تجربتي مع التاهو
6
3
إضغط هنا للإخفاء
السلام عليكم ورحمة الله وبركاته
ترددت كثير ف تنزيلي للموضوع هذا. لكن لولا الحيرة اللي انا أعيشها وتفكيري المستمر مابين ايه ولا . قررت أخيراً بأني اطرح لكم مشكلتي واخذا رايكم فيها بعيداً عن
التعصب للوكالات ..
انا املك تاهو 2013 الموتر اخذته حب لشكله من يوم ماطلع عام 2007 والحمد لله الله يسر لي وشريته واجهت اعتراضات كثيرة قبل لاشتريه من ناس مقربين لي وأصحاب بأن الموتر عائلي وجحمه كبير وراح تمل من قيادته.
لكن رغم ذالك اصريت واخذته ..
مشكلتي مهي ف كبر حجمه. مشكلتي ياجماعة الخير ف ديكوراته الداخليه معقولة انها تكون بهذا الجودة الردئية جداً.قلت يمكن ان الموتر فيه شي جديد ويقرقع .وديته للوكالة وقلت لهم عن المشكله وكان ردهم المتعارف عليه دائماً "عادي وشي طبيعي "
كيف عادي وطبيعي وموتر جديد ابي افهم ؟؟ قالوا لي اصلن بيجوا لنا ناس مابين فترة لفترة نعمل لهم تربيط كامل للديكورات تحب نعملها لك..كنه صفقني على وجهي وقتها..!!
طلعت من عندهم ودقت على واحد من اخوياي معاه تاهو 2008 الو يابو فلان الموضوع كيت وكيت
وانا قد ركبت معك مرة وسمعت قرقعه بسيطه مقارنه بقدم موديل موترك . قعد يضحك يضحك ويضحك قال انت بديت تعاني منها ..قال انا حاشي ابواب موتري بالاسفنج .؟؟؟؟!!!!
صراحه احبطت من بعد مادريت بشي هذا وصرت اكره اطلع على الموتر واتنرفز لا ركبت فيه صار الموتر اغلب وقته ف البايكه وممشاه الحين والله ماتعدا 10 آلاف وله معي قرابة تسع شهور
وماطلع الا على موتري الثاني الانترا .ورب البيت اني اتعمد أحيانا امشي على طريق الطوارئ اللي على طريق الملك فهد اللي كله عيون القط ابي اسمع صوت قرقعه وابي اطلع اي عذروب اكذب نفسي بيه واقنعها بان اصوات القرقع طبيعي بكل السيارات لكن مشالله تبارك الله عليها طلعت ف نظري اطلق مليون ألف مرة عن الامريكي في تماسكها.
ف عاد انا فكري ماغير رايح جاي افكر ابيعه واخذا اف جي ..
لكن المشكلة لامن شفته من برا قلت والله حرام ينباع .وان ركبت فيه قمت اسب والعن ف اللي صنعه واصمل اني ابيعه..
إبلاغ
الردود
0
0
انتبه ياخوك ترا العين حق اذكر الله على سيارتك ومافيها الا الخير ما شاء الله ولو تلف الارض كلها لا يمكن تلاقي سيارة كاملة "من الى" ولا فيها ولا عيب .. ارضى بموترك وتوكّل على الله والله يعطيك خيره ويكفيك شره ويحفظه لك ويباركه لك ..
ولا تلف الارض
قبل 10 سنه