دينمو الكهربا للومينا 2008 ال اس .. ممكن تفيدوني ؟؟

يا اخوان طفت علي السيارة اليوم وهي ماشية وسويت لها اشتراك ومامشيت 5 دقايق وطفيت مره ثانية وثالثة ..

المهم رحت لراعي البطاريات كشف بجهازه قال الدينمو واصل 12 ولازم يكون 14 بالمؤشر الأخضر ..
انا ما ادري عن 12 ولا 14 لكن ذا كلامه

قلتله والحل قال البطارية ايضا معدومة غيرها ووديها على الصناعية باكر الصباح احسن من انك تاخذ سطحة وحوسة..
غيرها واشتغلت السيارة لكن اختلفت سيارتي صار صوت المكينة عالي وحالتها مهي عاجبتني ابد
فيه اصوات تجي من الماطور مدري عن قلعتها ماكانت فيه من اول

سؤالي الحين دينمو الكهربا هل يتغير او لازم جديد وكم سعره الله يوفقكم تجاوبوني ..
او اسويله اصلاح بس مدري كم يكلف ؟؟

هي شمت ريحة الراتب وجاتك تسعى .. الحمدلله على عطاه ورضاه

تتوقعون ليش تغير صوت المكينة ؟؟ الله يستر

اخاف بكره اشغلها ماتشتغل بقعا

إبلاغ

الردود

أخوي أهم شي تكون البطاريه نفس مقاس بلدها .. اذا كانت نفس المقاس فاتغيرها مالو دخل في المشاكل الي تقول

والدنمو اذا كان خربان مايعبي البطاريه وتنور لمبه البطاريه في الطبلون وما أطن انها نورت .. فا مر على كذا ورشه

وشوف يمكن العلة تنظيف أوشي مثل كذا .. أرجو اني أفذتك .

مستر بن . 10377
قبل 10 سنه و 12 شهر

حبيبي الدينمو يعبي من 12 ونص الى 14 حقكك طبيعي مافيه شي لاتغييره

lolo-ss 4508
قبل 10 سنه و 12 شهر

الدينمو اذا ثبت عند علماء الصناعية ، هو عبارة عن اجزاء داخلية منها كتاوت وفحمات وو تغيــر وخـــــلاص

اما الصوت لان البطارية فصلة وراحت البرمجه مؤقت
انت خلي السيارة شغالة بدون مكيف 10 دقايق وهي تبرمج نفسها ، لاتحركها قبل ماينزل الـ أر بي أم وتحس صوتها رجع طبيعي ..

سوي أولاً .. اختبار الدينمو واختبار البطارية قبل الخساير
بالتوفيق

aziz..747.. 2421
قبل 10 سنه و 12 شهر

الله يجزاكم خير جميعا ماقصرتوا ..
طبعا غيرت البطارية البارح واليوم شغلت الصباح اشتغلت وصارت الامور تمام ولله الحمد
ورحت اليوم كشفت على الدينمو طلع سليم ولله الحمد ..

لكن صوت السيارة وهي واقفة عالي شوي مدري وش صار ..؟؟ عموما خلها تدبك بعدين افضالها

يعطيكم العافية جميعا

ابو سيـف 222 21
قبل 10 سنه و 12 شهر