أضف سؤال أو موضوع جديد          

ماهي مشاكل وعيوب اللومينا 2007 LS - LTZ ؟

up 1 down 0
تاجر لحسابه 4
قبل 9 سنه و 3 شهر



اخواني, الله يسعد صباحكم ومساءكم

انا اقبلت على اني اشتري سيارة صديقي لومينا 2007 LS ولكن انا ابغى اعرف العيوب والمشاكل اللي واجهها المستخدم وغير كذا انا ما ابغى اعاني من الحرارة نهائيا يكفيني عانيت لمدة 6 سنوات من السيارت اللي طيرت عقلي من الحرارة فرجاء يا اخواني قولولي على اللي فيها واكون شاكرلكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كم ماشية؟

الممشى يأثر على وضع السيارة العام

نصيحة فوق 250 ألف لا تاخذ

خذها ماشية بالكثير 180 ألف حتى تجلس معك سنتين بدون مشاكل

كان معي كابرس 2008 وبعته لما وصل 150 ألف وما واجهت مشاكل سوى المجموعة الأمامية


up 1 down 0
أبو عبادة 4852
قبل 9 سنه و 3 شهر



عانيت 6 سنوات من حراره السياره وشكلك تبغا ترجع تعاني من النفس المشكله الله يصلحك 
والله اني اعشق الكابرس بالذات وترا هم واحد الكابرس والومينا الفرق في الطول بس 
المهم سياره ماهي عمليه كان عندي موديل 2004 8 سلندر ... الحراره دائماً مرتفعه في الهدا وقف عليه 
المرواح غيرتها الاديتر سويت له تسييخ تعبت معاه مويه الاديتر اسبوعياً يوم الثلاثاء اعبيها لانها تنقص مع ذالك ما يخدم معي والمكيف مقفل طبعا 

بقيمتها ي قلبي خذلك سياره تعزك عن الورش وعن الحراره خذ كورلا 2008 وفوق او اكورد 2007 2006 او كوامري 2007 
هذا اذا تبي سياره تخدم ومريحه وبعيده نوعا ما عن المشاكل

موفق


up 1 down 6
ryan702 466
قبل 9 سنه و 3 شهر



امتلك وحدة نفس الموديل LTZ المشكلة الوحيدة الي عانيت منها الدينمو ضربت علي مرتين 
غير كذا السيارة عز على الخط ورساوة 
وانسى شئ اسمه حراره توقف في عز الصيف بين زحمة سيارات عند اشارة وانت مشغل المكيف ما غير تقول ماشاء الله 
السيارة شريتها مستخدمة ولا حطيت فيها غير الدينمو يوم ضرب بس
اذا لك خاطر فيها توكل على واستخير قبل لا تاخذها 



up 4 down 0
سليمان ثابت 486
قبل 9 سنه و 3 شهر



ريان ي حبيبي

الحرارة للكوابرس واللومينا انتهت تماما من موديلات 2007 وفوق واتحداك تدخل اعلان سيارة تلقى احد يشتكي منها ,

يا صاحب الموضوع اذا مو ماشية كثير اشتريها وحافظ عليها من ناحية الزيوت والقطع الاستهلاكية واذا خرب شي حاول تصلحه ولا تترك الخرابات تكثر ورا بعض


up 4 down 0
sultan-q 466
قبل 9 سنه و 3 شهر



غريبه ماتسخن ابداً موديلات 2007 وفوق 
طيب ليه اشوف بعض اصحابها وبعض السيارات الامريكيه الثانيه الجديده توقف بالهدا والمسكين فاتح الكبوت وعينه ع الاديتر 

وجهة نظري الياباني عز عن المشاكل والحراره ومكيفاته الافضل عشان كذا نصحته بسياره يابانيه فهي الافضل في كل شي سوى المكينه 
سواءا مكده مسكه سعر تكييف ممتاز مشاكل اقل 

ماتعبت وانا ادور ادخل على منتدى السيارات - ورشه السيارات شوف المواضيع الي في اول صفحتين فقط الي تتكلم عن مشاكل الكوابرس واللومينات 
مشاكل لليل دينمو وكهرباء وتعشيق ووو الخ طبعا باستثناء مشاكل الحراره 

وموفقين 


up 1 down 5
ryan702 466
قبل 9 سنه و 3 شهر



من قال الحرارة انتهت ب 2007 وفوق موجودة شوف وش كثرهم بالصناعية الكوابرس واللومينا جديد وقديم 

والمنتديات اس اس منتديات السيارات ..الخ 

و 2007 اشوف موديل قديم مضى عليها اكثر من 6 سنوات والكابرس واللومينا حده بالكثير يخدم 5 سنوات 

يعني قليييل تبي تحصل نظيييف 







up 0 down 2
ahmad77771 305
قبل 9 سنه و 3 شهر



اخ ريان انا ما انكر ان الكامري والفورد يكرف اكثر من الكابرس واللومينا

لكن كل سيارة لها عيوب ومميزات

الكامري كرف لكن مافي راحة ابدا لا عزل ولا رساوة ولا شكل ولا مكينة

اللومينا ممكن الكرف اقل من الكامري لكن مريحة خصوصا LTZ وعزل ممتاز ورساوة ولا اروع والمكينة والشكل جبآر طبعا اتكلم عن SS


up 1 down 0
sultan-q 466
قبل 9 سنه و 3 شهر



ياجماعة الخير في واحد يقول إن اللومينا والكابرس دفع أمامي وهوا متأكد وان أقله دفع هلفي


up 0 down 0
ابو مالك السوري
قبل 7 سنه و 2 شهر



دفع خلفي وانا متاكد حتى الستة سلندر


up 0 down 0
الاسمري 2015
قبل 6 سنه و 10 شهر



انا معاي لومينا 2007دفع خلفي ٦ سلندر ماتجي دفع امامي مستحيل الكابرس اللومينا خلفي ولي سنه من اخذته الموتر ماشيه كانت ١٨٠ والآن ٢٠٥ بس والموتر نظيف ولا مره حطيت له شئ غير القطع الإستهلاكيه ماشاء الله والحراره اطلع فيها في عز الظهر ربع ماترتفع


up 0 down 0
rudda12345678
قبل 2 سنه و 7 شهر



خلاصة الموضوع تفكر بكابرس او لومينا من ٢٠٠٧ وطالع لأن أقل كانت فيهم مشكلة الحرارة واعتدلت وزانت من ٢٠٠٧


up 0 down 0
rudda12345678
قبل 2 سنه و 7 شهر