أضف سؤال أو موضوع جديد          

هل جزاء الاحسان الا الاحسان

up 7 down 0
mam-2200 248
قبل 7 سنه و 4 شهر



السلام عليكم ورحمة الله وبركاته اخواني اعضاء المنتدي

ادخل بصلب الموضوع بدون اطالة

قبل جوالي يومين صار لي حادث بالسيارة سلمت واللى صدمت فيه سلم بس المشكلة ان السيارة اللى صدمت
مستاجرة من مكتب واللي كان يسوق الموتر موب هو اللى مستاجر .. المهم اخينا في الله يبي يتجاوز سيارة في خط واحد
اللى هو رايح وجاي توه متعدي الموتر ما حصلني الا في وجهه وتصادمنا نزل من السيارة مربوش ويقول ان الموتر
موب له واحد من اخوياه مستاجرها ورايح يلعب مبارة وكان متاخر ..
سويت معاه خير قلت له اتصل علي اللى مستاجرها خله يجي موقع الحادث باسرع وقت ..
اتصل علي قريبه وجاء الموقع بعد ربع ساعه او اكثر .. اتصلنا علي نجم وقالوا لازم يكون نسخة التامين الاصلية 
معاك وقال ابد ماهي في الا صورة .. رد عليه الموظف قال ماتقدر نخدمك لازم تجيب النسخة الاصلة
ونرسل لكم الموظف يكمل الاجراءات .. شفنا مافي امل اتصلنا علي المرور وجاء عاين الحادث شاف ان الغلط
علي راعي الكورولا 100% قال لي ايش تبي من اللى خصمك الحين .. قلت ابيه يصلح الموتر وعفا الله عما سلف
رد علي وقال لي اذا تبيها من عندي الحين اخطط الحادث واحمل خصمك الجيب ويروح التوقيف بعدها اذا دق عليك 
نجم لازم ترجعوا مكان الحادث عشان له تخطيط ثاني ومرمطة ومن ذا الكلام..
قال العسكري تبيني اعطيك حل ..؟
قلت قوله دام لك خبره في ذا المجال ..
قال لي خذ اقامة اليماني معاك وخلها عندك الين يجيب نسخة التامين الاصلية وارجعوا كما كنتم اذا دق عليكم نجم
لانها قد صارت مع اخوي نفس قصتك وما استفاد شئ من المرور
قلت له اوك مافي اي مشكلة اخذت الرخصة منه وما اخذت اقامته قللت في بالي لايطيح في تفتيش ولا شئ ثاني
مايشوفون معاه اثبات ياكلها في وجهه
وطبعا العسكري راح ..
اتواعدنا علي ثاني يوم العصر يجيب الورقة تبع التامين من المكتب نرجع مكان الحادث ويدق علي نجم ويجينا
.. اتصلت عليه عصر ما يرد بعدها رد بعد كم ساعة قال المكتب توه فاك وبجيب الورقة واجيك الموقع ..
اطمئنيت وقلت اوك 
رحت الموقع والرجال تاخر وماجاء واتصل بعدها والجوال طافي
شفت مافي امل قلت باخذ اثباته علي اقرب قسم وبشتكي
توني بحرك الموتر الا وهو جايني ومعاه مصري موظف مكتب الايجار وقال لي ان مندوب المكتب في جده يتابع 
حالة حادث صارت لسيارة من مكتبهم في جده وآول ما يجيني المندوب حتصل عليك 

مشيتها وقلت تم اول ما يجي المندوب اتصل علي
اتصلت ثاني يوم علي المصري قال لي انا اعطيت المندوب رقمك انتظر منه اتصال 
صبرت علي حالتي يوم ونص يمكن مافي لا الو ولا اي شئ من مندوبهم
رجعت دقيت علي المصري واعطاني رقم المندوب وقال لي تعال مركز المرور قسم الحوادث
رحت للقسم بقابله الا وهو يقول لي انا اخذ ورقة الاصلاح ورايح اقدر السيارة في الصناعية
قلت له طيب اذا رجعت راح تقابلني في قسم الحوادث انتظرك
انظرت كم ساعه الرجال ماجاء ..
بعدها ادق علي جواله مقفل 

الحل يا جماعة الخير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


للاسف الناس الان ماتمشيها الا بجزمة على وجيهها ,,, ماعاد ينفع الخير


up 5 down 0
YASSER505 4173
قبل 7 سنه و 4 شهر



ولذلك ننصح الجميع بعدم التحرك ابدا من موقع الحادث حتى تتاكد 100% ان حقك مضمون حتى لو المرور جاء واعطاك خيار لا تاخذ بكلامه لانه بين قوسين ( يبي الفكه ) والحل الصحيح انك تاخذ حقك انت بنفسك ـ ويا صاحب بما ان اقامة الرجال معك فعندك شي قوي ولا تخاف ولا تعجز وكن مع الله ولا تبالي


up 4 down 0
..استغفر الله.. 266
قبل 7 سنه و 4 شهر



تبي أسلك لك و أقول الوضع طبيعي ؟ ولا أقول لك إن زمن الثقة ولى ؟ و الناس مستعدة تحلف يمين غموس عشان كم ريال !!!!!

