تعقيبآ على موضوعي بخصوص مشكله بالكابرس لقيت الحل ..
9
3
إضغط هنا للإخفاء
السلام عليكم
مساء الخير اخواني انا قبل اسبوعين نزلت موضوع بخصوص مشكله في الكابرس كنت طالع من الدوام وطلعت لي كتابه يرجى الصيانه وطلعت لي رسمة مانع الانزلاق وطفى مانع الانزلاق وضغطت الزر اللي امام القير وماظبطت وهذي صورة للطبلون يوم طلعت لي المشكله موجودة تحت
وهذا رابط الموضوع
http://chevrolet.montada.haraj.com.sa/26687/%D8%A7%D8%B3%D8%AA%D9%81%D8%B3%D8%A7%D8%B1-%D8%B9%D9%86-%D9%85%D8%B4%D9%83%D9%84%D9%87-%D9%83%D8%A7%D8%A8%D8%B1%D8%B3-2011/
كانت عندي السيارة تبغى وزن اذرعه لاني وانا امشي سيده الدركسون كان لاف يسار نص لفه وانا اصلا كنت وازن الاذرعه قبل المشكله بشهر واختلف الميزان مع بداية المشكله وماكنت منتبه لها المهم البارح رحت الميزان وقلت ابغى اوزن الاذرعه قال الميزان 30 ريال قلت اوكيه قال حط السيارة على الميزان ورفع السيارة العامل لقينا العامل اللي وزنتها عنده قبل شهر ماربط على الذراع الايمن لقيناه يلعب والحمدلله انه ماسبب لي حادث المهم قام العامل ووزن الاذرعه وربط عليها كويس نزل السيارة من الميزان الا الوزن مضبوط والكتابه اختفت وراحت ومسكت عليها خط البارح من الرياض للطايف وماشاءالله السيارة ظبطت ومانع الانزلاق اشتغل ولاطفى علي طول الطريق
فيااخواني اذا وزنتوا الاذرعه خلوا الميزان يشد على الصاموله اللي تمسك الذراع في الكفرة لان بعضهم يربط عليها واذا وقف المفتاح عن الربط قال خلاص
فانتبهوا الله يخليكم والحمدلله اني وزنت الاذرعه قبل لااسافر لاني لو اسافر الله أعلم وش بيحصل لي
وشكرا
إبلاغ
الردود
انا من طبعي لما اصلح شيء لازم انزل واتاكد لان بعضهم صراحه ما يهتم وبعضهم ينسى ف الافضل الواحد يصير حريص شوي عشان ما يلعبون عليه الورش
بالتوفيق عزيزي والله يعطيك خيره ويكفيك شره
الا بسالك كيف استخدام الكابرس ينفع للاستخدام اليومي خصوصا الفل كامل 8 سلندر LTZ
1
0
كامري جراندي انا سيارتي موديل 2011 ls 8 سرندل والحمدلله مااشتكى من شي وانا في الشهر اسافر للطايف مرتين طبعا اجازة الاسبوع وارجع وماشاء الله عليك
وبالنسبه LTZ مايفرق عن سيارتي الا الاكسسوارات فااكيد انه ممتاز
لكن نصيحه اذا بتاخذ لازم كل اسبوع او اسبوعين تشيك على ماء الراديتر
واذا انت ماتهتم بالسيارة فانصيحه لاتاخذه
الكابرس بالخط كفو ويعجبك مايحتاج كلام مني اسال اللي جربه وشوف وش يقولك
وشكرا
2
1
ماشاء الله تبارك الله
فعلا ملك الخط اسم على مسمى
3
1
^^^^
لهذي الدرجه لاتثق في سيارتك وهذا دليل على الكابرس انه راعي حراره وخرابات
اما موضوع الرساله فالطبلون فما فيه سياره تطلع هالرساله عشان انها تحتاج وزن اذرعه
وشلون عرف الكمبيوتر انه فيه ذذراع مفكوك او فيه وزنيه مختلفه !!
الا اذا كان هناك فيه حساس مشبوك فالذراع هذا شي ثاني والرساله فالطبلون ارجع ترجمها وشوف وش تعني وراح تعرف انها مالها علاقه في الذراع المفكوك او وزن الاذرعه
بس تدري اح انك تبي تقول الكابريس فيه تقنيه ماهي فاي سياره فالعالم ههههههههههههههه هذا اختصار موضوعك
معاي اكسنت لها 4 شهور مره وحده شكيت على موية الاديتر رغم انها مصدومه لكن ماقدخلتني الورش واثق فيها وين ماروح
ولد عمي معاه كورولا له سنه ونص وموية الاديتر زي اللوز ولا يشيط عليها الا فالنادر وشغل كرف وانت ماشي
لكن حلوه مواضيعك عن الكابريس حقك ههههههههه
يبي يقول الكابريس راعي تقنيه خخخخخخخخخخ
6
10
بالنسبه للحساس حق مانه الانزلاق مشبوك مع الكفر ومع الممشى الكفر فيه انحراف والاي بي سي توقف لانه في مشكله فيه فاكيد انه بيطفي الى ان تشيك عليه وتصلح المشكله
الكابرس ملك الخط غصبن عنك
ماهو لابغيط اسافر ياربطت الصدام ولا ناقص الزيت وكل شوي موقف عند محطه قاعد اشوف الزيت
او اني مسافر ومقرط في الدركسون يلعب فيني الهواء
تويوتا سياراتها كلها خرده بدي ابو كلب ومكينه كل شوي تنقص زيت
الشفر يفرض نفسه على سبارات تويوتا كلها
6
3
0
1
اختصر الموضوع وقول الشفر فيه تقنيه عاليه يعني ينفك ذراع او مسمار تطلع لك رساله رغم انها ماقد صارت حتى فالبنتلي
شوف السيارات اليابانيه العالم تكرفها وماتعرف الصناعيه خير شر
بس الشفر نهايته الورش
2
6
انت رح البنشري واخذ لك كرتون زيت ولاتنسى تمر السمكري عشان يربط الصدام قبل لاتسافر
1
0
رساوه وثبات وعزم
لحد يقارن كرولا واكسنت فيها
سلااامات
3
0
رساوه وثبات وعزم
لحد يقارن كرولا واكسنت فيها
سلااامات
1
0
بس قلي انت متخاصم مع راعي الميزان الأول ولا لا
ولا يكون منشف ريقه بالمكاسر لان الصاموله ما تنفك
بسهوله لان فيها حمايه اسمه (( بيم )) وهذا البيم ما فيه
ميزان ما يركبه حتي لو ما فيه بيم تحط مسمار فولاذ حق الخشب
يمسك من احسن ما يكون بس انا اقولك اللي ما يركب هذا البيم
ويكون متعمد ويبيلك الضرر والحادث بس اكيد انت متهاوش معه
ولا مكاسره بالسعر ولا يمكن المسكين العامل كان تعبان وانت جايه
اخر الليل بس اقولك ربك يحبك ان ولعت عندك العلامات
وحمد الله علي سلامتك ثاني مره
وتحياتي لك
0
0
فالله يسامحه بغى يسببلي حادث بسبب العجله لكن الحمد لله ربطت ذراع الدركسون قبل اسافر ولا كان معدمني اعوذب الله
والحمدلله على كل حال
1
0
وقريت فالكتالوج يقول غاز المبتعثات .. اللي عنده خبر يفيدني لاهنتم
0
0
قبل 11 سنه و شهر