أضف سؤال أو موضوع جديد          

فكرة جتني وحاب اخذ رايكم......

up 3 down 3
ولد الرياض 2010 756
قبل 7 سنه و 11 شهر



السلام عليكم ورحمة الله وبركاته"

انا يااخوان على مخالفات من ساهر حدود 30 الف ريال"
فقررت اني ابيع سيارتي واسدد المخالفات واشتري بالباقي سيارة قديمة"
وفعلا عرضت سيارتي هنا بالموقع للبيع"

الحين الفكرة اللي جتني انه بعد مابيع موتري واسدد لساهر،
اطلع للكويت واشتري سيارة من هناك(طبعا موديلها تحت 2000)
وادخلها السعودية بلوحات كويتية واستعملها هنا،
طبعا السبب ورى هذا كله عشان ساهر فقط لا غير،،
لانه ماتزل مخالفات الا على اللوحات السعودية"

بس فيه ناس قالوا صعبه شوي لانه اذا جيت تشتري سيارة من هناك لازم يكون عنك عمل!
والبعض يقول بطاقة سكنة تكفى واتوقع سهل تطلعها،،


انا ابي ارائكم ومقترحاتكم لموضوعي....
وشكرا"







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعينك 
فكرة ساهر حماية المواطن 
تطبيق ساهر سرقة المواطن


up 4 down 0
عبدالرحمن إسماعيل 779
قبل 7 سنه و 11 شهر



اخوي بالنسبة انك تبيع سيارتك عشان ساهر انا اقلك لاتبيعها
وال 30 الف شيل كل شهر مبلغ بسيط من راتبك وخلك على كذا الى ان توصل 30 الف وسددها وعاد انت يبغالك تهدى عن المخالفات شوية ولا تزيدها الى ان ربك يفرجها وتسدد المخالفات بس خل سيارتك واذا ماتبي ساهر شفلك طريقة تخفي فيها لوحتك
والله يعينك ويوفقك ...


up 4 down 0
mr vip 1142
قبل 7 سنه و 11 شهر



30 الف ؟؟ لاحول ولا قوة الا بالله

اخوي سمعت ان فيه مكتب مدري وينه عند الجوازات او حوله هذا مختص بحقين تظلم ساهر رح عندهم يمكن يقدرون ينقصون المخالفات لو شوي

اما بخصوص موضوعك إن شاء الله الآخوان مايقصرون بس ترا الجمرك مايدخلون سياره إلا أخر 6 سنوات من العام الحالي

الله يسر كربة كل مسلم


up 2 down 0
راعي الهيونداي 537
قبل 7 سنه و 11 شهر



اخوي الان تقدر تسدد مخالفات عن طريق الصرافه كل مخالفه برقمها يعني بدل ماتسدد برقم الهويه المبلغ كامل تسدد برقم مخالفتك ورقم هويتك وهالنظام شبيه بنظام الاقساط يعني لو تسدد كل شهر 2000 ريال 


رح للمرور واسحب برنت المخالفات وسددها بأرقامها 




up 1 down 2
ابـو نـايف 11 74
قبل 7 سنه و 11 شهر



من الكويت لا امرها سهل 
اذا دخلت الكويت يسجلون علئ جوازك رقمين
رق خاص بالمرور والرقم الثاني ماني عارف ليش 
تقدر تسجلها باسمك بدون بطاقه سكانيه مثل الامارات 


up 0 down 1



اذا أنت مستعجل تبي تطلع جواز مثلا. خذ قرض سددها و ادفع قرصك

و اذا منتب مستعجل سدد كل شهر مخالفتين و لا ثلاثة و بنهاية السنة تكون شبه خلصت


up 0 down 0
a_aa_ma 1
قبل 7 سنه و 11 شهر



يا ولد الرياض من رأي سدد وريح بالك سددها بالاقساط 
بس انت تأكد يمكن ما يطلعونك من الجوازات علشان عليك قسائم بمبلغ 
كبير يقولون لك ادفع بعدين اطلع .
واذا تبي تشتري من الكويت اول ما تدخل من الجوازات يحطون لك رقم اسمه رقم معاملة الرقم الموحد
تاخذ الرقم وتروح لمطار الكويت وهناك تخلص الرقم الموحد لان الرقم الموحد انقلوه من جوازات المحافظات 
وخلوه بالمطار وهذا النظام الجديد بس لازم تبصم .
وصحيح السيارات الكويتيه رخيصه ونظيفه بس اذا تفكيرك انك تخالف ساهر علي السياره الكويتيه راح ينكتب 
فيك تقرير ويرسلون هذا التقرير الي الجمارك والجمارك تعطي اسم وبيانات من دخل السياره للسعوديه 
وحبيت أضيف لك ان السياره الكويتيه ينطبق عليها قانون المرور السعودي من قسائم ومن حجز ومصادره 
وتحياتي لك 


