أضف سؤال أو موضوع جديد          

مشكله وتم حلها تريل بليزر

up 6 down 3
راكان-505 7167
قبل 5 سنه و 4 شهر



السلام عليكم ورحمة الله وبركاته

طبعا ولله الحمد والمنه 

صلحت موتري بقيمه 1000 ريال 

اللهم عوضني 

نبدأ فالموضوع 

انا قلت لكم ان الموتر يرج وهو واقف وادعس له بنزين يالله يمشي 

والله علمت ولد خالتي قال مالك الا الصناعية القديمه يعرف له واحد 

وديتها اليوم الساعة 7 ونص على سطحه 

وخليته عند الرجال وقال بشوف وش مششكلتها وادق عليك قلت اوكيه 

المهم ويدق علي الساعة 4 او 3 ونص العصر 

قال ياطويل العمر اسلاك الضفيره مقطعه وملعوب فيها والموتر فيه التماس 

وقال اعزكم الله ( الكلب الي صلح لك الموتر قبل وينه انا بروح له اتفاهم معاه ) 

لو ترجعون لمواضيعي تلقون اني كاتب عن الموتر كان يطفى وغيرت سلك ضفيره ب 1500

لانه كان لاعب فالاسلاك حقت الضفيره ومقطعها ومجرحها 

المهم قلت طيب وش السواة قال بركب لك سلك ضفيره جديد وابرمج الموتر ويضبط ب اذن الله 

والله واستلمها والحمدلله مافيها الا العافية عطيته حقه واحاول ويحلف ولد خالتي

وقال والله مايصلحها الا انا الله يجزاه خير 

ولله الحمدوالمنه 

وبكذا اتمنى اني افدتكم 

مع السلامه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أن شاء الله آخر الاعطال ، واالله يعوض عليك


والضفيرة معروف مايجيها الا واحد مختص ولا يجيب فيها العيد ،،


up 2 down 0
hmada1213 2025
قبل 5 سنه و 4 شهر



الله يجزاك خير والكهرب من جد مب اي واحد يصلحها لهذا السبب ماعمري عدلت على الكهرب او اضفت اي شغلات كهربائيه مثل الزنون وغيره


اللهم امين وياكم 


والله ماصدقت افتكيت راح افك الزنون بكره ان شاء الله 


up 0 down 0
راكان-505 7167
قبل 5 سنه و 4 شهر



ياريت كل عضو يكتشف مشكله ويصلحها ينزل موضوع .... من شأن الجميع يستفيدون


up 1 down 0
راااضي 2529
قبل 5 سنه و 4 شهر



مثل ما قلت لك في ردي السابق مشكلتك متعلقه بالكهرب والناس تقول لك ثروتل ومادري ايش

ع العموم ان شاء الله اخر الخرابات وعقبها تطق لك موتر جديد قول امين

بالتوفيق عزيزي 


up 2 down 0
camry grandi 99 7276
قبل 5 سنه و 4 شهر



اللهم امين يارب الله يسمع منك 


up 0 down 0
راكان-505 7167
قبل 5 سنه و 4 شهر