أضف سؤال أو موضوع جديد          

ماراح تستفيد من الحركه هاذي

up 23 down 3
faisal2002 892
قبل 8 سنه



السلام عليكم ورحمة الله وبركاته . بختصر الموضوع عشان ما اطول عليكم الحين الواحد يبيع سيارته ولا يعطي الى باعه السبير الى هو المفتاح اثاني طيب ليش وش تستفيد اذا خليته عندك وهو من جاي مع السياره اصلن عطه الي بعته يستفيد منه بدل ماتخسره يقص مفتاح ثاني وبرمجه اتمنا من كل واحد يبيع سيارته يعطي الى شراء منه اغراضها خل اخوك المسلم يستفيد منها .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

توني قبل يومين شريت لومينا

والرجال كانت بإسمه من الوكاله وماخذها كاش يعني المفروض فيه مفتاح ثاني

بس يمكن يكون مضيعه

المهم ابي افتح الدرج المفتاح اللي معي ما يدخل اساسا شكله عريض

اتصلت عليه اسأله يمكن مغير او فيه مفتاح خاص

قال ايه فيه مفتاح خاص ومعي بالبيت

طيب ليش ما جبته معك وقت ما بعتني السياره ههههههههههههه

قال حسيته ماهو ضروري ههههههههههه

ماهو ضروري طيب كان خليت الدرج مفتوح ليش تقفله وتقول ماهو ضروري اكسره يعني او كيف

و زر فتح الشنطه بالدرج 


up 9 down 3



ههههههههههههههههههه  هاذي المشكله شفت كيف احتجته وهو راميه في البيت على العموم مبروك السياره يعطيك خيرها ويكفيك شرها يارب


up 2 down 1
faisal2002 892
قبل 8 سنه



فعلا   كلامك   صحيح

انا  شريت  موتر 

راعيه  ماشاء الله   عليه   اعطاني  مفتاح الوكاله  والاسبير   
حسيته  مهتم   بالموظوع     وعنده   ذمه



up 3 down 2



الوقت ااي بعت فيه سيارتي 

كان معي مفتاح واحد .. وصاحب المعرض اعطاني المبلغ كامل ونقص منه الف ريال ... الين اجيب المفاتيح الباقية

رجعت ابها وبعد يومين جبتلة النسخة ااثانية وسلمني الالف


اي عضو يشتري سيارة لازم يخصم من المبلغ حتى يجيب صاحب السيارة النسخ الباقية 


up 3 down 4
راااضي 2520
قبل 8 سنه



ماراح استلم السيارة اﻻ بكامل اغراضها
مفاتيحها و استبنتها و كل حاجة او اني اخصم منها كل قطعة ناقصة


up 0 down 4
اليابان 2201
قبل 8 سنه



لايعطي مفتاح اهم شي لايغش المسلمين ويحلف اغلاظ ايمان ان مافيها سمكره وهي ملحمه نصفين والا يحط بزيت المكينه زيت ثقيل عشان ماتنكشف حالة المكينه


up 4 down 0
craysiler 244
قبل 8 سنه



جزاك الله خير موضوعك مهم جداً و في الصميم
و أنا أقول المفروض الشاري يسأل عن مفاتيح السيارة قبل الأتفاق و الفحص 
و إذا حصل أنك فحصه السياره و راعيها تعذر بعدم وجود المفاتيح و الريموت
تكنسل البيعه كلها و خل سيارته عنده

تصدق يا أخوي
أنا بايع سيارتي قبل ٤ سنوات و كان عندي قطع غيار نظيفة مغيرتها الوكالة وهي جديدة
وأنا احتفظت فيها و سلمتها للمالك الجديد
رجعت أنا و اياه للبيت بعد الفحص و سلمته المفاتيح و الريموت و قطع الغيار
و ما طلع من عندي إلا شارب قهوته و يدعي لي الله يذكره بالخير و يبارك له.
هذا اللي المفروض يصير بين كل المتبايعين لكن الشكوى لله. 

شكراً لك 


up 7 down 1
أبو جـود 2747
قبل 8 سنه



الله يكثر من امثالك ياابوجود ويباركلك في مالك وجميع من شرفني في موضوعي الله يجزاكم خير ويبارك فيكم شرفتوني


up 2 down 1
faisal2002 892
قبل 8 سنه



و عليكم السلام و الرحمة ....

بالفعل كلامك صحيح 100%
الواحد يكمل بيعته
و يعطي الشراي المفتاح اﻷصلي  و الريموت كانه موجود
عامل الناس كما تحب أن يعاملوك

مشكور على الموضوع 1+


up 2 down 1
أبو نجوى 2442
قبل 8 سنه



كلام سليم 
حصلت معي بعت سيارتي وبعد فتره وانا بالصناعيه صدفه لقيت تاون كار ياولد هذي
سيارتي واوقف عنده واسلم عليه وعطيته المفتاح وقلتله كان ضايع ولقيته بعد 
مابعت السياره وكان مستغرب من الموقف .
ومشكور عالموضوع
+1



up 1 down 1
Saleh Al Masri 644
قبل 8 سنه



السلام عليكم ... 
انا بعد شريت ماركيز وماعطاني الى مفتاح ومكسر ومره نسيته بالموتر وبلشت لين نقزته ماقول غير حسبي الله عليه كانه قاصدها


up 0 down 2
ابو تركي 1979 -38
قبل 8 سنه



انا شاري من الوكاله و ما عطوني الا ريموتين و ما عطوني المفتاح

المهم كيف أقفل الدرج و أصلا من وكالتها ما جا معها مفتاح ؟؟!!!


up 0 down 0
a_aa_ma 1
قبل 8 سنه



مفروض مفتاح السيارة يفتح جميع ادوات السيارة من شنطة وباب وتشغيل ودرج الراكب وتنحل المشكلة من الاساس


up 0 down 1
أبـو بـاسـل 20
قبل 8 سنه