up 0 down 0
foxzx 1593
قبل 7 سنه و 11 شهر



مايخلونك تبيع السياره الابعد ماتسدد يعني لازم تسدد المخالفات اول بعدين تقدر تبيع السياره


up 1 down 1
حسوف -60
قبل 7 سنه و 11 شهر



يعطيكم العافية على تفاعلكم"

افهم من كلامك لو استخدمت السيارة باللوحات الكويتية داخل السعودية تنزل على مخالفات ساهر...؟؟

اذا بتنزل راح اكنسل الفكرة لان الهدف الاساسي منها ساهر"

بعض الشباب يقولن لي اللوحات الخليجية سواء اماراتيه او قطرية او كويتيه او غيرها ماتنزل علىيها مخالفات ساهر!


up 0 down 0
ولد الرياض 2010 756
قبل 7 سنه و 11 شهر



انا سمعت ان اللوحات الخليجية ما تقدر تبيعها ولا تنقل مليكيتها ولو صار حادث مالك شي والتامين ما يغطيك
والله اعلم ..


up 0 down 1
سعـد بن سعـود -25
قبل 7 سنه و 11 شهر



اذا موترك مايسوى طشه


up 0 down 0
امجد 10 163
قبل 7 سنه و 11 شهر



 السلام عليكم ورحمه الله 
انا محمد من محافضة حفر الباطن تقريبا اقرب  محافضة للكويت  
وكثير هنا فيه سيارات كويتية بشكل ما تتصور  واصلا تقريبا كل بيت لازم سيارة كويتية 
لازم يكون معك بطاقة مدنية  كويتية علشان تحط السيارة باسمك  
وكثير من الي يشترون من الكويت  تكتب باسم صاحب البطاقة  المدنية ويعطيه تفويض  انه يتنقل بالسيارة وتكفي ههذه 
وبالنسبة   للساهر تقريبا الدولة الوحيدة من دول الخليج رفضت  لا تتعاون مع مرور السعودية بسبه ساهر وشافت فيه ظلم 
وباقي دول الخليج  راح تتعاون وتحت الاجرااء 
واي  خدمة انا حاضر 


up 0 down 0
صوت العزاوي 523
قبل 7 سنه و 11 شهر



٨٨٨٨٨٨٨٨٨ 
محمد يا اخوي كلامك هذا النظام القديم في الكويت الحين تقدر تحول السياره باسمك 
بالجواز بس لازم يكون عندك رقم موحد 

ولد الرياض انا اقول علي طريقه وش تسوي بالسياره الكويتيه عقب ما تخلص منها 
يعني شريت سياره كويتيه واستعملتها سنتين ومليت من السياره تروح تشلحها بالتشليح 
وتأخذ ورقة التنزيل للكويت عند قسم تسقيط السيارات ومراقبة السكراب في منطقة امغره في
الكويت وطلع أوراق عند الطباعين وترفق ورقة التنازل مع الأوراق وتروح للمرور وترفع السياره عن اسمك
ويعطونك ورقة يسمونها هلاك كلي وترد فيه للتشليح وتأخذ فلوسك واذا تبي تدخل سياره ثانيه دخلها غير الجمرك
اللي دخلت عنده السياره الأولي لو نقول مثلا انت دخلت من الرقعي المره الثانيه ادخل من الخفجي لان الحاسب غير
مشترك بين جمرك المنفذين
وتحياتي  


up 0 down 0
foxzx 1593
قبل 7 سنه و 11 شهر



صحيح نسيت لا اقولك يا ولد الرياض ترا مرور الرياض بعض مرات يشددون علي السيارات
الخليجيه اللي سواقينها سعوديين وبرخص سعوديه بعض مرات يحجزون السياره يا تتجمرك او 
او ترجع السياره للدوله الصادرة منها اللوحات .
واتمني أني افدتك


up 0 down 0
foxzx 1593
قبل 7 سنه و 11 شهر