مشكلة في قير الكابرس 92

90 بالميه القير يبي توظيب ( متى غيرت الزيت؟ ) هل كان يطوف نمر قبل فتره؟

اتوقع مايبي له توضيب المشكله بسيطه والحل اسهل اسمه يا اخري حاول ماتحرك السياره وروح اشتر لك ٣ علب زيت قير وعبه لين يطفر وانا متأكد ان المشكله من زيت القير وروح للورشه وغير الزيت وبالتوفي

وعليكم السلام
اخوي جرب الطريقه هذه
شغل السويتش بدون ما تدق سلف او تشغيل الماكينه وعشق القير على N ثم ادعس البنزين مرتين او ثلاثه
ثم خلي القير على البريك P ثم شغل الماكينه وجرب السياره وتغيرات الجربوكس ان شاء الله تظبط 
اذا ما ظبط معك لازم ميكانيكي جربوكسات يشوفه

فك عيار الزيت حق القير اذا الريحة كريهة معناته الكلتشات حقت القير ودعت ويحتاج توضيب واسال كذا محل قبل ماتروح واذا القير ماقد توضب وضبه وﻻ تاخذ من التشليح نهائيا ﻻنهم يوضبون تجاري وضمان من 7-20 يوم

يا اخوي قمم المجد وربي عندك شباب بالمنتدي ابرك من ١٠٠ مهندس 
بس انت جرب حركة ال تو نزل القير لآخر شي وخل السياره تمشي 
وبدل عليها الي تو وبعدين الي دي العادي اذا 
وقيس الزيت يمكن ناقص مره وافحص التهريبات بالقير لان الزيت اذا 
ناقص ٣ علب ما يبدل انت افحص المقياس 
وكيف تتحرك السياره اول ما تعشق تحن وبعد مده تتحرك هذا الله يعوض 
عليك الكلتشات واذا غير هالكلام يعني تعشق ب دي وتتحرك بس ما تبدل 
التي يبه الثانيه يعني الزيت عندك ناقص مره ولازم تزيده 
ومنتظرين تبلغنا وش صار معك 
والله يوفقك 

مشكورين ياشباب جزاكم الله خير
اولا: بالنسبة للزيت شيكت عليه وتمام ماهو ناقص ولا فيه ريحة بس عندي ملاحظة: اشوف على مؤشر الزيت علامتين
HOT و COLD واشوف نقاط محفورة بينهم ونهاية الزيت عندي على نهاية خط ال hot يعني مليان
بس ما ادري ايش hot هذي
اما بالنسبة للأخ dub_r-50 راح اجرب الطريقة ان شاء الله
وان شاء الله راح ابلغكم بموضوع كامل ان الله وفقني باصلاحها

شباب اضفت صورة شبيهة للمؤشر اللي عندي فيه hot & cold

السلام عليكم ورحمة الله
أخوي دام الزيت مضبوط الله يعوض عليك المشكله كلتشات 100% لكن نصيحتي لك وضب القير بقطع أصليه أومن التشليح مقفل تقفيل بلاده (يبين من الصواميل والوجه إن كانت جديده معناها مفتوح من قبل) ولا تقرب المجدده لو عطاك ببلاش
تحياتي

اخوي dub_r-50 جربت طريقتك والموتر تحرك الحمد لله ووصل الصناعية ماشي على الاول
(وصل بربع ساعة وهو ماياخذ اكثر من 5 دقايق الله يعين)
وجيت المهندس قال هذه مشكلة بطنجرة القيرولازم تتغير او تغير القير كله جديد ب 2200 ريال بضمان 6 شهور
اما لو غير طنجرة القير يركب واحده من عنده موظبه وتتكلف 1600 ريال
ايش رايكم اسوي؟ خصوصا ان الاخ الوجيه 444 يقول لا تقرب المجدده

وهل الاسعار هذي مناسبة ولا غاليه؟

حبيبي صارت معي وقالولي احترقت الكلتشات انا طبعا عنيد لا بد اطلع المشمله لان لي خبرة ميكانيكا فمسكت معي ورحت اشتريت بروانه من اوتوستار ب 250 ريال وجبت فلتر قير وكرتون زيت قير لان البروانه تاخذ حوالي 7 علب وضبطت كل شي وليومك افحط فيها ههههههههههههههه من شارع لشارع ولا يغرك كلام النصابين تحياتي لك

ايش البروانه هذي ووين اركبها طيب؟