احد سمع حادث بالبر

يا أخوي قدرة الله مالها مكان محدد .

الله يرحم المتوفين ويشافي المصابين بأذن الله

اكيد فيه حوادث تصير من الشجر وانقلاب من السرعه ومطارده وحد ومسابقه 

وكل شي مقدر ومكتوب

الله يرحم المتوفين ويشافي المصابين بأذن الله 

الله يرحمهم و يغفر لهم

ياما حوادث سمعناها و شفناها

منهم البنات الي ماتو العام

و اخبر واحد نائم في مكان منخفض و جا واحد مسرع و دعسه

المكتوب يحصل لك

كل شي يحصل قدر ومكتوب , الله يرحم المتوفي ويشفي البقية ..!

قدر الله وماشاء فعل.
الله يرحم المتوفي ويلطف بالمصابين والقدر ماله مكان محدد

يا حبيبي قدرة الله فوق كل شي في ناس تنام مافيها شي تجي اليوم الثاني تصحيه تحصله ميت اسال الله العظيم ان يتختم اعمالنا بالصالحات

هذا قدر الله. 
وترى ماهو أول حادث ببر. 
ياكثر ماسمعت وشفت حوادث بالبر. وكلها سبت هالطيور
يجيك الواحد مدرعم وماشي طبلون الجيب. يطارد الطيور والثاني جايك شاخفها
من الجهه الثانيه. 
وبينهم عقم أو ردوم بسيطه. ماحد يشوف الثاني. 
ويحصل بين الصيادين تحدي بالمطامر والسرعه
ويحصل بعد معاند بينهم وكلن يقول انا سبقت على هذا الجول من الطيور. 

وعسى الله يكفينا شر تصاريف الايام. 
ويرحم المتوفي ويعافي الحي. 

يا اخوي صوت العزاوي انت ما طلعت قنص ولا مره ترا عادي تشوف جيب طاير يمشي 
١٦٠ بالبر متعودين أهل القنص زين ليه يركبون تواير بواليين ومساعدات ويايات استراليه 
لان البوالين ترفع السياره وتكون خفيفه وحق سرعه بالبر والمساعدات واليايات تخلي السياره
تثبت ما طامر بالبران والمطبات وتكون ثابته ومهما كانت سرعته وأغلبية أهل القنص تلقاها مسرع 
وعيونه هو واخوياه علي الطير اللي بالسماء يعني مو منتبه علي الطريق وياما ناس تصادموا
بسبب انهم يلحقون طير وحبيت أضيف ان أهل القنص تجيه جنيته ان سمع علي الايكوم ان فيه 
طير بالموقع الفلان تلقاها يلعن والدي سيارته لحد ما يوصل للموقع واذكر مره طلعت ما خواي قنص
ونسمع علي الجهاز ان فيه طير بعد ٣٠ كيلو واحنا طرنا وراه وكنا نمشي ١٤٠ وحنا بالطريق شفنا 
غبره ورانا ولا هالغبره تتعد انا ولا جيب سفاري والله العالم يمكن يمشي ١٨٠ وازود والرجال سمع البلاغ
مثل ما سمعناها ومعروف ها لمقصد عند أهل القنص انه يلحق علي الطير قبل لا يغير موقعه ومنها قبل لا تتجمع
عليه سيارات القنيصه يعني تصير مواقف كثيره مع القناصين والقنص للرجال اللي قلوبهم ميته مو حق الرخوم .
الله يرحم اللي مات والله يشفي المصابين .
يا ابراهيم التركي لا تشمت في بلا الناس ولا ربك يبتليك فيما ابتلاهم المفروض تدعي وتقول الله يعافيهم ولا يبتلينا بمبتلاهم
مو تشمت  
وتحياتي

هذا أنت قلتها قلوب ميته ولاحول ولا قوة إلا بالله

الرجال اللي وصفتهم بالرخوم هذولاء يمتلكون العقل و الحكمة و أهل قلوب حية

الرجل إذا كان عاقل و يميز الصح من الخطأ هذا يطلق عليه رجل عاقل رجل حكيم رجل يزن الأمور ويضعها في نصابها الصحيح 

لا يخاطر بحياته من أجل طير 

من صحيفة سبق الالكترونية

هذا مايسمى إدمان الصيد وبعضهم يخسر الآلاف لأجل رحلات القنص 

يا ابو جود كيف تبي ألرخمه يفكر بعقل وحكمه وهو تربيته خطاء انا مقصدي بالرخوم الجبان
والخواف بس انت كيف فسرت الرخوم ما ادري عنك وحتي الرسول صلي الله عليه وسلم قال (
المسلم القوي افضل من المسلم الضعيف ) 
لو تاخذ رخمه معك للبر وتنامون هناك والله يزعجك تالي الليل ما يخليك تتهني بنومتك كل شوي يصحيك
من نومك جانا جني جانا كلب عزكم الله .
يا اخوي لا تقولي يفكرون وعندهم عقل يرحم والديك 
ترا أهل القنص انا قلت قلوبهم ميته مو بقصدي بالسواقه والسرعه بس والله لو تقوله اقعد بالبران شهر كامل 
والله يقعد وينام ويطبخ ويعتمد علي نفسه ولا ألرخمه ما يسوي هالامور هذي والرخمه جبان وخواف واتكالي 
وتقول أهل القنص ما عندهم عقول ترا القنص فيه خير ورزق وياما ناس صادوا طيور باعوها بالملايين  يعني 
ما تستأهل أني اغامر واستانس مع اخوايا ينشد فيهم الظهر.
وحط في بالك ان أهل القنص رجال ينشد فيهم الظهر وعند وجهك وان احتجته قالك لبيه مو بالرخمه اذا قلت له 
طلبتك رد عليك وقالك لحظه ابشاور أمي .
يا اخي الرسول صلي الله عليه وسلم قال ( علموا أولادكم السباحة والرمايه وركوب الخيل )
والقنص من الرمايه ولا تنسي بكتب الأحاديث الاسلامية فيه ابواب مخصصه للصيد
يعني حتي الاسلام يعلمنا علي الصيد واكتساب الرزق باليد

انتهي النقاش

تحياتي  

  

كلامك على متمه أخي فوكس

أنا لا أقصد الرخوم اللي ذكرت

قصدي الرجال شرواك اللي تحكم عقلها ولا تجازف بأرواحها من أجل صيد.

و الصورة فوق أبلغ من الكلام 

و بالنهاية ترى يا أخوك أنا و أنت كلنا طيور بر لا يروح فكرك لبعيد

تحياتي 

الله يوفق اللي يعطيني لايك ..