والله ياخوك مالك إلا تقلب الطاولة عليهم و تبلغ عنه (هروب) و خصوصاً إن المرور جاء فتقدر تدخله بهالقضية , و ساعتها هو

اللي بيزعجك بالإتصالات عشان تسامحه و تحلها ودي , الله يوفقك .


up 2 down 0



والله العظيم اني انام بغبنة واصحي بغبنة
ما اخذت الاقامة منه عشان الحملات والتضييق اللى صاير عليهم في الايام ذي افتكيت الرخصة منه وخليته يروح في حال سبيله
اقدم علي بلاغ ورقم اللوحة عندي ؟؟



up 0 down 0
mam-2200 248
قبل 7 سنه و 4 شهر



اصبر عليهم شوي اذا ماشفت منهم رد رح لاقرب مركز وبلغ انه صدمك وهرب مافيه الا هالحل .


up 0 down 0
ابو سعود629 4706
قبل 7 سنه و 4 شهر



يا حبيبي ما ينفع كذا

ارسل له رسالة على جواله اليوم إذا ما انحل الموضوع ترى باشتكي عليك

وإذا ما اتصل عليك وحل الموضوع بلغ عنه

ترى أنت عملت معه معروف لكنه ما يستحي

وبلغنا ايش صار معك


up 0 down 0
أبو عبادة 4852
قبل 7 سنه و 4 شهر



ما أقول غير حسبي الله ونعم الوكيل هذا جزات الإحسان 


up 0 down 0
abokhalil2014 2
قبل 7 سنه و 4 شهر



الحين انت تدل محل الأيجار رح يم محل الأيجار وكلمه بالطيب اذا رفع خشمه رح للمرور واشتك عليهم واذا الرخصة معاك هذا اثبات عليهم بمخالفة النظام وقيادة السيارة من شخص غير مصرح له بقيادتها بغير تفويض من محل الأيجار


up 0 down 0
ابوجلال 72 28
قبل 7 سنه و 4 شهر



ياخوان الا الطيبة لاتخلونها لاتصير قلوبكم زي الحجارة او اشد قصوى 


up 0 down 0
zoom zoom 626 -40
قبل 7 سنه و 4 شهر



أخوي حاول تستعجل قبل لايصلحون السياره وصدقني أذا صلحوا السياره بيجحدونك وينكرون » وأذا على الرخصه عادي يقدر يروح يطلع بدل فاق »» يعني رح للمكتب أذا مانفع رح قدم شكوى فيهم أو بلغ فيهم هروب


up 0 down 0
البدر515 52
قبل 7 سنه و 4 شهر



أسف أقصد بدل فاقد


up 0 down 0
البدر515 52
قبل 7 سنه و 4 شهر



لاتسكت عن ابويمن هالوصخ شين وقوي عين طلع الفلوس من عينه خير ان شاء الله يمرمطك هذا جزاء الاحسان ترى ماتنفع معهم النفس الزينه عطهم العين الحمره وبتطلع حقك


up 1 down 1
ستل جناحه 8
قبل 7 سنه و 4 شهر



حبيبي خذ مني الكلام
روح موقع الحادث واتصل للمرور وقلهم واحد قبعني و شرد

خلي حق المرور يجيك يسوي الكوركي وروح قسم الحوادث
ح يسووو عليه بلاغ وبيبجوه من خشمه ولو انه تحت الارض

وسسووي كنك ما تعرف الرجال ولا بينكم اتفاق ولا حاجا ابد
ويوم انه يجي ذيك الساعة خذ حققك

اما انك قاعد كذى تره بتاكلها
بيس


up 0 down 0
سعـد بن سعـود -25
قبل 7 سنه و 4 شهر



اشتكي لو اخذت اقامته كان احسن لك لاتسكت ذا من حقك ..


up 0 down 0
nbrt-7zn 30
قبل 7 سنه و 4 شهر



بخصوص رد سعد سعود 
اعرف شخص واحد صدمه وهج واخذ رقم لوحتة
ىبلغ النرور وجاء موقع الحادث وعطاه رقم اللوحة وطلع 
علي ذاك اكثر من٤بلاغات ولكلام ذا قبل سنة ولا يومك 
ماشاف ولاريال ولا شئ (الموضوع واسطات) !


up 0 down 0
mos3ab
قبل 7 سنه و 4 شهر



يعطيكم الف عافية يالربع ومشكور علي الحلول يا رجال 
كفيتم ووفيتم والله
جزاكم الله كل خير


up 0 down 0
mam-2200 248
قبل 7 سنه و 3 شهر