لو سمحتو ابي حل مع اصفرار الشمعات للكابرس

وش موديل سيارتك علشان نعطيك العلم الاكيد 
واشوف انك تلمعه عند محل تلميع هذا افضل خيار او تشتري شمعات جديده اذا عندك امكانيه 

بدل الغطا البلاستيك الشفاف وارتاح تراه بقيمة التلميع  هذا كنت اسويه بكابريس 93  لما كان عندي ويفصر البلاستيك ما عاد ينفع فيه لا تلميع ولا شي غيره
اشتري غطا بلاستيك تجاري وخليه لما يتغير لونه بعد 6 او 7 اشهر وبدله وهكذا  

موديل السياره 2008


وسعرها جديد غاليه 1600 للوحده

والمحلات ماعندهم سالفه

كل المحلات رجتها وانا بالجنوب مافيه مختصين وفاهمين كلهم صنفره وتلميع ومافيه فايده ابد

مشكورين حبايبي على الرد

خذلك ورق صنفره  وملمع بولش الى كانه طين و علبه ون كار وقطن
واشتغل بالنور يخفف الصفار وتلاحظ الفرق

تسلم يابو سعيد الله يسعدك

بس سويتها ومافيه فايده


الاصفرار مرره واضحه
بس شكلي بجرب بنزين ممكن يفيد

الف شكر لك ولشباب الي فوووق

طيب مر التشاليح وشفلك شمعات

لونك بالخرج دليتك على واحد ومايخذ عليك كثير يلمع لك شمعات من ادخل وبرا 100 ريال  

 شرط انه يطلعها وكاله وعلى مسؤوليتي حتى  مخوش يمحيها لك يطلعها  مثل وكاله وافضل 

أفضل حل عن تجربة تغيرها بجديد ولو كانت تجاري 
لأن مهما لمعت فيها حدها بالكثير اسبوعين وتصفر 

انا موتري نفس الوضع 

على فكره ملمعين يلمعها لك من برا وينسى الي داخل ايش فايده بكذا 

هلا والله بالغالي ...


طيب ماتعرف المواد الي يستخدمها او شي ينفعنا يا اهل الجنوب !!

لاهنت اخوي وتاج راسي سكودر

افضل شى التغير اما من الوكالة او التشليح

التغيير*

انتبه الورش الى في الصناعيه الى على طريق وادي بنهشبل 
مر محلات الزينه الى في حزام الخميس وقولهم بتفق معك
تشيل الصفار ادفع لك ما يروح ما ادفع لك

هلا باخوي الجنوبي (ولا يهونون الباقين ) 
سيارتي كانت الاصطبات الاماميه مشهبه ( المهم اني صدمت بسيارتي ووديتها الورشه اليوم 
الثاني ابغى اطلع السيارة واشوف الاصطبات تلمع يا وجال تقول وكااااله ) 



المهم رح لصناعية ابها ودور على" ورشه تنومه" 
وان شاء الله تزبط معك
تحياتي لك

سو لها صنفره وبعدين حط عليها ورنيش (طبقه شفافه لامعه)

^^^^^^^^^^^^
صحيح كلامك يا اخوي اف اف 
رح للورشه عند الصياغ خله يسنفر لك الشمعات
بس اهم شي نزلها من علي السياره
وخله يغسلها لك بكاز من داخل وخله يسنفرها لك
بورق سنفره مع كاز وبعدين مع مويه وانتبه لا يستعمل
ورق السنفره الأرقام هذي ٨٠ ،٢٢٠ ، ٣٢٠ ، ٤٠٠
خله يستخدم ورق ١٢٠٠ او ١٤٠٠ لانها ناعمه حيل
وما تجرح الشمعه وبعدها خله يرشها لك لكر لمعه
وبعدها ركب وتوكل علي الله
وتحياتي لك  

غيرها تجاري..
أنا مركب على كابرس 2009 طقم تجاري ب1300

^
^
^
نفس الكلام ركب تجاري ارخص لك 

وسو حماية للشمعات من الترميل 

لا ابشركم

صنفرتها بصنفره مقاس 1000 وابشركم طلعت جديده

صح فيها صفار بسيط جدا

بس احسن من اول بكثير

الف الف الف شكر لكم جميعا

اخوي آس آس نصيحه مادام صنفرة الشمعات رشها لكر وتطلع لمعتها احلي 
وكأنها جديده رح للورشه وخلها يرشها لك لكر 
واذا ما تقدر علي اللكر وظروفك ما تسمح انك ادخلها ورشه 
فيه لكر تشاش يمكن تلقاها بمحلات الزينه واذا ما لقيته بمحلات الزينه 
تلقاه عند محلات بوية السيارات قوله ابي ليكر تشاش مو خلط بالكمبريسر
وتحياتي لك