ابي منظف رديتر holts

حط مويه خضرا بعشره ريال وخلها فتره وبعدين غيرها بمويه اصليه .

اخوي x500 مشكور على الاهتمام ترا سيارتي كابريس 92 تمشي بأي موية تبيني احط له موية اصلية ب 200 ريال؟
يارجال خل الموية اللي فيه واحط هذا يمكن نستفيد منه بشي

قصدي لما تحط مويه رخيصه تنظف فيها رديتر لما تمشي بسياره خلها لما تحس ان لونها تغير , بعدها فرغ مويه وعبها مويه امريكيه بـ 35 ريال للجيك , العفو .

موية تويوتا الاصلية ب 45 ريال اظن والباقي موية مقطرة وانتهت السالفة
او موية متسوبيشي اظن 75 ريال والباقي موية مقطرة

السلام عليكم ورحمة الله
أخوي الشخص اللي قال لك على الهولت ما يدري وين الله حاطه فيه (الهولت يستخدم لسد الشروخ والتصدعات في الماكينه والرادييتر) نصيحتي لك رح للورش المتخصصه بغسيل الرادييتر مع سلندر الماكينه وخله يغسلها زين (إقل شي ياخذ نصف ساعه) وبعد كذا حط سائل مقاومة الصدأ الأصلي مع مويه مقطره على حسب نوع سيارتك (أفضل شئ الألماني وبعده الأمريكي) وراح تدعيلي بإذن الله
تحياتي

مشكورين ياشباب على النصايح القيمة وان شاء الله راح اطبقها
بس انا ما ادري وين احصل الهولت اللي زي كذا (في ساكو مثلا؟؟ ولا على حسب كلام بعض الشباب ما تلاقيه الا بالاردن؟!!)
واسعارهم غالية؟ يعني العلبة هذي تاصل ل 100 ريال؟

السلام عليكم
اخوي انا حصلته بالرياض وشريته وقيمته 25 ريال بس ماني عارف طريقة استخدامه

تكفون يا اخوان ابغى هذا المنتج دورت ولا حصلت