكس القديم قطعه تركب على الوانيت الصيني الجديد قريت وول !!!!!!


up 1 down 1
a_aa_ma -3
قبل 3 سنه و 11 شهر



السلام عليكم ممكن تفيدني بقطع الكورفت 


up 1 down 0
moode1001 1
قبل 3 سنه و 10 شهر



عليكم السلام بالنسبة للكورفيت c5 موديل 97 - 2004 نفس مكينة اللومينا والكابريس 8 سلندرمن 2000 - 2006


up 0 down 0
t o m a h a w k 732
قبل 3 سنه و 10 شهر