أضف سؤال أو موضوع جديد          

نظفوا جيوبنا البنقالة

up 34 down 8
أنيق 17573
قبل 9 سنه و 5 شهر



السلام عليكم/
كيف حالكم حبايبنا عساكم بخيير كلن بأسمه ^_*
اليوم موضوعنا مهم جدا خاصتا مع الغبار والواحد متعود على نظافة السيارة أنا أستغرب لييش نقول للبنقالي أبو سيكل
صديق يرحم والديك غسل سيارتي كل عصريه ؟؟وأعطيك بالشهر 50 ريال ؟ يعني البنقالي عنده مكينة غسيل ؟ ولا
يده تقبل الصابون وأيدينا فيها حساسية من الصابون ؟ ليش حنا كسلانين لهالدرجة ؟ المشكله متبطحين الي على البلاك بيري يدشدش ههههه والي على السوني (البلاستيشن)والي على آيفونه يتلعب ألعاب الطيور الغاضبه !!!
تدري أنا مره وصيت أبو هنود يغسل سيارتي الفورد 98 المهم ورحت دخلت البيت ورحت على شباك المجلس أشوفه
كيف يغسلها ؟؟تدري وش سوى ؟غسل الكفرات والنسافات والي خلف النسافات يعنني غسلت سيارتك !! ونعطيه بالشهر 50!!!
وصرت أنا أغسلها أروح البقاله وأشتري فيري 10ريال وسفنجه 5ريال كلها 15 في الشهر وغسيلي أطلق منه - 
ألمع الداخليه مضبوووط وأحط فيها ذاك العود وأبخر وأمسك البدي فررك إلييين يلق (من جماله ودك تعطيها نومه التنده)هههههه
وبعد ماأخلص طقها ترويشه وررروق على حمضيات وتفرج في موترك وهو يلق *
آسف على الإطالة يالغالين لكن ودنا كل واحد يتحرك وينشط جسمه ويغسل سيارته بنفسه أفضل 
وأي إضافات الله يحييكم الموضوع موضوعكم وحنا أخوان لزوم نستفيد من بعض
ويعطيكم العافيه حبايبي
تحياتي لكم &أنيق&









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


موضوع انيق من شخص انيق واسمه جدا انيق

تسلم على الموضوع يا بطل


up 4 down 1
حكيم المعاني 10320
قبل 9 سنه و 5 شهر