أضف سؤال أو موضوع جديد          

لمبة الفرامل معلقة؟

up 22 down 0
أبو درعان 521
قبل 5 سنه



السلام عليكم
فيه مشكلة واجهتني بموتري كابرس 2009 وحبيت أطرحها عشان الكل يستفيد..
لأني بحثت عن حلها وما لقيت شي بالمواقع..

هي ان لمبات الفرامل معلقة.. أو أحيانا تشتغل ولو ماني ضاغط بريك..

رحت للوكالة نصابين قالوا لي لازم نسوي فحص كمبيوتر 250 ريال بعدين نعرف المشكلة..
أنا ألحين أبي أوفر عليك هالـ250 ريال ورح اشتر فيها هدية لأمك ولا أبوك ولا زوجتك.. 

المشكلة طلعت من حساس دعسة الفرامل..
قطعة صغيرة ورى دعسة البريك..
شريتها ب89 ريال وركبتها عند كهربائي ممتاز أتعامل معه,, وحتى ان الرجال يقول شغلة بسيطة وعيا ياخذ فلوس بس عطيته 20 ريال بالغصب..

لو اني مشيت على كلام الوكالة وفحصت كمبيوتر وشريت القطعة وركبتها عندهم بتطلع علي فوق 400 بدون كلام

وحبيت أضيف نقطة بسيطة,, ترا الحل هذا مو بس للكابرس، لأغلب السيارات إذا ماكانت كلها..

وخلاص مع السلامة ما أعرف وشلون أنهي الموضوع ههههههههههه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله المستعان معروف أن الوكالة سرقة ونهب فلوس...
فحص قير عشان اتأكد هي تبي توضيب ولا من الحساس يقولي 150...
وعشان اعرف وش الحساس اللي يبلها تغيير لازم فحص ثاني 250...

هذي وهي فحص فقط...


up 0 down 0
acura 3755
قبل 5 سنه



شفت وآحد في خريص كآبرس نفس شكل سيآرتك آلمهم وآشوف آلرجآل سآحب فرآمل و آنآ كنت ورآه وآسحب فرآمل 


وآشوفه طول وهو سآحب آثآري آللمبه عنده معلقهه هه يمكن آنت رآعي آلكآبرس لونه آبيض ^ _ ^ ..


up 0 down 0
saeed 7 330
قبل 5 سنه



ههههههههه لا موب أنا..
بس المشكلة ذي دايم تصير بالكابرس..
ودايم أشوف ناس معلقة معهم وهم ما يدرون


up 0 down 0
أبو درعان 521
قبل 5 سنه



شكرا يا ابو ردعان على معلومه  وانت من ناس  الي تحب عمل خير  بعضهم يسمع نصيحه ولا يقول كلمه شكرا حتى 

 ولا ينزل موضوع ويقول لناس وش صار معه  حتى ناس الي في واتساب نفس شي  ياخذون معلومات وينحاشون 


up 0 down 0
سكودر 14890
قبل 5 سنه



فعلا كلامك صحيح . . .
وعندنا كامري 2002 مره علقت لمبةة الفرامل 
وطلع من الحساس اللي وراء الدعسه 


up 0 down 0



لو تصور لنا مكانها كان أفضل
ومشكور والله يعطيك العافية


up 0 down 0
m-baz 336
قبل 5 سنه



أخوي قد صارت لي ووديتها الوكالة كان معايا برادو المهم قالوا ليا ب 400 رحت عند واحد فاهم قال لي استناء جيب لي جلدة سعرها 5 ريال وركبها وقالي خلاص أقولل له كم شغل يدك يقول لي مابي شي خلاص 


up 0 down 0
moody-ezzi 512
قبل 5 سنه



الله يجزاك خير وفي موزين حسناتك 


اصلا المفروض ماتروح الوكاله عشان هالحاجه التافهة ذي بصراحه معليش يعني
اي حاجه بسيطة زي ذي اقرب كهربائي وخلاص  


لو نزلت صورة للقطعة ومكانها تسوي خير 


up 0 down 0
elantra 6639 478
قبل 5 سنه



ي اخوان هذي صارت معي في نيسان صني لاغيرت حساس والا شي في زر  يجي ورا دعسه الفرامل حطيت له قطعه بسيطه الي تمسك رف المرايه حقت البيت وطفت اللمبه وقبلها اخوي كان حاط لصق ( شطرطون) وتقبلوا مروري ^_^


up 0 down 0
شخص عادي 111 139
قبل 4 سنه و 11 شهر



نفس المشكله صارت معاي كابرس 2009 ودوختني وحتى مثبت السرعه تعطل معها واللي يقول المشكله تافهه صادق بس صدقني اني لفيت على كذا كهربائي وبالنهايه طلعت قطعه تحت دعسه الفرامل اسمها ساعه الفرامل ب 70 ريال وماهي عطلانه كانت المشكله بوزنه الدعسه وصلحتها ورديت الساعه للوكاله لان الساعه هذي ماتلقاها بقطع الغيار غير طلبيه من الوكله


up 0 down 0
ابو عزاام 6
قبل 4 سنه و 4 شهر



السلام عليكم شباب عارف ان الموضوع  ولاكن حصل معى شىء غريب فى الفرامل وارجو من الأخوة الأعزاء الإفادة الفرامل عندى مرره ضعيفة أكاد اصطدم بلى امامى شو الحل ولكم كل الشكر والتقدير


up 0 down 0
bahei
قبل 4 سنه و شهر



المشكله حساس ادعسه الداخليه عطلانه غيرها


up 0 down 1
الطيار4042 -1
قبل 2 سنه و 5 شهر



جزاك الله خير ياصاحب الموضوع

المشكله هذي اذكرها من ايام الصابونه والرود ماستر

بس اشهد بالله انها موتر خطوط 


up 0 down 0
بوحمد4445 76
قبل 2 سنه و 4 شهر