لمبه الزيت ولمبه تشتغل اذا دعست للموتر وعلى كم يفصل 6 سلندر

لا الكابرس ال ٦ معى عمي يفصل على ٢٣٠ موديل ٢٠٠٦ 

اخوي لمبة الزيت لحالة طرمبة الزيت شيك عليها

اللمبة ولعت بعد تغيير الزيت ؟
والتعتعه ع 120 لازم تفحص الكهرباء ،وغير صفاية البزين
والفصلة مدري ع كم ،،
بس طبيعي اذا كنت بنزلـــــــــــــه بأكسنت ممكن تجيب 200 الفعلية ...بس ياهو رعب واقل غلطه موووت . الله يحمينا من شر السرعة

طيب هل الطرمبه اذا خليتها كذا عادي مافيه ضرر او شي 
او وش اضرارها ؟ 
طيب الي معي يجيب 205 وبالموت يتعدى حول 207 وكذا 

اللمبه من اول ماشريتها حقت الزيت شغاله 
والموتر توي شاريه 

طيب وش دخل الزيت و4 مرات خط ،،
بما انك تو شارية مـــــــافحص،،، والا شريت من تحت مكرفون !!!!

لا شاريه بعد فحص ولا تبين لي ان فيه مشكله بطرمبه الزيت !! 
انا غيرت زيته ومسك فيه خط 4 مرات ولا نقص زيته ولا شي يعني موتر طبيعي 
بس اللمبه مخوفتني 

شوف انا مره غيرت زيت ولعت لمبه ابو كم ثانيه وطفت , لكن لو كان عندك تهريب بالصوفه بتولع لمبه . فـ انت شيك على زيت بـ أستمرار لين تتاكد .

المشكلة من طرمبة الزيت 
حاول تصلحها باسرع وقت عشان لاتضر المكينة

بالنسبه لتقطيع سته سلندر ما أعرف , لكن 8 سلندر طلع عندي سلك بواجي منقطع وموتر يقطع وثقيل .

اذا السيارة ماشية فوق 150 أعتقد تحتاج
تنظف بوابة الهواء "الثروتل > وله موضوع هنا بالمنتدى علبه بـ15 ريال
وغير الصفاية حق البنزين
وغير البواجي وأسلاكها
ونظف البخاخات
وبالاخير أفصل البطارية مدة طويله مثل 3 ساعات عشان تسوى لنفسها أعادة برمجة ووبعد التشغيــل انتظر 15 دقيقة بدون ماتشغل أي شي .. و امورك تمام ان شاء الله ، وع البــــــــــــركة
بس فكك من السرعة ترا لو خنقت ام امه كم حيوصل 6 سلندر ،، وبالنهاية خسرت مكينة سيارتك ،،
وبعدين تسألنا التوظيب والا التشليح هههههههه الله يستر عليك ويحميك

وفاااالك كابريس 2014 عليه كـــرسي ...من النهاية

وكل 20 ألف كم ، عيد الي ذكرت لك بأستمرار
ماااااعدى البواجي حسب المدة الافتراضية لها

اذا التقطيع اللي تقصده على 120 لما تدبل تحس زي لما تفصل السيارة
فاتوقع حساس الهوا عندك مفصول او خربان واللمبة اللي تشتغل اظن تقصد 
لمبة تشيك انجن وهي بسبب نفس المشكلة حقت الحساس

اخوي هل انت متاكد من اللزوجة حقت الزيت ممكن حطيت لزوجة اعلى من اللي كان يحطها راعي السيارة الاول ....في كل الحالات لمبة الزيت تدل على ضعف في طرمبة الزيت اي انه ما يوصل لاجزاء المكينة بالشكل المطلوب وانصحك تغيرها سعرها 350 ريال والتركيب حسب الميكانيكي لكن لايقل عن 700ريال شغل يد .

واذا اهملتها راح توقف الطرمبة وتخبط عليك المكينة

اذا الطرمبة فيها مشكلة رح تسمع صوت تك تك تك اول ماتشغل السيارة 
واذا زادت رح تسمعها علطول الين ما ....المكينة

شيك على طرنبة الزيت اكيد فيها ضعف 
 

ياشباب هي تشتغل ابو 3 ثواني وتطفي 
ومتكوب تشيك اويل يعني شيك على الزيت
وانا مغيره قريب جدا 

ياخوان انا حصلت عندي نفس المشكله غيرت الزيت وبعد يومين ولعت عندي لمبه الزيت ورح لواحد مكانيكي اعرفه مزبوط قالي رح غير السيفون وانشاالله بتضبط وفعلن غيرت سيفون اصلي وضبطت المشكله ولا منول بغت تخبط المكينه عشان السيفون مكان يرفع الزيت