أضف سؤال أو موضوع جديد          

مشكلة بالكهرباء .. هل من حل

up 3 down 3
asd2ksa 102
قبل 8 سنه و 6 شهر



السلام عليكم ورحمة الله وبركاته .. 

اخواني الأفاضل كما تعودت منكم ومن خلال قرائتي لبعض المواضيع إن فيه ناس خبره وفاهمين بالسيارات ومشاكلها فأتمنى إنكم تساعدوني بمشكلتي أنا عندي كابرس 2007 ماكان فيه شيء بس سافرت فترة وتركته لمدة شهرين ورجعت ابي اشغله ما اشتغل شيكت على البطارية رحت شحنتها واشتغلت السيارة بعده بيوم نفس الطريقه طفت عيت لا تشتغل قلت اكيد البطارية انتهت غيرت بطارية جديده واشتغلت ومشتني 3 ايام وبعدها جيت بشغلها عيت تشتغل وديتها وفحصتها كمبيوتر وقالوا ماعندك شيء بالدينمو سليم مو طالع لهم شيء قالوا اكيد ماس بالسيارة وديتها عند كهربائي يمني وانا اشرح له السالفه قالي اكيد ماس ماتطمنت انا أبي شوركم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

هذا شغلهم يقولك ماس عشان يفك الضفيره ويلعب فيها وكل شي وتخسر مبلغ وقدره بدون فايده

لكزس 400 كانت معي طفت وهي تمشي من مطب وشلتها سطحه وقالوا ماس 

ويفك اسلاك البواجي قدامي يقول شغل 

اشغل يقول شوف واحد يعطي شرر وواحد لا وكلام مدري كيف جاي

يقول فيه مشكله

بالاخير طلع فيوز حق الطرمبة

انت شوف كلام اكيد لا تاخذ على يمكن واتوقع


up 3 down 2
مشكلتي بصراحتي 18
قبل 8 سنه و 6 شهر



شكرا لك على مشاركتك اخوي وانا قلت اشاوركم ومن شاور ماخاب 


up 1 down 1
asd2ksa 102
قبل 8 سنه و 6 شهر



وعليكم السلام      اكيد ماس مدام البطاريه الجديده فضت خلال ثلاث ايام والدنمو قالوا لك سليم شوف افضل حل انك تتاكد زين من الدنمو بخلال الاتي (شغل السياره وافصل اصابع البطاريه وشوف السياره تطفي ولا لا اذ استمرت شغاله معناته مو من الدنمو واذ لاحظت ان السياره ضعفت وتحس انها بتطفي هذا دليل على ان الدنمو ضعيف او فيه ضعف في الكتاوت حقته )  


up 1 down 1
al-harbi- 988
قبل 8 سنه و 6 شهر



شف فيش الدينمو شابك صارت معي قبل فتره 

وما عندك الى واحد من يا كتاوت شحن الدينمو او الدينمو 


up 2 down 1
أستشاري الحب 6468
قبل 8 سنه و 6 شهر



الله يعطيكم العافية شباب راح آخذ بنصايحكم واطبق شرحكم .. بس ياليت الي يعرف كهربائي فاهم للشفر يدلني عليه 


up 1 down 0
asd2ksa 102
قبل 8 سنه و 6 شهر



صارت معي بفورد كراون فكتوريا السياره تطفي لا مشيتها ابو عشر دقايق اروح اشحن البطاريه تمشيني عشر دقايق ثانيه وتطفى . غيرت البطاريه و المشكله استمرت معي و طلعت المشكله من الدينمو ما يوصل كهرب غيرتها و ظبطت معي الحمد لله ... والمشكله ان اللي بالورش يقولون لي ما هو من الدينمو يعني لا تاخذ بكلام اي ورشه


up 0 down 1
abu-ramzy 43
قبل 8 سنه و 6 شهر



في اي مدينه انت !!


up 0 down 0
al-harbi- 988
قبل 8 سنه و 6 شهر



شكراً لك ابو رمزي .. اخوي الحربي أنا في الرياض 


up 0 down 0
asd2ksa 102
قبل 8 سنه و 6 شهر



يفيدووونك ان شاء الله اهل الرياض 


up 0 down 1
al-harbi- 988
قبل 8 سنه و 6 شهر



وش تترجى خير من الكابريس


up 2 down 2
إنحرق الكلتش -46
قبل 8 سنه و 6 شهر



اخوي كريم عندي شفر لية نفس مشكلة وديتها كهربائي قالي يا من فرمتة مفتاح او كمبيوتر عطلان  


up 0 down 0
kayan007
قبل 8 سنه و 6 شهر



^^

خذه قاعده اذا كمبيوتر السياره خربان او مفتاح برمجه 

مستحححيل تشتغل السياره  لا بالدف ولا اشتراك

هذا الكلام قاله لي راعي محل برمجه 


up 0 down 0
fawaz__11 534
قبل 8 سنه و 6 شهر



يا اخوي عندك تهريب كهرباء انت صادم او مصلح شي بالسيارة 
اذا صادم او مصلح علي السياره تفحص المكان لا يكون سلك لامس
بالبدي للسياره ويهرب كهرباء وشف لك كهربائي شاطر يفحص لك السياره 



up 1 down 0
foxzx 1593
قبل 8 سنه و 6 شهر



شوف شيك على الدينمو بشكل عام فيش الدينموو وشيك بعد على اصبع البطارية اذكر هبل فني بالكابرس كل شي غيرنه وشيكت عليه 

واخرته طلع اصبع البطارية 


up 0 down 0
ss 2007 1800
قبل 8 سنه و 6 شهر



نفس كلام الاخ foxzx لانها صارت بجمس خويي +1 ^^


up 0 down 0
ff-ff999 344
قبل 8 سنه و 6 شهر



اذا انت في مكه ادلك على كهربائي واحد عند محطة السعد على طريق السيل النازل بعد محطة باسنبل اسمع الناس يمدحون شغله والعمال اخبرهم باكستانيين بالتوفيق


up 0 down 0
نوار الوذيناني 510
قبل 8 سنه و 6 شهر



انا اخوي معه لومينا اس اس 2003 نفس مشكلتك....كل مايطفي السيارة ثاني يوم ماتشتغل الا باشتراك

مرة وداها ميكانيكي وقاله في شي في الفيوزات خربان

وقاله لاطفيت السيارة لفترات طويلة شيل فيوز معين وقبل ماتشغل الموتر رجع الفيوز مكانه<<< ماذكر اي واحد القصة قديمة

الزبدة شيك على الفيوزات "يمكن" مشكلتك نفس المشكلة








up 0 down 0
musclefreak 355
قبل 8 سنه و 6 شهر



شوف اذا طفت وفصلت كل الانوار بالطبون والانوار والبوري وكل حاجه كهربائية فيمكن اصابع البطارية


up 0 down 0
العامري دوت كوم 2 455
قبل 8 سنه و 6 شهر



أنا عندي نفس السياره ونفس العطل تعبت مع الكهربائيه وتعبوني وفي الاخر يقولو التماس في الكمبيوتر وانصحك لاتودي السياره لأي كهربائي ممكن تحرق السياره ومالها إلا الوكاله


up 0 down 0
rahi5
قبل 8 سنه و 6 شهر