ما هو سبب رخص هذه السيارة وقطعها أسعارها نار

الكروز تعتبر من السيارات المظلومة عندنا هنا...
يعني اسعارها مغرية وممتازة بس معقولة اسعار قطع غيارها غالي للدرجه هذي؟!
اتوقع ان مصيرها زي الهوندا سيفيك...

والله مظلومة ظلم كبير في دول الخليج رغم ادائها و فخامتها و صرفيتها القليلة للبنزين 

لو تشوف مبيعاتها بامريكا واوروبا من اعلى المبيعات

لكن هنا مافي طلب عليها + استغلال الوكيل فـ طبيعي القطع غالية

لكن نصيحتي اطلب القطع من امريكا

اشوفها مع واحد من الزملاء ماقد اشتكى منها 
مع انه كل اسبوعين يروح للطايف ثلاث ايام ويرجع 

ولاهو محافظ يعني استخدامه عادي على اهمال من ناحية الدعس والمطبات

وبعدين اغلب السيارات الجديدة قطعها غالية 

تويوتا 
فورد 
كل سيارات شفروليه

قطعها زادت عن اول بشكل كبير

قبل تشتري اي سيارة لايغريك سعرها اذا كان رخيص فدائما يعوض بقطع غيار غالية حتى السيارات الصينية. لذلك اسأل عن القطع قبل شراء السيارة.

جواابك في سوؤالك ..
طبيعي تكون السياارة رخيصة بسسب غلاء قطع الغيار ..
عشان كذا مَ حد يرغب للسيارة حتى لو كانت برخص الترااب اذا كانت قطع غيارها ناار ..
سواءً الكروز او اي سياارة قطعها ناار ..'

أخوي عادي ترا نفس سعر الاكسنت الصدام الامامي سعره 712 وبعد الخصم 628 وعندك الزيت أغيره في بترومين ب 92 واخوي هرجة القير ومالقير أكيد بتكون غالية لانك أنت تتكلم عن وكالة لكن لو سويتها برا راح يكون ارخص.
تحياتي لك 

الي حط لي ديس لايك شكله يقول اشتر السيارة بعدين اسال عن القطع وقت شراء القطع

انت قلت الأسباب بعدين قلت تطيح سعرها لا جيت تبيعها


كثير من السيارات الممتازة يطيح سعرها بسبب قيمة قطع غيارها و نظام الوكيل

أولهم سيارات دودج و كلايسلر و جيب.  من أقوى و افضل السيارات و امتعها بالقيادة.  لكن وكيلهااا من أسوء الوكلاء بالسوق السعودي
كذا ليش تطيح أسعارها لا جيت تبيعها

iadnuyh

ذيبان فجرها المعلم عطاك الجواب الصحيح والبسيط والكامل خذها من الحكيم الي قالها

السيارة الي تشوفها رخيصة ترى تعوض سعرها بقطع الغيار زي الكروز يقولون

نبغى سعرها 80الف يقولون مايصير محد يشترها كذا يقولون طيب ليش مانسوي سعرها

60الف ونخلي قطعها تكمل المبلغ الى 80 الف والناس كذا بكونون دفعوا 80الف

هذا شي من قسم الادراة من بين الاوراق السوداء السارقة تخرج لتشيل الشركات

من مشهد السقوط الي كان زي اول كانوا بيفلسو لو ماضعفوا السيارة وخلوها تخرب

متعمدين ورفعوا قطع غيرها وتصليحها تخيلو اليوم رايح اشتري كتاوت مروحة من فورد

سعره 50ريال طيب وشريته وتوني مطلعه من القراطيس واركبه وشوي يمكن 10دقايق

ويخترب علي ماقدر ارجعه لانهم مايرجعون الكهرب مكتوب في الفاتورة

واشوف الشركه المكتوبه الا شركه تجاريه من فورد الحراميه قبل كانت الكتاوت مكتوب

عليها فورد الحين مكتوب عليها اسم شركه ثانيه ورحت انا لمحل قطع غيار الوكاله ويقول

هاذي الاصليه وانا شاك فيه لان الاصليه تجي عليها شعار فورد ويقول هاذي الكذاب

واروح لورشة واحصل الكهربائي معاه كنتاوت اصليه من التشاليح ويركبها في السياره

وتشتغل وزي الفل وماخربت زي حقت الوكاله الحراميه

انتبهوا من جشع الوكالاء

واحد من العيال مغير قيرها من التشليح ب5500 وموديلها 2011 واشوفه سعر رخيص بالنسبة لفئتها وموديلها

لان قطعها غالية ما حد يشتريها ، وتلاقيها رخيصة !

ابو ابراهيم 

قيرها اغلى من قير الجمس و مكينته وتقول رخيصة 

قيرها وكالة 20 الف يعني بقيمة السيارة 

طيب بكم قير الكورلا بنفس موديلها من التشليح وﻻحظ ان الكورلا منتشرة يعنى المفروض قطعها تكون ارخص بسبب الانتشار ومافيه احتكار لقطعها

انصحوني يااخوان
معروض علي سياره شيفورليه كروز 2012 كل شي بها تمام وفحص سليم
لكن مضووع قطع الغيار راتبي لايتحملها
انا ممشاي ياد يكون يوميا 30-50 ك فهل هي تتحمل المشاوير او تتحمل السفر برجاء تقديم النصيحه وهل قطع الغيار التجاري ممكن تحل محل الوكاله

انا مثلك ايش نصحوك يا abodi82

معي كروز ٢٠١٥ سفر ومدينة عجبتني عزل رساوة طارة اقرء كتيبها لتعرف صيانتها وانتهى الكلام الذي فيه تستفتيان..

على فكره زيت القير بالكتيب حتى ٣٠الف يتغير والفتلر مليتغيى داخل بالقير (بلت إن)

فلتر القير مايتغير (بلت إن)